យុទ្ធសាស្រ្ត ១០ យ៉ាងនៅពីក្រោយភាពជោគជ័យដ៏ធំធេងរបស់ Xiomi
Xiaomi បានចេញលក់ស្មាតហ្វូនរបស់ខ្លួនជាលើកដំបូងក្នុងខែសីហា ឆ្នាំ ២០១១ និងមានក្លាយជាក្រុមហ៊ុនស្មាតហ្វូតធំជាងគេប្រចាំប្រទេសចិនក្នុងឆ្នាំ ២០១៤។ នៅដើមត្រីមាសទី២ ២០១៨ Xiaomi បាន ក្លាយជាអ្នកផលិតស្មាតហ្វូតធំជាងគេលំដាប់ទី ៤ ទូទាំងពិភពលោក ក្រោយមក Xiaomi ក៏បានអភិវឌ្ឍខ្លួនជាអ្នកផលិតគ្រឿងប្រើប្រាស់អេឡិចត្រូនិចច្រើនប្រភេទ។
ចាប់ផ្តើមចេញពីអាជីវកម្ម startup ហើយបច្ចុប្បន្ន Xiaomi ក្លាយជាក្រុមហ៊ុនធំលំដាប់ពិភពលោក ដែលទទួលបានការវិនិយោគប្រមាណ ១.១ពាន់លានដុល្លារអាមេរិក (billion) ធ្វើឲ្យតម្លៃក្រុមហ៊ុន Xiaomi បានកើនដល់ ៤៦ពាន់លានដុល្លារ (billion)។ មូលហេតុខាងក្រោមនេះនឹងបង្ហាញពីហេតុផលដែលធ្វើឲ្យ Xiaomi ជោគជ័យលឿនបែបនេះ៖
១) Xiaomi ជាក្រុមហ៊ុនដែលធ្វើពាណិជ្ជកម្មតាមបែបអេឡិចត្រូនិច e-commerce
ស្ថាបនិកក្រុមហ៊ុនលោក Lei Jun ចូលចិត្តនិយាយថា startup ថ្មីរបស់លោកគឺជាក្រុមហ៊ុនដែលធ្វើពាណិជ្ជកម្មតាមបែបអេឡិចត្រូនិច នេះជាហេតុផលមួយដែលគាត់មិនចូលចិត្តប្រៀបធៀបជាមួយនឹង Apple។ គេហទំព័ររបស់ Xiaomi ជាគែហទំព័រធំលំដាប់លេខបីក្នុងការភ្ជាប់ទំនាក់ទំនងអាជីវកម្មជាមួយអតិថិជន។ សម្រាប់ការលក់ក្នុងវិច្ឆិកាគិតត្រឹមរយៈពេលមួយថ្ងៃប៉ុណ្ណោះគឺថ្ងៃទី ១១ គេអាចរកចំណូលបាន ៩.៣ពាន់លានដុល្លារនៅ Tmall ក្នុងនោះ Xiaomi បានឈរជាយីហោកំពូលលើទីផ្សារ Alibaba។ Xiaomi បានលក់ទូរស័ព្ទចំនួន ១.២ លានគ្រឿងនៅទីនោះត្រឹមរយៈពេល ២៤ម៉ោងប៉ុណ្ណោះ។
២) គេហទំព័រ ឬទំព័រដើមគឺជាប្រភេទ e-store
គេហទំព័ររបស់ Xiaomi តែងធ្វើបច្ចុប្បន្នភាពជារៀងរាល់ថ្ងៃ ដើម្បីសង្កត់ធ្ងន់លើផលិតផលណាដែលមានប្រជាប្រិយភាពនិងមានសន្ទុះខ្លាំងសម្រាប់ការលក់នៅថ្ងៃស្អែកៗបន្តបន្ទាប់។ គេហទំព័រផលិតផលរបស់ Xiaomi បានយកគំរូការលក់តាម Tmall (Taobao Mall) របស់ Alibaba នេះបើតាមការបញ្ជាក់ពីលោក Rand Han ដែលជាអ្នកបង្កើតនិងគ្រប់គ្រងផ្ទាល់របស់ Tmall ដែលជាទីផ្សារអនឡាញធំបំផុត។ គេហទំព័រ Xiaomi ត្រូវបានអ្នកទិញរាប់រយនៅលើ Tmall ស្គាល់និងមានប្រជាប្រិយភាពសម្រាប់ e-commerce ក្នុងប្រទេសចិន។ គេហទំព័ររបស់ Apple ត្រូវបានកាត់បំបែកផ្តាច់ចេញទៅក្នុង Apple Online Store តែសម្រាប់ Xiaomi គឺ ស្ថិតនៅជួរមុខតែម្តង។
៣) ធ្វើការប្រើប្រាស់នូវប្រភេទថ្មីនៃសង្គមពាណិជ្ជកម្ម
ព្រោះតែ Xiaomi ជាអ្នកលក់ទំហំនិងចំនួនច្រើននូវទូរស័ព្ទតាមអនឡាញ បណ្តាញសង្គមជាផ្នែក និងជាផ្លូវមួយសំខាន់ក្នុងការភ្ជាប់ទំនាក់ទំនងអរូបបិយពីក្រុមហ៊ុនទៅកាន់អតិថិជនឬអ្នកប្រើប្រាស់។ នៅចិន Weibo ជាបណ្តាញសង្គមសំខាន់ ហើយទីផ្សារថ្មីគឺបង្កើតឲ្យមានការប្រើប្រាស់ Facebook ក៏ដូជា Twitter ដែរ។
៤) គ្រប់ប្រភេទលំដាប់ផលិតផលគឺមានបណ្តាញសង្គម
ផ្នែកសំខាន់មួយទៀតនៃយុទ្ធសាស្រ្តបណ្តាញសង្គមរបស់ Xiaomi គឺដាក់តម្លើងឲ្យមាន Weibo នៅគ្រប់ផលិតផល។ Xiaomi មានគណនី Weibo ១០ សំខាន់ដែលមានប្រជាប្រិយភាពខ្លាំង ដែលក្នុងនោះ Xiaomi Mobile Weibo មានអ្នកគាំទ្ររហូតទៅដល់ជិត ១១លាននាក់។
៥) បង្កើតនូវភាពខ្វះខាត
Flash sales ឬការលក់បញ្ចុះតម្លៃរយៈពេលខ្លីរបស់ក្រុមហ៊ុន Xiaomi ជួយទប់ទល់ដល់ការស្តុកទំនិញ និងកាត់បន្ថយភាពខ្ជះខ្ជាយ ចៀសវាងការកើតមានឡើងបញ្ហាលើសចំនួនផលិតផល។ ពេលមានការលក់តិច ផលិតផលតិច ក្រុមហ៊ុនមានលទ្ធភាពគ្រប់គ្រង។ គណនីបណ្តាញសង្គមរបស់ Xiaomi ជាពិសេស Weibo និង WeChat ដើរតួនាទីក្នុងការទាក់ទាញមនុស្សឲ្យបានដឹង និងមកទិញពេលមានការធ្វើ Flash salesម្តងៗ។
៦) Offline Marketing ស្ថិតនៅលំដាប់ទីពីរបន្ទាប់ពី Online Marketing
Xiaomi មាន ៤៥១ កន្លែងផ្តល់សេវាកម្មក្នុងស្រុក តែមិនមែនជាហាងទេ វាខុសពី Apple’s iconic shops គ្រាន់តែមានជាកូនតូបតូចៗតាមផ្សារក្នុងទីក្រុងដែលងាយស្រួលរក និងវចំណាយតិចដែលអាចឲ្យពួកគេសន្សំសំចៃបាន។
៧) ផលិតផលកម្រិត premium តែមានតម្លៃទាប
សម្រាប់ Apple ផលិតផល premium មានតម្លៃចាប់ពី ៧០០ដុល្លារឡើង Samsung ចាប់ពី ៦០០ដុល្លារឡើង ដោយឡែក Xiaomi ពេលចេញលក់ទូរស័ព្ទដំបូងរបស់ខ្លួននៅឆ្នាំ ២០១១ គឺ ៣២៥ ដុល្លារ។
៨) ដំណើរការក្នុងសង្គមរបស់ខ្លួន
ជាមួយនឹងភាបប្រុងប្រយ័ត្នលើបណ្តាញសង្គម Xiaomi តែធ្វើសន្និបាតសហគមន៍ ឬ BBS ផ្តោតសំខាន់ទៅលើការគាំទ្រយីហោ Xiaomi ដែលបានគេឲ្យឈ្មោះថា “Mi fans” ក្នុងការជួបដើម្បីពិភាក្សាពីឧបករណ៍ ផលិតផល ចែករំលែកចំណេះដឹង។ ទាំងនេះជារឿងធម្មតាទៅហើយសម្រាប់ក្រុមហ៊ុនចិន តែភាគច្រើនគឺមិនប្រើយីហោពីខាងក្រៅស្រុកទេ។
៩) កម្មវិធីស្មោះស្ម័គ្រ Loyalty program
ផ្សារទំនើបជាច្រើន និងហាងលក់រាយមួយចំនួនសព្វថ្ងៃមានកម្មវិធីស្មោះស្ម័គ្រ តែមិនមែនមនុស្សទាំងអស់គ្នាសុទ្ធតែបានសហការទេ។ តែទោះជាយ៉ាងណាក៏ដោយ Xiaomi បានបង្កើតកម្មវិធីសម្រាប់ VIP Users Center ដែលជាផ្នែកមួយនៃ BBS។ ពេលចូលជា Xiaomi VIP តម្រូវឲ្យជាវផលិតផលថ្មីមួយ។
១០) Beta access to gadgets
សម្រាប់ផលិតផលខ្លះ Xiaomi បានដាក់កំណត់ចំនួននៃអ្នកប្រើប្រាស់ ជាធម្មតាត្រឹម ៥០០ អ្នកដែលអាចទិញ។ នេះជាវិធីសាស្រ្តមួយដែលនាំឲ្យមានការផ្សព្វផ្សាយពីមាត់មួយទៅមាត់មួយដើម្បីទាក់ទាញអតិថិជន។
ដោយ៖ យ៉ាយ៉ា
