វិធីសាស្ត្រចំនួន៨យ៉ាងដើម្បីបំបាត់ភាពងងុយរបស់អ្នក
មនុស្សជាច្រើនមានការលំបាកក្នុងការបន្តការងាររបស់ពួកគេដោយមិនមានកាហ្វេ នៅពេលពួកគេចាប់ផ្ដើមទទួលអារម្មណ៍ថាអស់កម្លាំងនិងងងុយគេង។ ប៉ុន្តែ បើអ្នកអត់កាហ្វេមិនបានយ៉ាងនេះ ក្នុងរយៈពេលវែងអ្នកអាចនឹងញៀនកាហ្វេដោយខានពុំបានមិនខាន។ ហេតុនេះ ជាមួយវិធីសាស្ត្រចំនួន៨យ៉ាងខាងក្រោម អ្នកអាចសាកល្បងអនុវត្តដើម្បីបំបាត់ភាពងងុយរបស់អ្នកដោយមិនបាច់ពឹងលើកាហ្វេទៀត៖
១) ក្រោកឡើងហើយធ្វើចលនា ដូចជាដើរ១០នាទី
២) សម្រាកពី៥ទៅ២៥នាទី ដើម្បីបំបាត់ភាពងងុយ
៣) ទទួលទានអាហារដែលមានសុខភាពល្អដើម្បីផ្ដល់ថាមពលដល់អ្នក
៤) ធ្វើការនៅកន្លែងមានពន្លឺខ្លាំងដើម្បីដាស់សតិអ្នកឲ្យភ្ញាក់និងកាត់បន្ថយភាពងងុយ
៥) ផ្លាស់ប្ដូរទៅធ្វើការងារផ្សេងដើម្បីប្ដូរបរិយាកាសនិងបំបាត់ការងងុយ
៦) ទទួលទានទឹកឲ្យបានច្រើនដើម្បីទប់ស្កាត់ការអស់កម្លាំង
៧) ចេញទៅក្រៅដើម្បីទទួលយកពន្លឺព្រះអាទិត្យ
៨) លុបមុខជាមួយទឹកត្រជាក់៕
