តើហេតុអ្វីនារីៗចូលចិត្តធ្វើការនៅធនាគារ ជាងបុរសៗ ?
តើអ្នកមានដែលសង្កេតឃើញឬអត់ថា ធនាគារណាក៏ដូចធនាគារមួយណាដែរ។ ហេតុអ្វីសម្បូរនារីៗ ធ្វើការនៅធនាគារជាងបុរសៗបែបនេះ? តើមកពីមូលហេតុអ្វី? មិនថាកន្លែងធ្វើការនោះទេ សូម្បីសាកលវិទ្យាល័យជាច្រើន ក៏មិនសូវសម្បូរមនុស្សប្រុសមករៀនផ្នែកធនាគារនេះដែរ។ ខាងក្រោមនេះអាចជាមូលហេតុ៖
១) ការជំរុញពីគ្រួសារ៖ ជាការពិតណាស់ វាអាចមកពីការជំរុញរបស់ក្រុមគ្រួសារផងដែរ។ បុគ្គលខ្លះមិនចង់ធ្វើការនោះទេ តែដោយសារបទពិសោធន៍កន្លងមកដែលសមាជិកគ្រួសារធ្លាប់ឆ្លងកាត់ រួចក៏ចង់ឲ្យកូនចៅរៀនមុខជំនាញនេះ។ ដោយពួកគេគិតថាការងារមួយនេះ គឺជាការងារសម្បូរក្នុងទីផ្សារការងារខ្លាំង ហើយមិនបាច់ភ័យខ្លាចរៀនហើយ អត់ការងារធ្វើ។
២) តថភាពសង្គម៖ ដោយមើលឃើញពីធាតុពិត នៃសង្គម។ នារីៗ ភាគច្រើនគឺធ្វើការក្នុងធនាគារនេះឯង ទើបធ្វើឲ្យអ្នកបន្តបន្ទាប់ទៀត ចាប់អារម្មណ៍ចង់ធ្វើដែរ។
៣) តម្រូវការក្រុមហ៊ុន៖ ពេលខ្លះវាមកពីតម្រូវការរបស់ធនាគារនេះឯង។ ពួកគេត្រូវការបុគ្គលិកនារីៗ ច្រើនជាងបុរសៗ ជាពិសេសនោះគឺផ្នែកបម្រើសេវាកម្ម អតិថិជននេះឯង។ បើសិននារីៗ នោះមានជំនាញ ហើយមានសម្រស់ស្រស់ ស្អាតទៀត នោះគេនឹងកាន់តែឆាប់បានការងារធ្វើ។
៤) នារីៗគួរតែកាន់លុយ៖ ដោយសារផ្នត់គំនិតនេះឯង ទើបធ្វើឲ្យនារីៗចូលចិត្តកាន់តែលុយ។ បុរសៗ គួរប្រឹងធ្វើការណាដែលប្រើខួរក្បាល ហើយទុកឲ្យនារីៗចាត់ចែងផ្នែកហិរញ្ញវត្ថុវិញចុះ។
៥) នារីៗមានភាពវ័យឆ្លាតផ្នែកនេះជាងបុរស៖ សម្រាប់ការគុណគូលេខ នារីៗ គឺត្រូវបានគេដឹងថាមានភាពប៉ិនប្រសប់ជាងបុរស។ បូករួមទាំងភាពវ័យឆ្លាត រហ័សរហួន និងការចងចាំបានល្អទៀត ទើបធ្វើឲ្យការងារធនាគារនេះស័ក្ដិសមបំផុតសម្រាប់នារីៗ ៕
ប្រែសម្រួល៖ព្រំ សុវណ្ណកណ្ណិកា
ប្រភព៖ archive.unu.edu
