ទាំងនេះគឺជាកំហុសចំនួន៤ដែលអ្នកអាចមានពីអនាម័យផ្ទាល់ខ្លួន
មានទម្លាប់នៅក្នុងអនាម័យផ្ទាល់ខ្លួនខ្លះយើងសុទ្ធតែបានលូតលាស់ធំធាត់រស់នៅជាមួយវារហូតមក ដោយមិនបានដឹងថាទម្លាប់នោះត្រឹមត្រូវឬអត់។ ខាងក្រោមនេះគឺជាកំហុសចំនួន៥ដែលអ្នកអាចមានពីអនាម័យផ្ទាល់ខ្លួន៖
១) មិនបានប្រើខ្សែសម្អាតធ្មេញ៖ ការដុសធ្មេញគឺជាទម្លាប់ដ៏សំខាន់មួយសម្រាប់សម្អាតធ្មេញរបស់អ្នកឲ្យមានសុខភាពល្អ។ ប៉ុន្តែការដុសធ្មេញតែម្យ៉ាងមិនអាចឲ្យអ្នកកម្ចាត់មេរោគបានស្អាតចេញពីធ្មេញរបស់អ្នកបានឡើយ។ ហេតុនេះអ្នកគួរប្រើខ្សែសម្អាតធ្មេញបន្ថែមដើម្បីកម្ចាត់មេរោគឲ្យបានស្អាត។
២) មិនសម្អាតរបស់ដែលអ្នកប្រើប្រាស់ប្រចាំថ្ងៃឲ្យបានញឹកញាប់៖ របស់ប្រើប្រាស់ប្រចាំថ្ងៃដូចជា ទូរស័ព្ទ កុំព្យូទ័រ តុ តេឡេបញ្ជាជាដើម សុទ្ធតែជាទីប្រជុំនៃមេរោគបាក់តេរីជាច្រើន។ ដូច្នេះការសម្អាតរបស់ប្រើប្រាស់ប្រចាំថ្ងៃឲ្យបានញឹកញាប់គឺជារឿងចាំបាច់ដែលអ្នកគួរធ្វើ។
៣) មិនប្ដូរច្រាស់ដុសធ្មេញក្នុងរយៈពេលយូរ៖ គ្រូពេទ្យបានណែនាំឲ្យប្ដូរច្រាស់ដុសធ្មេញនៅក្នុងចន្លោះពី២ទៅ៣ខែម្ដង ព្រោះថាបើអ្នកប្រើប្រាស់វាលើសពី៣ខែ នោះមេរោគដែលប្រមូលផ្ដុំនៅក្នុងច្រាស់របស់អ្នកអាចបណ្ដាលឲ្យមានបញ្ហាសុខភាពផ្សេងៗបាន។
៤) ប្រើប្រាស់កន្ត្រៃកាត់ក្រចករួមគ្នា៖ នៅពេលអ្នកកាត់ក្រចក មានពេលខ្លះស្បែករបស់អ្នកអាចរហែកឬកាត់ត្រូវចំសាច់ដែលបណ្ដាលឲ្យហូរឈាម ដែលអាចបើកឱកាសឲ្យបាក់តេរីនិងធូលីកខ្វក់ចូលមកបាន។ ដូច្នេះអ្នកក៏ត្រូវប្រុងប្រយ័ត្នពីគ្រោះថ្នាក់នេះនៅពេលប្រើប្រាស់កន្ត្រៃកាត់ក្រចករួមគ្នា៕
