របៀបដែលតិចណូឡូជីបង្កើនការផ្លាស់ប្តូរក្នុងក្រុមហ៊ុនឯកជន
ក្រុមហ៊ុនជាច្រើនក្នុងពិភពលោកបានរកឃើញថា ការរីកចម្រើនលូតលាស់របស់នៃបច្ចេកវិទ្យាតិចណូឡូជីតម្រូវឲ្យបុគ្គលិកមានចំណេះជំនាញបន្ថែមមួយទៀតគឺភាពស្ទាត់ជំនាញលើការងារឌីជីថល។ តើតិចណូឡូជីជួយដល់ការផ្លាស់ប្តូរក្រុមហ៊ុនឯកជនដោយវិធីណា?
១) បំពេញចន្លោះ យើងធ្លាប់ដឹងច្រើនមកហើយពីបញ្ហាខ្វះជំនាញ ដែលជាការគំរាមកំហែងរារាំងដល់ដំណើរការនៃការងារ។ ក្រុមហ៊ុនឯកជនបានធ្វើការត្រៀមខ្លួន ក៏ដូចជាធ្វើការយកចិត្តទុកដាក់ខ្ពស់ទៅលើជំនាញ និងភាពប៉ិនប្រសប់ផ្នែកបច្ចេកវិទ្យាអាស្រ័យតាមទំហំនៃអាជីវកម្មរបស់ខ្លួន។ វាបានជួយដល់ពួកគេក្នុងការទទួលយកវិធីសាស្រ្តកណ្តាលមួយរបស់មនុស្សក្នុងការដឹកនាំពូកគេតាមរយៈការរំខានសព្វថ្ងៃ។ ជាការកត់សំគាល់របាយការណ៍សកលថ្មីៗនេះ បានពន្លិចឡើងនូវបញ្ហារបស់ក្រុមហ៊ុនឯកជននិងឱកាស វាតម្រូវឲ្យមានការស្ទាត់ជំនាញផ្នែកតិចណូឡូជីបង្កើតជាផ្លែតហ្វមដើម្បីឲ្យមានការរីកចម្រើន។ បុគ្គលិកដែលមានឯកទេសក្នុងការភ្ជាប់ទំនាក់ទំនង និងមានជំនាញក្នុងការប្រើប្រាស់បច្ចេកវិទ្យាអាចជួយបើកផ្លូវធ្វើឲ្យក្រុមហ៊ុនរបស់គេឈានជើងចូលទៅក្នុងទីផ្សារថ្មី និងឱកាសនៃការអភិវឌ្ឍក៏ដូចជាឱកាសទទួលប្រាក់ចំនេញកាន់តែច្រើន។ គេអាចជួយការផ្សព្វផ្សាយរបស់ក្រុមហ៊ុនពីផលិតផល និងសេវាកម្មទៅដល់អតិថិជនបានយ៉ាងឆាប់រហ័ស ក៏ដូចជាទូលំទូលាយដោយសារការប្រើភាពស្ទាត់ជំនាញបច្ចេកវិទ្យាទំនើបរបស់គេ។ ក្រុមហ៊ុនងាយនឹងទទួលបាននូវអតិថិជនសក្តានុពល ក៏ដូចជាមានប្រតិបត្តិការនិងដំណើរការល្អក្នុងទីផ្សារ។
២) ពង្រីក បង្កើនការរីកចម្រើន ពិតណាស់ការរីកចម្រើន គឺស្ថិតនៅចំនុចកំពូលមួយនៃគោលដៅដែលក្រុមហ៊ុនឯកជនបានសំលឹងឆ្ពោះទៅ ដូច្នេះភាពស្ទាត់ជំនាញរបស់បុគ្គលិកឬកម្មករក្នុងការប្រើប្រាស់ប្រព័ន្ធបច្ចេកវិទ្យាជាហេតុផលចំបងក្នុងការដឹកដៃអនាគតក្រុមហ៊ុនដើរទៅដល់គោលដៅជោគជ័យដែលបានកំណត់ដៅរួច។ ប្រើប្រាស់ប្រាជ្ញាសិប្បនិម្មិត (artificial intelligence) ឬហៅកាត់ថា (AI) វាជួយឲ្យក្រុមហ៊ុនអាចព្យាករណ៍នូវអាកប្បកិរិយា ឬឥរិយាបថអតិថិជននៅក្នុងកាលៈទេសៈមួយចំនួន។ អ្នកដឹកនាំក្រុមហ៊ុនក៏បានទទួលស្គាល់ដែរថា វាជារឿងមួយដ៏សំខាន់ក្នុងការធានាឲ្យមាននូវមនុស្សឬបុគ្គលិកជំនាញខាងឌីជីថល។ ស្ទើរតែទាំងអស់នៃអ្នកដែលធ្វើការឆ្លើយតប (៩៦%) បានពិចារណាឲ្យមានតួនាទីរបស់ពួកគេក្នុងការធ្វើឲ្យអង្គភាពមានការដំណើរការ និងប្រើប្រាស់តិចណូឡូជីឲ្យបានកាន់តែស្ទាត់ជំនាញ មានន័យថាជួកគេចង់ឲ្យមានការបង្កើនសមត្ថភាពរបស់ខ្លួនបន្ថែមទៀតលើការប្រើប្រាស់បច្ចេកវិទ្យា និងមានចំណេះដឹងផ្នែកបច្ចេកវិទ្យាកាន់តែច្រើនជាងមុន។ របាយការណ៍បានកំណត់ភាពសំខាន់នៃការផ្តូចផ្តើមឲ្យមានភាពស្ទាត់ជំនាញទាំងបុគ្គលិកជួរមុខដែលត្រូវជួបជាមួយអតិថិជន (front office) ក៏ដូចជាបុគ្គលិកខាងក្រោយ (back office) ដែលគួរតែមាននោះដូចជាផ្នែក៖
ក) ប្រព័ន្ធស្នូលដែលគាំទ្រដល់ខាងផ្នែកព័ត៌មានវិទ្យា
ខ) ប្រព័ន្ធដែលអាចបើកផ្លូវ ក៏ដូចជាដំណើរការដល់មុខងារអាជីវកម្មដូចជា ហិរញ្ញវត្ថុ សេវាអតិថិជន និងសន្តិសុខតាមប្រព័ន្ធអ៊ីនធើណេត
គ) គំរូអាជីវកម្មរបស់ក្រុមហ៊ុនរួមមាន យុទ្ធសាស្រ្តគាំទ្រអាជីវកម្ម និងចំណូល ដោយមិនគិតពីការផ្តោតលើយុទ្ធសាស្រ្តតំបន់ ភាពស្ទាត់ជំនាញនៃតិចណូឡូជីគឺជាជំនាញមួយដ៏សំខាន់ដែលមិនអាចខ្វះបាននៅក្នុងក្រុមហ៊ុន។
អ្នកដែលមានការចាប់អារម្មណ៍ខ្លាំង និងតាមដានជាប់លាប់ទៅលើបច្ចេកវិទ្យាថ្មីៗអាចជួយស្វែងរកពន្លឺនៃភាពជោគជ័យបានច្រើនដល់អាជីវកម្មក៏ដូចជាក្រុមហ៊ុនរបស់គេនាថ្ងៃអនាគត៕
ដោយ៖ យ៉ាយ៉ា
ប្រភព៖ Entrepreneur
