ហាត់យូហ្គា (Yoga) ងាយៗបែបនេះនៅផ្ទះ ក៏អាចសម្រាលភាពតានតឹងអ្នកបានច្រើនដែរ
ការហាត់ Yoga នេះអាចបញ្ចៀសអ្នកចេញពីភាពតានតឹងបានច្រើនដែលមិននឹកស្មានដល់។ តែមិនមែនគ្រប់ស្ទាយនៃការហាត់Yoga នេះ អាចបន្ធូរអារម្មណ៍កុំឲ្យតានតឹងបានទាំងអស់ទេ។ ហេតុនេះហើយអ្នកត្រូវដឹងថា ស្ទាយបែបណាខ្លះដែលត្រឹមត្រូវនឹងការហាត់បែបបន្ធូរអារម្មណ៍តានតឹង។ តោះទៅមើលទាំងអស់គ្នា៖
១) ក្រាបក្បាលទៅមុខ៖ ការធ្វើបែបនេះ គឺវាអាចជួយសម្រួលអារម្មណ៍អ្នកឲ្យស្ងប់ស្ងាត់ បំបាត់ភាព តានតឹង ហើយសម្រួលឆ្អឹងខ្នងទៀត។
២) ពើងពោះទៅលើ៖ វាជួយសម្រួលឆ្អឹងខ្នង និងជើង ហើយការធ្វើបែបនេះអាចបញ្ចៀសភាពតានតឹង និងអារម្មណ៍មួម៉ៅបានទៀត។
៣) តម្រេកឲ្យត្រង់ខ្លួន៖ ការតម្រេកខ្លួនឲ្យបានយូរនេះ គឺវាជួយសម្រួលរាងកាយអ្នកទាំងមូលតែម្ដង។
៤) បញ្ឈរជើងទៅលើ៖ មនុស្សជាច្រើនហាត់Yoga បែបនេះ ដោយវាអាចលុបបំបាត់អារម្មណ៍តានតឹងក្នុងខ្លួនបានច្រើន។ ការធ្វើបែបនេះ គឺវាជួយឲ្យខ្លួនអ្នកផលិតឈាមថ្មីទៅកាន់បេះដូង។
៥) លុតជង្គង់ហើយផ្កាប់មុខ៖ គេហៅស្ទាយនេះថា រាងឆ្មារ ហើយការធ្វើបែបនេះគឺអាចជួយសម្រួលដល់ឆ្អឹងខ្នងរបស់អ្នក ថែមទាំងជួយសម្រួលអារម្មណ៍ឲ្យកាន់តែល្អថែមទៀត៕
ប្រែសម្រួល៖ ព្រំ សុវណ្ណកណ្ណិកា ប្រភព៖ huffingtonpost
