តើ​ធ្វើ​ដូចម្ដេច​ ហ្វឹកហាត់​ខួរក្បាល​អ្នកឲ្យ​ឈប់ ​«ដេក​គិត​​រឿង​អត់ប្រយោជន៍​ត​ទៀត»​​?​



ការ​គិត​ និង​បារម្ភ​ គឺ​ជា​រោគ​សញ្ញា​មួយ​មិន​ល្អ​ឡើយ​សម្រាប់​សុខភាព​ផ្លូវ​ចិត្ត​អ្នក​នោះ​ឡើយ​​។ អ្នក​​ខ្លះ​គិត​​ថា នោះ​​គឺ​ជា​ទម្លាប់​មួយ​ដ៏​អាក្រក់​ ដែល​វា​នឹង​មិន​នាំ​ផល​ល្អ​អ្វី​សោះ​មក​ខ្លួន​យើង​។ ហេតុ​ដូច​នេះ​​ បើ​សិន​វា​នាំ​ផល​អាក្រក់​បែប​នេះ តើ​អ្នក គួរ​តែ​ធ្វើ​យ៉ាង​ណា​ដើម្បី​លុប​បំបាត់​ទម្លាប់​​នេះ​ចេញ​​?

១) ​ធ្វើ​ការ​ហាត់ប្រាណ​​៖ កាល​ណា​រាង​កាយ​របស់​អ្នក ពោរពេញ​ដោយ​សារជាតិ​ពុល វា​នឹង​នាំ​ឲ្យ​អារម្មណ៍​​​​លោក​អ្នក​តប់​ប្រមល់​​ តានតឹង​ ចេះ​តែ​ពិបាក​ចិត្ត​និង​គិត​ច្រើន​។ ហើយ​បើ​អ្នក​ចេះ​តែ​ទុក​វា​ចោល រៀង​រាល់​ថ្ងៃ​បែប​នេះ​ វា​នឹង​នាំ​ឲ្យ​កាន់​តែ​ធ្ងន់ធ្ងរ​ទៅ​ៗ ។ ដូចនេះ​ជំហាន​ដំបូង​គេ​ ដើម្បី​លុប​បំបាត់​រោគ​សញ្ញា​នេះ​ចោល គឺ​ត្រូវ​ឧស្សាហ៍​​ហាត់​ប្រាណ​។ កាល​ណា​អ្នក​ហាត់​ប្រាណ​ អ្នក​បាន​បញ្ចេញ​ជាតិ​ពុល និង​ជាតិ​អំបិល​ចេញ​ពី​ខ្លួន​ប្រាណ ​ ពេល​នោះ​ហើយ​ កោសិកា​ក្នុង​សរីរាង្គ​ក៏​កើត​ឡើង​ថ្មី​។ អារម្មណ៍​​របស់​អ្នក​អាច​នឹង​ធូរ​ស្រាល​ ស្រលះ​ជាង​មុន ហើយ​លែង​គិត​រឿង​អត់ប្រយោជន៍​ត​ទៅ​​ទៀត​។

២) សរសេរ​រឿង​ពិបាក​ចិត្ត​ទុក​៖ រឿង​ដែល​អ្នក​គួរ​ធ្វើ​បន្ទាប់​នោះ​គេ​សរសេរ​ វា​ចុះ​​ឲ្យ​អស់​មក​។ ដោយ​គ្រាន់​តែ​​សរសេរ​វា​មក​លើ​សៀវភៅ​តូច​របស់​អ្នក​ ខួរក្បាល​របស់​អ្នក​ក៏​​អាច​​ធូរ​ស្រាល​​មួយ​កម្រិត​ដែរ​។

៣) តាំង​សមាធិ​៖ រាល់​ពេល​អ្នក កំពុង​តែ​គិត​​ច្រើន ឬ​​ព្រួយ​នឹង​រឿង​អ្វី​មួយ​នោះ វិធី​លំហែ​ទាំ​ផ្លូវ​ចិត្ត​មួយ​ដែល​គេ​ពេញ​និយម​គឺ​ការ​តាំង​សមាធិ​។ ការ​តាំង​សមាធិ​នេះ​មិន​ត្រឹម​តែ​ជួយ​សម្រួល​សរសៃ​ឈាម​អ្នក ឡើយ​ តែ​វា​ក៏​អាច​​ជួយ​លាង​ជម្រះ​ខួរក្បាល​អ្នក ដែល​ផ្ទុក​តែ​រឿង​សៅម៉ង​ចេញ​ខ្លះ​ក៏​ថា​បាន​ដែរ​៕ ​

ប្រែ​សម្រួល៖​ព្រំ សុវណ្ណកណ្ណិកា

ប្រភព៖ power of positivy .com

X
5s