កាលណាចេះគ្រប់គ្រងពេលវេលា អត្ថប្រយោជន៍ទាំងនេះនឹងរត់មករកអ្នក
ការគ្រប់គ្រងពេលវេលាគឺមានន័យថា អ្នកអាចនៅលើពេលវេលា ជីវិត និងសកម្មភាពនានា។ វាមិនមែនជាការខំប្រឹងធ្វើទេ តែវាគឺជាច្បាប់មួយទៅហើយសម្រាប់អ្នក។ កាលណាអ្នកអាចគ្រប់គ្រងពេលវេលាបានយ៉ាងល្អខ្ជាប់ខ្ជួន អ្នកនឹងទទួលបានអត្ថប្រយោជន៍នឹកស្មានមិនដល់ទាំងនេះ៖
១) ស្មុគស្មាញតិចតួច៖ ការគ្រប់គ្រងពេលបានល្អ អ្នកក៏អាចកាត់បន្ថយអារម្មណ៍តានតឹងបានមួយកម្រិត។ ធ្វើការមួយៗ មិនបាច់បង្ខំ ហើយអារម្មណ៍ក៏ស្រស់ស្រាយទៅតាមហ្នឹង។
២) ធ្វើកិច្ចការបានចប់ច្រើន៖ កាលណាអ្នកដឹងថាខ្លួនត្រូវធ្វើអ្វីនោះ ការងារគឺឆាប់ហើយ និងមិនរាំងស្ទះ។ ដូចនេះអ្នកអាចចូលរួមជំរុញផលិតភាពការងារបានល្អសម្រាប់ក្រុមហ៊ុន។
៣) មានពេលវេលាសម្រាកលេង៖ កាលណាការងារបានចប់សព្វគ្រប់ហើយ អ្នកនឹងសល់ពេលខ្លះសម្រាក និងលំហែអារម្មណ៍បានច្រើន។
៤) កិត្តិយសក៏ល្អ៖ ជំនាញគ្រប់គ្រងពេលវេលានេះ នឹងអាចជួយអ្នកឲ្យបានកើនកិត្តិយសមួយកម្រិតទៀត។ ខណៈដែលមនុស្សមួយចំនួន ធ្វើការមិនដែលទាន់ ហើយចូលចិត្តពន្យារពេល តែអ្នកវិញ បានក្លាយជាមនុស្សគេឲ្យតម្លៃ ហើយអាចគ្រប់គ្រងពេលវេលាបានល្អទៀត៕
ប្រែសម្រួល៖ ព្រំ សុវណ្ណកណ្ណិកា ប្រភព៖ timemanagementninja
