កំហុសធំៗ៣យ៉ាង ដែលម្ចាស់អាជីវកម្មខ្នាតតូចមិនចាប់អារម្មណ៍ នាំឲ្យវិនាសដោយមិនដឹងខ្លួន
នៅពេលដែលក្រុមហ៊ុនរបស់អ្នកនៅតូចហើយមានថវិកាឬដើមទុនតិចតួចទៀតនោះ អត្រានៃការដួលរលំឬភាពបរាជ័យគឺមានខ្ពស់ប្រសិនជាអ្នកពុំមានយុទ្ធសាស្ត្រត្រឹមត្រូវ។ ខាងក្រោមនេះជាកំហុសធំៗ៣យ៉ាងដែលអ្នកអាចរៀនសូត្រនិងជៀសវាងនូវកំហុសទាំងនេះ៖
១) អត់ពង្រីកទីផ្សារ៖ បើទោះបីជាអ្នកលក់អស់ឬចែកចាយផលិតផលអស់ជាច្រើនទៅដល់ទីផ្សារក៏ដោយ តែអ្នកពុំគួរឈប់ពង្រីកទីផ្សាររបស់អ្នកនោះទេ។ ប្រសិនជាអ្នកចង់ជោគជ័យ អ្នកត្រូវប្រាកដថាទំនិញឬសេវាកម្មរបស់អ្នកកើនឡើងពីមួយថ្ងៃទៅមួយថ្ងៃ។ ហើយវិធីតែម៉្យាងគឺពង្រីកទីផ្សាររបស់អ្នកឲ្យកាន់តែធំ។
២) លុយសម្រាប់បង្វិល៖ ជាការពិតណាស់ លុយសម្រាប់ការបង្វិលក្នុងការចំណាយក្នុងក្រុមហ៊ុននិងលុយចំណេញរបស់អ្នកគឺសំខាន់ដូចគ្នា។ តើមួយណាសំខាន់ជាង? នោះអាស្រ័យទៅលើស្ថានភាពផ្ទាល់។ ជាធម្មតាចំពោះក្រុមហ៊ុនតូចៗ លុយសម្រាប់បង្វិលក្នុងក្រុមហ៊ុនគួរណាតែសំខាន់ជាងពីព្រោះថាប្រសិនជាមានការរាំងស្ទះនូវថវិកា នោះវានឹងមានការប៉ះពាល់ដល់ក្រុមហ៊ុនដែរ។ ដើម្បីជៀសវាងបញ្ហានេះ អ្នកត្រូវស្គាល់អតិថិជនរបស់អ្នកឲ្យច្បាស់ តើពួកគាត់ឲ្យលុយទៀងទាត់ដែរឬទេ ដូច្នេះហើយអ្នកមានលក្ខណៈងាយស្រួលក្នុងការគ្រប់គ្រងលុយនិងការចាយវាយ។
៣) ប្រញាប់តែជួលបុគ្គលិក៖ នៅពេលដែលក្រុមហ៊ុនរបស់អ្នកទើបតែដំណើរការ រាល់ការសម្រេចចិត្តរបស់អ្នកគឺពិតជាសំខាន់ខ្លាំងណាស់ពីព្រោះវានឹងប៉ះពាល់ដល់ថវិកាក្រុមហ៊ុនទាំងមូល។ សហគ្រិនជាច្រើនប្រញាប់តែជួយបុគ្គលដើម្បីមកបំពេញតំណែង ដោយពុំបានជម្រើសបុគ្គលឲ្យបានដិតដល់។ អ្វីដែលអ្នកគួរធ្វើគឺត្រូវជម្រើសបុគ្គលដែលមានសមត្ថភាពនិងអាចជួយជំរុញក្រុមហ៊ុនរបស់អ្នកឲ្យដើរទៅមុខបានឆាប់៕
ប្រែសម្រួល៖អុឹង មុយយូ ប្រភព៖ usatoday.com
