បើមានសញ្ញាណទាំង ១៨ ចំណុចនេះមានន័យថា គេចង់បញ្ឈប់អ្នកពីការងារហើយ
ការបាត់បង់ឬត្រូវបណ្តេញចេញពីការងារ គឺជារឿងមួយដែលបុគ្គលិកគ្រប់រូបមិនចង់ជួប។ ប៉ុន្តែប្រសិនបើអ្នកមើលឃើញពីសញ្ញាណមួយចំនួនហើយនោះ អ្នកគួរតែការពារទុកជាមុន ពោលគឺត្រូវរកកន្លែងថ្មីដែលល្អប្រសើរជាងនេះ។ ខាងក្រោមនេះ ជាសញ្ញាណមួយចំនួនដែលអ្នកត្រូវដឹងថា នៅពេលអ្នកជួបវាហើយនោះ គឺដល់ពេលដែលអ្នកត្រូវចាកចេញហើយទៅកន្លែងថ្មីឲ្យហើយជាមុន មុននឹងត្រូវបានគេបញ្ឈប់ពីការងារ។
- ទទួលបានលទ្ធផលស្តីពីការវាយតម្លៃការងារមិនបានល្អ ២ ទៅ ៣ដង
- មិនត្រូវបានផ្តល់ការងារឲ្យធ្វើដូចមុន
- បេសកកម្មការងាររបស់អ្នកបានក្លាយទៅជារឿងមិនអាចទៅរួច
- ចៅហ្វាយរបស់អ្នកបានហៅអ្នកមកព្រមានជាច្រើនលើកច្រើនសារ
- ទំនាក់ទំនងរបស់អ្នកជាមួយចៅហ្វាយនាយចាប់ផ្តើមប្រេះឆាកាន់តែយ៉ាប់ទៅៗ
- អ្នកត្រូវបានស្នើសុំឲ្យធ្វើរបាយការណ៍យ៉ាងលម្អិតពីការចំណាយនានា និងម៉ោងការងារដែលត្រូវធ្វើ
- គម្រោងការងារមិនត្រូវបានដាក់ឲ្យធ្វើច្រើនដូចមុន
- អ្នកមិនសូវចូលចិត្តធ្វើការងារជាក្រុម
- អ្នកបានក្លាយជាផ្ទាំងស៊ីបដែលត្រូវបានចៅហ្វាយនាយរបស់អ្នកតាមដានគ្រប់សកម្មភាពការងារខ្លាំងជាងគេ
- អ្នកត្រូវបានដាក់ឲ្យទទួលខុសត្រូវគ្រប់យ៉ាង ឬត្រូវបានផាត់ចោលពីក្រុមការងារ
- អ្នកមិនត្រូវបានផ្តល់តម្លៃឲ្យចូលរួមកម្មវិធីផ្សេងៗរបស់ក្រុមហ៊ុនដូចមុនរាល់ដង
- មិនត្រូវបានឲ្យតម្លៃលើលទ្ធផលការងារបើទោះបីជាអ្នកធ្វើបានល្អយ៉ាងណាក៏ដោយ
- ក្រុមហ៊ុនចាប់ផ្តើមកាត់ប្រាក់ខែរបស់អ្នក ឬ ស្នើឲ្យអ្នកឈប់សម្រាកពីការងារតែម្តង
- ក្រុមការងារចាប់ផ្តើមមើលបំណាំ និងនិយាយមិនល្អពីអ្នក
- ចៅហ្វាយរបស់អ្នករិះគន់ និងស្តីបន្ទោសអ្នកចំៗមិនទុកឱកាសឲ្យអ្នកកែកំហុសតែម្តង
- ការស្នើសុំឯកសារ ជំនួយ ឬ ស្នើសុំព័ត៌មានផ្សេងៗដើម្បីបំពេញការងាររបស់អ្នកត្រូវបានរឹតត្បិតខុសពីមុន
- មតិ គំនិត ឬទស្សនៈរបស់អ្នកដើម្បីចូលរួមការសម្រេចចិត្តនានារបស់ក្រុមហ៊ុនត្រូវបានផាត់ចេញ
- មានអារម្មណ៍បាត់បង់ភាពកក់ក្តៅពីក្រុមហ៊ុនបើទោះបីជាខិតខំធ្វើការអស់ពីលទ្ធភាពក៏ដោយ។
ចំណុចទាំងអស់នេះសំខាន់ណាស់នៅក្នុងបរិស្ថានការងារ ហើយប្រសិនបើអ្នកបានជួបសញ្ញាណណាមួយហើយនោះ ការស្វែងរកការងារនៅកន្លែងថ្មីគឺជាជម្រើសល្អបំផុតមួយសម្រាប់អ្នក៕
ប្រភព៖ cnbc
