អតីត​ស្ថាបនិក Apple លោក Steve Jobs ​បាន​ចំណាល​ពេល​អស់​មួយ​ជីវិត​ក្នុង​ការ​អាន​សៀវភៅ​ និង​រៀន​អ្វី​ថ្មី​ៗ​ពី​សៀវភៅ។ ​ស្ថាបនិក​រូប​នេះ​ធ្លាប់​បាន​ពោលថា​ «​ហេតុផល​មួយ​ដែល​ធ្វើ​ឲ្យ​ក្រុមហ៊ុន​ Apple អាច​​បង្កើត​ផលិតផល​ដូច​ជាiPod, iPhone ឬ iPad នោះ​ដោយ​សារ​តែ​លោក​យល់​ច្បាស់​ពី​ចំណុច​ប្រសព្ធ​នៃ​បច្ចេកវិទ្យា​និង​​សិល្បៈ​បែប​សេរី (Liberal Arts)។ ហើយ​ខាង​ក្រោម​នេះ​ជា​សៀវភៅ​ដែល​បាន​ជះ​ឥទ្ធិពល​និង​ផ្លាស់ប្ដូរ​ជីវិត​របស់​លោក៖

១) សៀវភៅ King Lear ដែល​និពន្ធ​ដោយ​លោក William Shakespeare។ លោក​បាន​ចាប់​ផ្ដើម​អាន​សៀវភៅ​មួយ​ក្បាល​នេះ​តាំង​ពី​លោក​នៅ​វិទ្យាល័យ​ម៉្លេច។ សាច់រឿង​នៃ​សៀវភៅ​និយាយ​អំពី​ស្ដេច​ចាស់​មួយ​ដែល​​​​មាន​បំណង​ចង់​​បំបែក​ប្រទេស​ជា​ពីរ។ ចង់​ទិញ សូម​ចុច​លើ​ link នេះ។ ​​​

២) សៀវភៅ Moby Dick សរសេរ​ដោយ​ Herman Melville។ សៀវភៅ​មួយ​នេះ​និយាយ​អំពី​ក្រុម​ការងារ​ធ្វើ​ការ​លើ​កប៉ាល់​មួយ​​ចង់​ទៅ​ចាប់​សត្វ​ត្រី​បាឡែន។ វា​ជា​​សៀវភៅ​​មួយ​ដែល​លោក ​Steve Jobs ចូលចិត្ត។ ​

៣) សៀវភៅ Autobiography of a Yogi​ ដែល​និពន្ធ​ដោយ ​Paramahansa Yoganand។ សៀវភៅ​មួយ​ក្បាល​នេះ​គឺ​លោក​Steve Jobs តែង​តែ​អាន​ជា​រៀង​រាល់​ឆ្នាំ។​ ​

៤) សៀវភៅ Zen Min, Beginner's Mind ដោយ ​Shunryu Suzuki។ ក្នុង​ឆ្នាំ​១៩៧០ ​លោក Steve Jobs ​បាន​​ចូល​រៀន​ថ្នាក់​មួយ​ដែល​បង្រៀន​ដោយ​អ្នក​និពន្ធ​រូប​នេះ។ ​​លោក​​ធ្លាប់​បាន​លើក​ឡើង​ថា​ ​«Zen Min, Beginner's Mind ​​បាន​ផ្លាស់ប្ដូរ​ជីវិត​របស់​លោក​ចាប់​តាំង​ពី​ពេល​នោះ​មក»៕ ​​​

ដោយ៖ អ៊ឹង មុយយូ​