ដើម្បីប្រឈមមុខនឹងរឿងធំៗបាន អ្នកត្រូវហ៊ានប្រើស្នៀតពិសេសទាំង៣របស់មេដឹកនាំ!
រឿងធំៗ គឺតែងតែកើតមានឡើងពេលអ្នក ឈានដល់ដំណាក់កាលមួយដែលពិបាក។ វាពិបាកដោយសារតែបញ្ហាធំៗនៅនឹងមុខអ្នក។ ហេតុនេះដើម្បីដើរឆ្លងឲ្យផុតបញ្ហាទាំងនោះ តើអ្នកអនុវត្តជំនាញជាមេដឹកនាំដោយវិធីណាខ្លះ?
១) ការសម្រេចចិត្តដោយម៉ឺងម៉ាត់៖ អ្នកដឹកនាំគឺទាមទារឲ្យមានការសម្រេចចិត្តម៉ឺងម៉ាត់គ្រប់ពេល មិនថាវាលំបាកយ៉ាងណាក្ដី។ ការសម្រេចចិត្តនេះបើហ៊ានតែខុស គឺមិនមែនតែអ្នកម្នាក់ឯងទេដែលលំបាក។ ការសម្រេចចិត្តគឺមិនមែនសម្រាប់តែថ្ងៃស្អែក អាទិត្យក្រោយ ឬខែក្រោយទេ តែ អ្នកត្រូវគិតរាប់ឆ្នាំទៅមុខទៀត។ ហេតុដូចនេះ ស្នៀតនេះគឺអ្នកត្រូវធ្វើយ៉ាងណាសម្រេចចិត្តលើអ្វីមួយដោយម៉ឺងម៉ាត់។
២) រៀបចំទុកជាមុន៖ ក្រុមហ៊ុនមួយធ្វើការងារហាក់ដូចជាលឿន តែពួកគេមិនមែនគិតថ្ងៃនេះរួចធ្វើស្អែកនោះទេ។ ក្រុមហ៊ុនជោគជ័យ ទាល់តែមានមេដឹកនាំចេះរៀបចំគម្រោង សព្វគ្រប់បែបយ៉ាងមុនពេលធ្វើ។ ការរៀបចំទុកមុនគឺជាស្នៀតទី២ដែលមេដឹកនាំគួររៀនយល់។
៣) បញ្ជាក់ថាម្នាក់ៗត្រូវការអ្វីខ្លះ៖ បើគ្មានការសួរនាំ គ្មានការបញ្ជាក់គ្នាឲ្យច្បាស់លាស់ទេនោះ ម្នាក់ៗ គឺនៅតែមិនដឹងថាខ្លួនកំពុងធ្វើអី ហើយគួរតែធ្វើអី។ ហេតុនេះស្នៀតចុងក្រោយដែលមេដឹកនាំត្រូវចាំ គឺការសន្មតបញ្ជាក់ថាខ្លួនចង់បានអ្វី៕
ប្រែសម្រួល៖ ព្រំ សុវណ្ណកណ្ណិកា ប្រភព៖ cracked
