សម្រាប់សិស្សានុសិស្សទាំងឡាយចង់ដឹងទេថា «តើរៀនពេលថ្ងៃនិងពេលយប់មួយណាឆាប់ចេះជាង?»
សិស្សម្នាក់ៗ គឺមិនសូវដឹងថា តើពេលវេលាមួយណាដែលនាំ ឲ្យអ្នករៀនឆាប់ចូលជាងគេនោះទេ។ ឲ្យតែមានពេលទំនេរ ដឹងតែគេ រៀនហើយ ចំណែកពេលថ្ងៃឬយប់គឺមនសូវខ្វល់ទេ។ តែបើអ្នកអាចដឹងថា តើពេលណារៀនឆាប់ចេះជាង វាក៏ប្រសើរសម្រាប់អ្នករៀបចំខ្លួនផងដែរ។
សារៈសំខាន់នៃការរៀនពេលថ្ងៃ៖
១) បន្ទាប់ពីសម្រាកហើយ អ្នកនឹងទទួលបានថាមពលច្រើន ហើយអាចមានសមត្ថភាពផ្ចង់អារម្មណ៍ឲ្យមូលបានល្អ។
២) ពេលថ្ងៃអាចឲ្យអ្នកទំនាក់ទំនងបានជិតស្និទ្ធជាមួយមជ្ឈដ្ឋានជុំវិញខ្លួនអ្នក ដូចជាអាចជជែកលេងជាមួយមិត្ត ឬក៏ទៅរៀននៅបណ្ណាល័យក៏បាន។
៣) ពេលថ្ងៃ គឺអាចឲ្យអ្នកទាក់ទងអ្នកដទៃ បានដើម្បីទទួលបានព័ត៌មាននានាទាក់ទងនឹងមេរៀន មិនត្រឹមតែប៉ុណ្ណោះ អ្នកក៏អាចជួបលោកគ្រូអ្នកគ្រូ ហើយសួរសំណួរខ្លះៗ ទៅពួកគាត់ក៏បាន។
៤) ពន្លឺព្រះអាទិត្យ ដែលបានមកពីធម្មជាតិអាចជួយដល់ភ្នែករបស់អ្នក រីឯពន្លឺអំពូលភ្លើងវិញអាចប៉ះពាល់ភ្នែក និងប៉ះពាល់ដល់ការគេងរបស់អ្នកទៀត។
សារៈសំខាន់នៃការរៀនពេលយប់៖
១) ពេលយប់ សភាពការណ៍គឺស្ងប់ស្ងាត់ណាស់ ហេតុនេះវាក៏អំណោយផលដល់ការរៀន សូត្ររបស់អ្នក ដោយ សារគ្មានអ្វីមករំខាន។
២) ដោយសារគ្មានអ្វីមករំខានអ្នក អ្នកអាចប្រើប្រាស់ការគិតនោះបានយ៉ាងល្អ ដូចនេះអ្នកងាយនឹងទទួលបានគំនិតល្អៗ និងប្លែកៗ ៕
ប្រែសម្រួល៖ ព្រំសុវណ្ណកណ្ណិកា
ប្រភព៖ goconqr
