តើគួរធ្វើយ៉ាងណាដើម្បីនិយាយអ្វីទៅ ឲ្យថៅកែរបស់អ្នកស្របនឹងយោបល់អ្នក?
ក្រុមហ៊ុននីមួយៗ តែងតែបើកកិច្ចប្រជុំនិងចង់ទទួលយកគំនិតទាំងឡាយរបស់បុគ្គលិកមកកែប្រែកំហុសអ្វីមួយ។ តែពេលខ្លះថៅកែរបស់អ្នកមិនមែនចេះតែចំណាយពេលមកស្ដាប់អ្នកនោះឡើយ។ ហេតុនេះហើយ អ្នកគួរតែដឹងពីតិចនិកខ្លះ ដើម្បីបញ្ចេញមតិយ៉ាងណាឲ្យថៅកែអ្នកមកស្ដាប់ពីយោបល់អ្នក៖
១) ផ្ដល់ការណែនាំដែលត្រូវនឹងអ្វីគេចង់បាន៖ ជាការពិតណាស់ គ្មាននរណាទៅជំទាស់គំនិតល្អរបស់បុគ្គលិកនោះទេ។ តែមុននឹងផ្ដល់ការណែនាំអ្វីមួយទៅថៅកែ អ្នកត្រូវដឹងថាគាត់ចង់បានអ្វី ហើយត្រូវប្រាប់ផ្លូវនាំទៅរកវាទាំងអស់គ្នា។
២) បង្ហាញសមត្ថភាពរបស់អ្នកឲ្យគេឃើញសិន៖ ពេលខ្លះបើសមត្ថភាពការងាររបស់អ្នកមិនសូវល្អផង ដូចនេះ ការនិយាយរបស់អ្នកមកកាន់ថៅកែ ក៏មិនសូវជាបានផលប៉ុន្មានដែរ។ ហេតុនេះហើយ មុននឹងចង់និយាយអ្វីឲ្យគេស្ដាប់ អ្នកគួរតែបង្ហាញឲ្យគេឯងឃើញច្បាស់ពីសមត្ថភាពខ្លួនឯងសិន។
៣) ស្រាវជ្រាវពីដំណោះស្រាយឲ្យបានច្បាស់៖ មិនថាប្រភពតាមអ៊ីនធឺណិត ឬក៏តាមការចូលរួមសិក្ខាសាលា ឬបុគ្គលល្បីៗណានោះទេ អ្នកគួរតែរៀនតាមពួកគេ។ ពេលខ្លះគំនិតនិងដំណោះស្រាយបញ្ហាទាំងនោះ តែងតែអាចយកមកដោះស្រាយបញ្ហានានាបានជោគជ័យ។ ថៅកែរបស់អ្នកក៏អាចជឿនឹងសម្ដីអ្នកដែរ ព្រោះថាមានគេច្រើនណាស់ ដែលអនុវត្តវិធីទាំងនោះ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ boostcompanies
