បើអ្នកដឹងខ្លួនថាអ្នកមានសភាពបែបនេះ « អ្នកជាមនុស្សញៀននឹងទូរស័ព្ទខ្លាំងណាស់»
សម័យនេះទៅហើយ អ្នកណាៗ ក៏មាន ទូរស័ព្ទសឹងតែគ្រប់ដៃដែរ។ អ្នកខ្លះមានសុទ្ធតែ២ឯណោះ ហើយបើក្មេងៗវិញគឺធំមិនទាន់ទេ ពួកគេក៏មានប្រើគ្រប់ៗដៃដែរ។ ការប្រើប្រាស់ទូរស័ព្ទគឺវាជាសិទ្ធបុគ្គលមែន តែបើការប្រើប្រាស់មិនចេះគិត គឺវាអាចជះឥទ្ធិពលអាក្រក់មកលើអ្នកច្រើនណាស់។ សង្កេតមើលសភាពទាំងនេះសិន ទៅ ដើម្បីទាយថាតើអ្នកញៀនទូរស័ព្ទមែនឬអត់?
១) ព្រលឹមឡើងមិនទាន់ដើររកទូរស័ព្ទ៖ ភាគច្រើន ពេលភ្ញាក់ពីព្រលឹម បើអ្នកស្វះស្វែងស្វែងរករបស់អ្វីមួយ គឺមានន័យថា អ្នកផ្ដល់តម្លៃលើវាជាងគេ។ ទៀតសោតបើអ្នកភ្ញាក់ពីដំណេកភ្លាម ហើយស្រវារកទូរស័ព្ទដៃ នេះបញ្ជាក់ថា អ្នកស្រឡាញ់និងផ្ដល់តម្លៃលើវាខ្លាំងមែនទែនហើយ។
២) ឲ្យតែទំនេរនឹកឃើញទូរស័ព្ទមុនគេ៖ អ្នកដែលមិនសូវញៀនទូរស័ព្ទ ពេលមានពេលទំនេរ ពួកគេសុខចិត្តធ្វើអ្វីផ្សេងៗ ក្នុងនោះមាន ដូចជាការអានសៀវភៅ ជជែកគ្នាលេង មើលមេឃមើលផ្កាយ។ តែបើអ្នកណាដែលមានពេល ហើយទាញយកតែទូរស័ព្ទមកចុចនោះ គឺពួកគេញៀននឹងវាខ្លាំងមែនទែនហើយ។
៣) ពេលវេលាសឹងតែ៩០ភាគរយគឺចំណាយលើទូរស័ព្ទ៖ ពេលវេលានៃជីវិតគឺត្រូវតែចែកឲ្យបានច្បាស់លាស់ថា អ្នកត្រូវធ្វើអ្វីខ្លះ។ ពេលមួយចំណែកអ្នក ត្រូវនៅជាមួយគ្រួសារ នៅជាមួយ មិត្តភ័ក្ដិ នៅម្នាក់ឯង រៀនសូត្រ រកស៊ី ផងដែរ។ តែបើចំណាយ៩០ភាគរយលើទូរស័ព្ទ វា ហាក់ដូចជាញៀនជ្រុលពេកហើយ។
៤) ព្យាយាមចង់កាត់បន្ថយការប្រើវាដែរតែតៅមិនរួច៖ ពេលខ្លះ អ្នកនៅជុំវិញអ្នកអាច ស្ដីឬក៏បន្ទោសអ្នកដោយសារ អ្នកញៀនទូរស័ព្ទខ្លាំងពេក។ ហើយអ្នកក៏ចង់កាត់បន្ថយវាដែរ តែធ្វើមិនបាន។ នេះហើយដែលហៅថាញៀន ដំណាក់កាលធ្ងន់ដកខ្លួនលែងរួច៕
ប្រែសម្រួល៖ ព្រំ សុវណ្ណកណ្ណិកា ប្រភព ៖entrepreneur
