អ្នកដែលចង់រស់នៅដោយឯករាជ្យដោយមិនពឹងសូម្បីតែឪពុកម្ដាយ នឹងទទួលបានប្រយោជន៍សំខាន់ៗទាំងនេះ
មនុស្សម្នាក់ៗ មិនមែនរស់នៅដោយឯករាជ្យបានងាយៗទេ តែមនុស្សមួយចំនួនក៏ធ្លាប់ឆ្លងកាត់វារួចមកហើយ ដោយសារការរស់នៅបែកពីគ្រួសារ ក៏ដូចជាចង់ស្គាល់រសជាតិជីវិតម្នាក់ឯង ជាដើម។ ប៉ុន្តែយ៉ាងណាក៏ដោយ ការរស់នៅដោយឯករាជ្យដោយមិនពឹងពាក់ច្រើនលើអ្នកដទៃ បានផ្តល់ប្រយោជន៍ជាច្រើន៖
១) កែប្រែអ្នកទៅជាមនុស្សក្លាហាន៖ មនុស្សដែលឯករាជ្យ គឺមានភាពក្លាហានណាស់ ដោយសារគេជាមនុស្សតែម្នាក់គត់រ៉ាប់រងរឿងរ៉ាវនានា ក្នុងជីវិត។ ភាពក្លាហាននេះកើតឡើង ដោយសារតែពួកគេតែងគិតអ្វីគឺធ្វើហ្នឹង ហើយមិនចាំបាច់ទៅសុំយោបល់ពីអ្នកណាសិនមុននឹងធ្វើអ្វីមួយទេ។
២) រស់ដោយមិនពឹងផ្អែកអ្នកណាទាំងអស់៖ មនុស្សដែលគ្មានភាពឯករាជ្យខ្លួនឯង ភាគច្រើនតែងរស់ដោយសារតែគេ។ នេះគឺសោយសារតែគេមិនចង់ជ្រើសរើសផ្លូវដើរដោយខ្លួនឯង ឬក៏ពួកគេមិនសូវជាហ៊ានក្នុងឆាកជីវិត។ មនុស្យដែលរស់នៅពឹងផ្អែកលើគេពេក គឺគ្មានអ្នកណាចូលចិត្ត និងចង់រាប់អានប៉ុន្មានទេ។
៣) មានគំនិតទូលំទូលាយជាងអ្នកណាទាំងអស់៖ មនុស្សឯករាជ្យ ភាគច្រើនពួកគេ ត្រៀមខ្លួនរួចរាល់ហើយ ក្នុងការជួបមនុស្សថ្មី និងសាកល្បងអ្វីដែលគេមិនដែលធ្វើ។ ហេតុនេះវាជាសញ្ញាបង្ហាញថា អ្នកជាមនុស្សបើកចិត្តបើកគំនិត ទូលាយរាប់អានមនុស្សថ្មីនិងបើកឱកាសថ្មីចូលក្នុងជីវិត។
៤)ជាមនុស្សយល់ពីខ្លួនឯងច្បាស់៖ បើអ្នកគិតថា ហេតុ អីអ្នកមិនសូវយល់ពីខ្លួនឯង នេះប្រហែលមកពីអ្នកគិតពីអ្នកដទៃ ច្រើនពេក។ ហេតុនេះហើយទើបការរស់នៅឯករាជ្យធ្វើឲ្យអ្នកស្គាល់ខ្លួនឯងច្បាស់ ដោយសារអ្នក សម្រេចចិត្តដោយខ្លួនឯង ធ្វើអ្វីឲ្យខ្លួនឯងសប្បាយ រស់នៅគឺសម្រាប់តែខ្លួនឯង៕
ប្រែសម្រួល៖ ព្រំ សុវណ្ណកណ្ណិកា ប្រភព៖ lifehack
