ហេតុអ្វី«ការស្រឡាញ់ » ធ្វើឲ្យអ្នកមានអារម្មណ៍ពិសេសខ្លាំងយ៉ាងនេះ?
មកដល់ពេលនេះ ស្ទើរតែគ្មានយុវជន យុវតីណាដែលថាមិនដែលឆ្លងកាត់ពាក្យថាស្នេហាទេ។ តែគ្រាន់តែស្នេហានោះវាយូរនិងឆាប់ អាស្រ័យលើមនុស្សជាអ្នកចាត់ចែងវា។ តែបើនិយាយពីអារម្មណ៍វិញ អ្នកដែលធ្លាប់មានស្នេហា កំពុងមាន និងជិតមាន គឺនឹងដឹងថាវាពិសេសយ៉ាងណាហើយ។
១) ដៃគូស្នេហាអ្នកនឹងក្លាយជាមនុស្សជំរុញទឹកចិត្តឲ្យធ្វើអ្វីជោគជ័យ៖ ពេលដែលស្រឡាញ់គ្នា ហើយឃើញដៃគូស្នេហាអ្នកជោគជ័យ អ្នកនឹងមានចិត្តចង់ធ្វើឲ្យដូចគេ។ ហើយគេនេះហើយដែលជាកម្លាំងជំរុញអ្នកក្នុងការធ្វើអ្វីមួយនោះ។ អារម្មណ៍បែបនេះ គឺមិនចេះតែកើតមានឡើងនោះទេ នេះទាល់តែអ្នកទាំង២មានអារម្មណ៍ដូចគ្នា ហើយអាចស្រឡាញ់គ្នាបាន ទើបវាអាចកើតឡើងលើអ្នកបាន។
២) វាធ្វើឲ្យអ្នកសប្បាយគ្មានអ្វីថ្លែង៖ មិនថាអ្នកពិបាកចិត្ត ឬជួបបញ្ហានឹងជីវិត នោះឡើយ ស្នេហាវានឹងចូលមកដើម្បីលុបបំបាត់រាល់អារម្មណ៍សោកា ហើយបញ្ហានោះវានឹងរសាត់បាត់ពីអ្នក ដោយមិនដឹងខ្លួន។
៣) ទទួលបានអារម្មណ៍រ៉ូមែនទិកដែលមិនងាយអ្នកណាផ្ដល់ឲ្យ៖ មិត្ត ភក្ដិក៏មិនអាចផ្ដល់អារម្មណដ៏រ៉ូមែនទិកមួយសម្រាប់អ្នកបានដែរ។ ហើយអារម្មណ៍នេះទាល់តែកើតចេញមកពីចិត្តនឹងចិត្ត ទើបវាអស្ចារ្យ។ ពេលអ្នកមានស្នេហា អារម្មណ៍នេះវានឹងកើតឡើងមកលើអ្នកជាញឹកញាប់តែម្ដង។
៤) ស្នេហាធ្វើឲ្យអ្នកជឿលើមនុស្សម្នាក់៖ កាលពីមុន អ្នកអាចនឹងមិនជឿលើនរណាម្នាក់ព្រោះខ្លាចចាញ់បោកគេឯង។ តែបើអ្នកមានស្នេហា អ្នកហាក់ដូចជាជឿជាក់ខ្លាំង និងមានជំនឿ១០០ភាគរយតែម្ដងទៅលើមនុស្សជាទីស្រឡាញ់របស់អ្នក៕
ប្រែសម្រួល៖ ព្រំ សុវណ្ណកណ្ណិកា ប្រភព៖ huffingtonpost
