មូលហេតុ​គោល​ធំៗ ​៣​យ៉ាង​​​ជំរុញ​ឲ្យ​និស្សិត​​បោះបង់​ចោល​ការ​សិក្សា​ដែល​ខ្លួន​ស្រឡាញ់​​



ជុំវិញ​រឿង​រ៉ាវ​ដែល​និស្សិត​ភាគច្រើន​សម្រេច​ចិត្ត​បោះបង់​ចោល​ការ​សិក្សា​របស់​ខ្លួន​  គឺ​កើត​ឡើង​ដោយ​កត្តា​ផ្សេង​ៗ គ្នា ។    ប៉ុន្តែ បន្ទាប់​ពី​ធ្វើ​ការ​សិក្សា​ស្រាវជ្រាវ​មក​ គេ​​ក៏​បាន​រក​ឃើញ​ពី​មូលហេតុ​៣​យ៉ាង​នេះ​ដែល​ជា​កត្តា​ចម្បង៖ 

១) កង្វះ​ថវិកា៖ មូលហេតុ​ចម្បង​គេ​នោះ​គឺ​កង្វះ​ខាត​ថវិកា។ វា​ហាក់​ដូច​ជា​អយុត្តិធម៌​ណាស់ ដែល​សម្រាប់​​និស្សិត​មួយចំនួន​មាន​ថវិកា​គ្រប់គ្រាន់សម្រាប់​បង់​ថ្លៃ​សាលា តែ​សម្រាប់​និស្សិត​ក្រីក្រ​វិញគឺ​គ្មាន​ទីពឹង​អ្វី​ទាំង​អស់ ដែល​ជា​ហេតុ​នាំ​ឲ្យ​គេ​បន្ត​ទៅ​មុខ​លែង​បាន។ អ្នក​ខ្លះ​​កើត​មក​នៅ​ក្នុង​វង្សត្រកូល​អ្នក​ធូរធារ​ដូចនេះ​ពួក​គេ​អាច​រៀន​បន្ត​បាន​ច្រើន​មុខ នៅ​សាលា​ល្អៗ និង​អ្នក​ខ្លះ​អាច​រៀន​ស្រុក​ក្រៅ​ទៀត​ឯណោះ។ តែ​អ្នក​ដែល​ក្រីក្រ​វិញ​គឺ​ខ្វះខាត​សឹង​តែ​គ្មាន​សៀវភៅ​សម្រាប់​សរសេរ​ប្រចាំ​ថ្ងៃ​ទៀត​។​ និស្សិត​ក្រីក្រ​ខ្លះ​អាច​បន្ដ​ការ​សិក្សា​បាន​លុះ​ត្រា​តែ​គេ​រៀន​​ពូកែ ហើយ​មាន​សមត្ថភាព​ប្រឡង​យក​អាហារូបករណ៍​សិក្សា​ប៉ុណ្ណោះ។ 

២)  បន្ទុក​ការងារ៖ និស្សិត​មួយចំនួន​បាន​នឹង​កំពុង​តែ​មាន​ការងារ​កំឡុង​ពេល​​សិក្សា ហេតុ​នេះ​ហើយ​ពួក​គេ​មិន​អាច​បែងចែក​ពេលវេលា ឲ្យ​បាន​ត្រឹម​ត្រូវ​ឡើយសម្រាប់​​ការ​សិក្សា និង​ការ​​ធ្វើ​ការងារ។ ទើប​ពេល​ខ្លះ​ធ្វើ​ឲ្យ​ពួក​គេ​នឿយហត់​ខ្លាំង​ នឹក​ឃើញ​ចង់​ឈប់​រៀន​តែ​ម្ដង។ 

៣) បន្ទុក​សាលា​២​ជាន់​គ្នា៖  អាច​ថាគេ​មិន​​ទាន់​មាន​ការងារ​តែ​សម្រាប់​និស្សិត​នៅ​ប្រទេស​កម្ពុជា​វិញពួក​គេ​មួយ​ចំនួន  រៀន​សាកលវិទ្យាល័យ ២ ឬ​ក៏​រៀន​ចាប់​យក​មុខ​ជំនាញ​២ ឬ​លើស​ពី​នេះ។ កត្តា​នេះ​ហើយ ដែល​ធ្វើ​ឲ្យ​សិស្ស​មានអារម្មណ៍​ថាពិបាក​ក្នុង​ការ​ចាប់​យក​មេរៀនគ្មាន​ពេលវេលា​សម្រាក​គ្រប់​គ្រាន់ទើបបណ្ដោយ​ខ្លួនឈប់​រៀន​តែ​ម្ដង៕

 

ដោយ​៖ ព្រំ សុវណ្ណកណ្ណិកា

 

X
5s