មនុស្សដែលមានភាពរីករាយពិតប្រាកដ គឺមានទម្លាប់ល្អ ៣ យ៉ាងនេះ
នៅពេលដែលយើងនិយាយអំពីសុភមង្គល ជាធម្មតាយើងតែងតែគិតទៅដល់អ្វីដែលនាំមកឪ្យយើងមានសេចក្តីសុខដូចជាការអានសៀវភៅដែលអ្នកចូលចិត្តឬក៏មានថ្ងៃសម្រាកមួយនៅសមុទ្រ។ទាំងនេះហើយដែលនាំអ្នកមកនូវភាពសប្បាយចិត្តនិងភាពរីករាយ ប៉ុន្តែវាគ្រាន់តែជាសេចក្តីសុខបែបបណ្ដោះអាសន្នតែប៉ុណ្ណោះ។ ការសិក្សាថ្មីៗនេះ បានបង្ហាញថា សេចក្តីសុខពិតប្រាកដឬក៏ភាពពេញចិត្ត នឹងជីវិតមានភាពខុសគ្នាបន្តិចបន្តួច។
ពិតណាស់មនុស្សដែលមានភាពរីករាយនឹងសេចក្តីសុខពិតប្រាកដរបស់ខ្លួន ពួកគេមានគោលដៅនិងគោលបំណងច្បាស់លាស់ណាស់ ប្រសិនបើអ្នកចង់ធ្វើតាមតម្រាប់តាមពួកគេអ្នកត្រូវរៀនអនុវត្តទម្លាប់ទាំងនេះជាប្រចាំជាមុនសិន៖
១) រៀនបង្កើតភាពរីករាយនិងសេចក្តីសុខដោយខ្លួនឯង
គ្រប់ពេលដែលអ្នកចំណាយពេលអត់ប្រយោជន៍ទៅលើការរង់ចាំសេចក្តីសុខនិងភាពរីករាយគឺវាពិតជាខាតបង់ពេលវេលាខ្លាំងណាស់ ប៉ុន្តែអ្នកដឹងទេថាពេលវេលាមួយដែលអ្នកចំណាយទៅដើម្បីរង់ចាំនោះ វានិងមានលទ្ធផលល្អប្រសិនបើអ្នកផ្លាស់ប្តូរមកជាការបង្កើតឡើងដោយខ្លួនអ្នក។មនុស្សដែលមានភាពរីករាយបំផុតគឺមិនមែនជាមនុស្សដែលមានសំណាង មានទ្រព្យសម្បត្តិ ឬក៏ជាមនុស្សដែលមើលទៅមានភាពល្អខ្លាំងនោះទេ ផ្ទុយទៅវិញអ្នកដែលមានភាពរីករាយបំផុតនោះគឺជាមនុស្សដែលចេះបង្កើតការខិតខំប្រឹងប្រែងដើម្បីទទួលបានសេចក្តីសុខទាំងកាយនិងចិត្ត។ប្រសិនបើអ្នកចង់បង្កើតសេចក្តីសុខដោយខ្លួនរបស់អ្នកផ្ទាល់ អ្នកត្រូវតែចាប់ផ្តើមដោយធ្វើវាមុនគេ។យើងព្យាយាមខិតខំប្រឹងប្រែងដើម្បីធ្វើយ៉ាងណាឲ្យទទួលបានសេចក្តីសុខប៉ុន្តែគ្រប់ទង្វើរបស់យើងទាំងអស់មិនត្រូវឲ្យនរណាម្នាក់មានភាពលំបាកនិងមានភាពឈឺចាប់ដោយសារយើងឡើយ។
២) រៀនស្រឡាញ់ខ្លួនឯង
មនុស្សយើងភាគច្រើនគឺតែងតែមិនមានបញ្ហានោះទេក្នុងការកោតសរសើរឬក៏ចូលរួមអបអរសាទរជាមួយអ្នកដទៃដូចជាចិត្តភក្តីជាដើម ប៉ុន្តែវាប្រហែលអាចនិងភាពលំបាកប្រសិនបើឲ្យយើងកោតសរសើរឬក៏អបអរសាទរទៅកាន់ខ្លួនយើង។យ៉ាងណាមិញអ្នកគួរតែត្រូវរៀនទទួលយកថាតើអ្នកជានរណា ពិសេសចំណុចខ្លាំងរបស់អ្នក និងអ្នកត្រូវរៀនលើកទឹកចិត្តខ្លួនឯងឲ្យបានច្រើនចំណាយពេលជាមួយខ្លួនឯងដើម្បីផ្តល់ក្តីសុខឲ្យខ្លួនឯង។
៣) រស់នៅក្នុងបច្ចុប្បន្ន
អ្នកប្រាកដជាមិនអាចស្វែងរកនៅអ្វីដែលអ្នកចង់បានទេ គឺវាត្រូវការឲ្យអ្នករៀនរស់នៅជាមួយជីវិតរបស់អ្នកក្នុងពេលបច្ចុប្បន្ន។គ្មានកំហុសណាដែលអាចផ្លាស់ប្តូរអតីតកាលរបស់អ្នកបាននោះទេ ហើយការគ្មានការបារម្ភណាដែលអាចផ្លាស់ប្តូរអនាគតរបស់អ្នកបាននោះដែរ។ប៉ុន្តែវានិងប្រសើរឡើងនៅពេលដែលអ្នករៀនរស់នៅជាមួយនិងជីវិតរបស់អ្នកនាពេលបច្ចុប្បន្ន ស្គាល់ឲ្យច្បាស់រវាងខុសនិងត្រូវ។ដើម្បីជួយជីវិតរបស់អ្នកឲ្យរៀនរស់នៅក្នុងពេលបច្ចុប្បន្នបានអ្នកត្រូវតែទទួលយករឿងពីរយ៉ាង ទី១នោះគឺអ្នកត្រូវទទួលយកអតីតកាលរបស់អ្នក និងទី២នោះគឺអ្នកត្រូវតែទទួលយកភាពមិនទៀងទាត់នៃអនាគត៕
ដោយ៖ អ៊ុន ស្រីនាង
