គន្លឹះ ៥ចំណុចធ្វើឲ្យអ្នកមានមន្ដស្នេហ៍ អាចទាក់ចិត្តបុរសៗឲ្យស្រឡាញ់អ្នកដោយមិនដឹងខ្លួន
មិនចាំបាច់វះកាត់ កែសម្ផស្ស សាហាវៗ ដើម្បីឲ្យក្លាយជាស្រីស្អាតដើម្បីឲ្យមានគេស្រឡាញ់ក៏បានដែរ។ អ្នកមានត្រឹមតែចំណុចគន្លឹះៗមួយចំនួន តែប៉ុណ្ណេះ ក៏អាចឲ្យបុរសៗងប់ងុល មកសុំសារភាពស្រឡាញ់អ្នកដោយមិនដឹងខ្លួនផងដែរ។
ខាងក្រោមនេះគឺជាគន្លឹះចំនួន ៥ចំណុច អ្នកគួរអនុវត្តដើម្បីបង្កើនភាពទាក់ទាញ៖
១) សក់វែងស្អាត
សក់វែង គឺជាអត្តសញ្ញាណរបស់ស្ត្រី ហើយវាពិតជាគួរឲ្យទាក់ទាញខ្លាំងណាស់កាលណាអ្នកមានសក់វែង ភ្លឺរលើបរលោងចែងចាំង នោះ។ តាមពិតទៅបើប្រៀបធៀបសក់វែងនិងសក់ខ្លី , សម្រាប់សក់ខ្លីក៏ស្អាតដូចគ្នា ប៉ុន្តែស្អាតបែបកូនក្មេង, តែបើសក់វែងគឺស្អាតបែបសុភាពនារីរម្យទមតែម្ដង។
២) ពូកែញញឹម
មិនថាសម្រស់អ្នក ស្អាតឬមិនស្អាត, ប៉ុន្តែការញញឹមនេះឯងគឺជាភាពទាក់ទាញមួយដែលបុរសៗ ឃើញហើយគឺទ្រាំមិនស្រឡាញ់មិនបានតែម្ដង។ ហេតុនេះហើយទើប អ្នកទាំងអស់គ្នា គួរតែឧស្សាហ៍ញញឹម ដើម្បីទទួលបានស្នេហ៍ឆាប់ៗ។
៣) សម្លេងស្រទន់
សម្លេងស្រទន់គឺមានមន្តស្នេហ៍ណាស់ ហេតុនេះហើយអ្នកត្រូវដឹង បើសិនជាអ្នកទម្លាប់និយាយឮៗ ពេក នោះនឹងគ្មាននរណាមកចាប់អារម្មណ៍អ្នកទេ។ តែបើសម្លេងតិចៗ មួយៗ ទន់ភ្លន់វិញនោះ គ្រាន់តែឮសម្លេងក៏គេប៉ង ធ្វើជាគូបាត់ទៅហើយ។
៤) រាងស្វែល
ចូរកុំបណ្ដោយខ្លួនពិសាអាហារលើសកំណត់ ដែលវាបណ្ដាលឲ្យជាតិខ្លាញ់លើសហើយឡើងគីឡូ។ ព្រោះថាបុរសៗ តែងតែប៉ងប្រាថ្នាស្រ្ដីដែលមានរាងស្វែល ចង្កេះអង្ក្រងតែប៉ុណ្ណោះ ។
៥) មានដៃជើងវែងស្រឡូន
វាចាំបាច់ណាស់ដែរ ដែលស្រ្ដីគ្រប់រូបគួរតែរៀនថែរក្សាប្រអប់ដៃប្រអប់ជើង ទាំងដៃជើងឲ្យបានស្រឡូនសស្អាត ព្រោះវាគឺជាភាពទាក់ទាញខ្លាំងមួយដែរ។ កាលណាអ្នកធ្វេសប្រហែសមិនយកចិត្តទុកដាក់ មិនថែទាំដោយការលាបឡេចិញ្ចឹមឬសេរ៉ូមវាអាចបណ្ដាលឲ្យមើលទៅជ្រួញនិងក្រៀមក្រោះខូចសោភ័ណ៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ powerofpositivity
