មូលហេតុសាមញ្ញៗមួយចំនួន ដែលធ្វើសិស្សខ្លះចូលចិត្តគេងក្នុងថ្នាក់
បើអ្នកជាគ្រូ តើអ្នកមានឆ្ងល់ទេថាសិស្សអ្នកធ្វើអ្វីខ្លះ បានជាចូលចិត្តគេងក្នុងថ្នាក់ម្ល៉េះ? នេះមកពីគេអត់ងងុយ ឬក៏មកពីកត្តាអ្វីផ្សេង?
ខាងក្រោមនេះជាអ្វីដែលអ្នកគួរដឹង៖
១) គេងមិន គ្រប់
ប្រាកដនេះ មូលហេតុទី១គឺ ដើមចមមកពីគេងមិនគ្រប់ពីពេលយប់មក។ មនុស្សម្នាក់ៗ យ៉ាងតិចត្រូវគេងឲ្យគ្រប់៨ម៉ោង ហើយបើគេងបានតែ២ឬ៣ម៉ោង នោះអ្នកមិនអាចទប់ភ្នែកមិនឲ្យគេងក្នុងថ្នាក់បានទេ។
២ ) ការពិសាឆ្អែតមុនពេលចូលរៀន
ឲ្យតែពិសាអ្វីឆ្អែត មនុស្សម្នាក់ៗ គឺតែងតែមានអារម្មណ៍ថាចង់គេង នេះមកពីការពិសា ឆ្អែតពេក ទើបធ្វើឲ្យអារម្មណ៍អ្នក មិនមូលក្នុងការរៀនសូត្រ ហើយបណ្ដោយខ្លួនឲ្យគេងលក់តែម្ដងទៅ។
៣) សំឡេងគ្រូស្រទន់ពេក
ពេលខ្លះអ្នកប្រាកដជាជួបគ្រូដែលមានសំឡេងស្រទន់ ហើយស្លូតៗ ដូចនេះគាត់បញ្ចេញសំឡេងដែលធ្វើឲ្យអ្នកមានអារម្មណ៍ថាចង់គេងតែម្ដង។ តែបើគ្រូសំឡេងធ្ងន់ ខ្លាំងៗ វិញ ហើយតែងតែហៅសិស្សឲ្យធ្វើលំហាត់ ពួកគេនឹងមិនហ៊ានគេងក្នុងថ្នាក់ឡើយ។
៤) មកពីមិនសូវសកម្មក្នុងថ្នាក់
អ្នកណាក៏ដូចអ្នកណាដែរ បើអ្នកនៅថ្នាក់ ហើយមិនសូវមាត់ករកគេឯង ហើយសំងំអង្គុយតែម្នាក់ ឯងនោះ អ្នកនឹងមានអារម្មណ៍ធុញទ្រាន់គ្មាន អ្វីធ្វើ រួចក៏គេងលក់ម្នាក់ឯងតែម្ដងទៅ៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ aapkatimes
