អត្ថប្រយោជន៍ ៦យ៉ាងដែលអ្នកទទួលបាននៅពេលទទួលទានកាហ្វេម្ដងៗ
កាហ្វេគឺជាភេសជ្ជៈដ៏ពេញនិយមបំផុតមួយ ដែលមនុស្សជាច្រើននៅលើពិភពលោកទទួលទានវាដើម្បីបង្កើនស្មារតីផ្ចង់អារម្មណ៍របស់ពួកគេ បង្កើនថាមពល និងទទួលបានរសជាតិឈ្ងុយរបស់កាហ្វេមុនពេលចាប់ផ្ដើមធ្វើកិច្ចការរបស់ពួកគេ។ យ៉ាងណាមិញ ក្រៅពីអត្ថប្រយោជន៍ខាងលើ កាហ្វេនៅមានគុណសម្បត្តិជាច្រើនបែបទៀតចំពោះសុខភាពរបស់អ្នក។ ខាងក្រោមនេះគឺជាអត្ថប្រយោជន៍៦យ៉ាងដែលអ្នកទទួលបាននៅពេលទទួលទានកាហ្វេ៖
១) កាត់បន្ថយហានិភ័យពីការកើតជំងឺវង្វេងភ្លេចភ្លាំង និងជំងឺ Parkinson ជាជំងឺដែលភាពមិនប្រក្រតីនៃប្រព័ន្ធប្រសាទប៉ះពាល់ទៅលើការធ្វើចលនា
២) ការទទួលទានកាហ្វេអាចកាត់បន្ថយហានិភ័យពីការប្រឈមមុខទៅនឹងជំងឺមហារីកសុដន់និងមហារីកក្រពេញប្រូស្តាត
៣) ឱកាសនៅក្នុងការប្រឈមមុខនឹងជំងឺបេះដូងសម្រាប់មនុស្សដែលទទួលទានកាហ្វេមានទាបជាងមនុស្សដែលមិនបានទទួលទានកាហ្វេ
៤) កាត់បន្ថយហានិភ័យពីការកើតជំងឺទឹកនោមផ្អែមប្រភេទ២
៥) សារធាតុកាហ្វេអ៊ីននៅក្នុងកាហ្វេមានចំណែកនៅក្នុងការជួយពង្រឹងសាច់ដុំឲ្យរឹងមាំសម្រាប់មនុស្សចាស់
៦) ជួយឲ្យអ្នកមានអាយុវែង៕ ដោយ៖ ស្រីពៅ
