ស្រី្តក៏អាចក្លាយជាអ្នកដឹកនាំអស្ចារ្យមិនចាញ់បុរសឡើយ បើហ៊ានធ្វើតាមចំណុចទាំងនេះ
ត្រូវដឹងថា មិនមែនមានតែបុរសទេ ដែលមានសិទ្ធិអាចក្លាយជាអ្នកដឹកនាំគេបាន។ វាដល់ពេលដែលនារីៗ ត្រូវបញ្ចេញស្នាដៃឲ្យប្លែកគេម្ដងហើយ។ អ្នកគួរតែដើរតាមវិធីទាំងនេះបើសិនចង់ក្លាយជានារីដឹកនាំគឺដ៏ឆ្លាតវៃនោះ៖
១) ចាកចេញពីកន្លែងដែលស្រួលសម្រាប់អ្នក(Comfort Zone) ៖ អ្នកអាចជាមនុស្សអៀនច្រើន ភ័យខ្លាច មិនហ៊ានបញ្ចេញមតិ តែបើអ្នកចង់ដឹកនាំគេបាន ទាល់តែធ្វើខ្លួនឯងឲ្យលំបាកបន្តិច។ គឺអ្នកត្រូវចាប់ផ្ដើម និយាយរកគេឯងឲ្យច្រើន បង្ហាញមតិអ្នកទៅកាន់មនុស្សជាច្រើន បញ្ឈប់ការអៀនប្រៀនតទៅទៀត។ ការចាកចេញពីកន្លែងស្រួល របស់អ្នក គឺ អ្នកកំពុងតែផ្ដល់ឱកាសដែលមិនដែលមានលើអ្នកឲ្យកើតឡើង។
២) ឈប់ខ្លាចតទៅទៀត៖ ការភ័យខ្លាចគឺជារឿងមួយដែលបង្អាក់នារីៗ មិនឲ្យក្លាយជាអ្នកដឹកនាំគេបាន។ ការភ័យខ្លាចនេះទៀតសោត នឹងធ្វើឲ្យអ្នកក្លាយជាមនុស្សខ្វះភាពក្លាហាន ហើយបើខ្វះភាពក្លាហានហើយនោះ តើអ្នកអាចទៅធ្វើជាអ្នកដឹកនាំគំរូដោយរបៀបណា?
៣) ជឿជាក់លើខ្លួនឯង៖ បើអ្នកចង់ក្លាយជាមេដឹកនាំគេ អ្នកត្រូវជឿលើខ្លួនឯងថាអ្នកនឹងធ្វើវាបាន។ មានជំនឿ បន្ទាប់មកជឿថាខ្លួនឯងធ្វើបាន បន្ទាប់មកទៀត ចាប់ផ្ដើមអនុវត្ត ហើយពេលនោះហើយអ្នកនឹងចាប់ផ្ដើមដឹងថាខ្លួនឯងកំពុងក្លាយជាមេដឹកនាំគេបន្តិចម្ដងៗ ហើយ៕
ប្រែសម្រួល៖ ព្រំ សុវណ្ណកណ្ណិកា
ប្រភព ៖ businessnewsdaily
