ដឹងថាការពាក់ស្បែកជើងកែង ផ្ដល់ផលមិនល្អយ៉ាងម៉េចខ្លះទេ?
ពិតណាស់ថាមនុស្សស្រីមើលទៅកាន់តែស្អាតនិងទាក់ទាញពេលពាក់ស្បែកជើងកែង។ យ៉ាងណាមិញ ស្បែកជើងកែងក៏មានផលប៉ះពាល់របស់វាផងដែរ។ ដូចសុភាសិតមួយពោលថា «ភាពស្រស់ស្អាតគឺឈឺចាប់» ព្រោះស្បែកជើងកែងមានផលប៉ះពាល់យ៉ាងខ្លាំងទៅលើខ្លួនប្រាណរបស់អ្នក។ នេះបើយោងតាមការចេញផ្សាយនៅលើគេហទំព័រ simplepost.com៖
១) ខូចក្រចកជើង៖ ការស្បែកជើងកែងអាចប៉ះពាល់ដល់ការលូតលាស់របស់ក្រចកជើងរបស់អ្នកព្រោះថាស្បែកជើងកែងច្រើនតែរឹតជើង ដែលធ្វើឲ្យជើងមេនិងជើងកូនលូតលាស់នៅក្នុងស្បែកទៅវិញ។
២) ហើមមេជើង៖ ជាការពិតមិនអាចប្រកែកបាននោះទេ ពាក់ស្បែកជើងកែងធ្វើឲ្យឈឺជើង។ ពាក់ស្បែកជើងកែងមិនត្រឹមតែធ្វើឲ្យហើមជើងប៉ុណ្ណោះទេ បើជើងរបស់អ្នកឈឺស្រាប់ ស្បែកជើងកែងធ្វើឲ្យរបួសកាន់តែធ្ងន់ធ្ងរថែមទៀតផង។
៣) អាចពុកឆ្អឹង៖ តាមការសិក្សាមួយបានរកឃើញថា ការពាក់ស្បែកជើងកែងដែលមានកម្ពស់ខ្ពស់ជាង ១/២ អាចប៉ះពាល់ដល់ឆ្អឹងរបស់អ្នក។ អាក្រក់ជាងនេះទៅទៀត ពេលអ្នកចាស់ទៅ ឆ្អឹងរបស់អ្នកក៏អាចពុក។
៤) ឈឺសាច់ដុំជើង៖ ប្រសិនអ្នកពាក់ស្បែកជើងកែងយូរៗទៅ វាអាចធ្វើឲ្យសាច់ដុំជើងរបស់អ្នកឈឺ ដែលពេលខ្លះ ធ្វើឲ្យអ្នកអាចរមួលក្រពើថែមទៀតផង។ ដូច្នេះហើយ អ្នកគួរតែពាក់ស្បែកជើងកែងយូរៗម្ដងបានហើយ ហើយពាក់ស្បែងជើងណាដែលងាយស្រួលដើរប្រសិនជាមានជម្រើស៕
ដោយ៖ អឹុង មុយយូ
