ពេលខ្លះនារីៗមិនបានតបសារតាមទូរស័ព្ទរបស់អ្នក វាអាចមកពីមូលហេតុទាំង ៥នេះច្រើនជាង
ក្នុងនាមជាបុរស តើអ្នកមានដែលឆ្ងល់ទេ ថាតើហេតុអ្វីបានជានារីៗហាក់ដូចជាមិនចង់តបតអ្នកពេលដែលអ្នកចង់និយាយ ឬក៏លេងសារជាមួយនាងនោះ? តើមកពីនាងមិនស្រឡាញ់ ធុញទ្រាន់ឬមកពីអ្វីទៅវិញ? ខាងក្រោមនេះគឺជាមូលហេតុទាំង ៥យ៉ាងដែលបុរសគួរដឹង៖
១) នាងរវល់៖ អ្នកប្រហែលជាមិនដឹងឡើយថានាងរវល់កិច្ចការអ្វីខ្លះរៀងរាល់ថ្ងៃ។ តែភាគច្រើននាងជាប់រវល់កិច្ចការផ្ទាល់ខ្លួន ទើបមិនសូវជាមានពេលសម្រាប់តបតសាររបស់អ្នក។
២) អ្នកធ្វើឲ្យនាងធុញ៖ នេះក៏អាចជាមូលហេតុផងដែរ គឺដោយសារតែខ្លួនអ្នកតែម្ដង ដែលបានធ្វើឲ្យនាងមានអារម្មណ៍ថាធុញទ្រាន់ ហើយមិនចង់ទាក់ទងបន្តទៀត។
៣) លែងចាប់អារម្មណ៍អ្នកទៀត៖ វាស្រដៀងទៅនឹងចំណុចទី២ដែរ គឺថាអ្នកតែងតែធ្វើអ្វីដែលនាងមិនចូលចិត្តឬក៏សម្ដែងអត្តចរិតដែលនាងមិនចង់ឃើញ ទើបធ្វើឲ្យនាងលែងចាប់អារម្មណ៍នឹងអ្នកទៀត។
៤) នាងមានបុរសច្រើនទៀតដែលត្រូវទាក់ទង៖ នេះក៏ជាមូលហេតុដែរគឺថានាងមានបុរសជាច្រើនដែលត្រូវទាក់ទងទៀត ហេតុនេះទើបនាងមិនសូវមានពេលដល់អ្នក។ នេះហើយជាអ្វីដែលអ្នកគួរប្រុងប្រយ័ត្នបំផុត មុនពេលសម្រេចចិត្តទាក់ទងនារីៗ។
៥) អ្នកប្រើពាក្យពេចន៍មិនសមរម្យ៖ នេះជាអ្វីដែលគួរតែប្រយ័ត្នប្រយែងព្រោះថាពាក្យសម្ដីអ្នកក៏ធ្វើឲ្យនាងមិនចង់ទាក់ទងអ្នកផងដែរ ដូចជាការប្រើពាក្យឈ្លើយ មិនចេះគោរពនារីភេទ និងនិយាយដោយគ្មានការគិតពិចារណាជាដើម៕
ដោយ៖ ព្រំ សុវណ្ណកណ្ណិកា
