សញ្ញា៤យ៉ាងបញ្ជាក់ថា គេមិនមែនជាបុរសសមនឹងអ្នកទេ «ជាពិសេសធ្វើជាគូជីវិត» !
តាមពិតទៅអ្នកមិនទាន់ប្រាកដក្នុងចិត្តឡើយ ហើយភាពមន្ទិលសង្ស័យនេះគឺធ្វើឲ្យអ្នកសួរខ្លួនឯងថាតើគេជាដៃគូដែលសក្ដិសមនឹងអ្នកដែរឬអត់? ហេតុនេះដើម្បីអស់មន្ទិលសង្ស័យ អ្នកគួរសង្កេតមើលចំណុចទាំងនេះដើម្បីដឹងថា គេជាបុរសដែលសមនឹងអ្នកឬយ៉ាងណា?
១) បើគេនៅមានអត្តចរិតក្មេងនៅឡើយ
អាត្មានិយម មិនយល់ពីតម្លៃ តែមានចិត្តច្រណែនឈ្នានីសបង្ហាញថា ពួកគេគឺនៅក្មេងនៅឡើយ ហើយមិន ទាន់សក្ដិសមសម្រាប់នារីៗយកមកធ្វើសង្សារទេ។ ពួកគេត្រូវការពេលវេលាយូរទៀតក្នុងការហ្វឹកហាត់ចិត្ត និងចាំដល់ពេលដែលខ្លួនឯងមានគំនិតចាស់ទុំសិន ទើបល្អ។
២) បើគេតែងសម្រេចលើកិច្ចការអ្វីគ្រប់យ៉ាង
ស្នេហាអាចដើរទៅមុខបានលុះត្រាមនុស្ស២នាក់ បញ្ចេញយោបល់ និងសម្រេចចិត្តទាំងអស់គ្នា។ តែបើបុរសម្នាក់នោះ មិនព្រមទទួលគំនិតអ្នក ហើយព្យាយាមសម្រេចអ្វីតែម្នាក់ឯង គឺអ្នកមិនអាចទាក់ទងគ្នាឡើយ។
៣) បើគេមិនយល់ទុកចិត្តអ្នក
វាពិតជាមានសម្ពាធណាស់ បើអ្នកមានសង្សារដែលជាមនុស្សមិនយល់ចិត្តនោះ។ ក្នុងនាមជាបុរស យ៉ាងហោចណាស់ ក៏គួរតែយល់ថាមិត្តស្រីខ្លួនចង់បានអីដែរ។
៤) បើគេធ្វើឲ្យអ្នកលែងទុកចិត្តតទៅទៀត
បើសិនគេម្នាក់នោះបាន ធ្វើឲ្យអ្នកអស់ជំនឿទុកចិត្តហើយនោះគឺមិនសក្ដិសមសម្រាប់អ្នកឡើយ៕
ប្រែសម្រួល៖ ព្រំ សុវណ្ណកណ្ណិកា
ប្រភព ៖ businessinsider
