មនុស្ស៣ប្រភេទនេះហើយ ដែលគេត្រូវការហើយបោះបង់ចោលមិនបាន
ជាការពិតណាស់ អ្នកគួរដឹងថាតើមនុស្សប្រភេទណាខ្លះដែលអាចចូលមកធ្វើឲ្យជីវិតអ្នកមានន័យ ហើយមិនប្រាកដថាពួកគេមកល្អដាក់អ្នកគ្រប់ពេលទេ គេអាចផ្ដល់ជាមេរៀន និងបទពិសោធន៍សម្រាប់អ្នកក៏ថាបាន។ មនុស្ស៣ប្រភេទនេះរួមមាន៖
១) មនុស្សប៉ិនប្រដៅ៖ មនុស្សបែបនេះលេចឡើងក្នុងជីវិតអ្នកតាមទម្រង់ដូចជា តែងនិយាយច្រើន ដូចជាគ្រូ តែងដើរតួជាឪពុកម្ដាយ មិត្តភ័ក្ដិផងដែរ។ មិនថា មានរឿងអ្វីនោះទេរាល់ពេលអ្នកជួបគេ គេតែងផ្ដល់ដំបូន្មាន និងគំនិតទស្សនៈ ដើម្បីកែប្រែជីវិតអ្នកគ្រប់ពេល។ នេះគឺដោយសារតែគេមានបទពិសោធន៍ច្រើន ឬមួយក៏មានអាយុលើសអ្នកក៏ថាបាន។ ប្រសិនបើអ្នកមិនទាន់ជួបមនុស្សបែបនោះទេ អ្នកគួរស្វែងរកទៅព្រោះ អ្នកនឹងរៀនបានច្រើនពីពួកគេ ហើយពេលណាមួយអ្នកនឹងនឹកឃើញសម្ដីទាំងនោះដែលគេបានទូន្មានអ្នកសឹងតែគ្រប់ពេលមិនខាន។
២) មនុស្សងាយចុះសម្រុង៖ ក្នុងមួយជីវិតអ្នកនេះ អ្នកនឹងបានជួបមនុស្សដែលធ្វើល្អហើយងាយចុះសម្រុងជាមួយអ្នក មានចំណូលចិត្ត ព្រមទាំងធ្វើអ្វីត្រូវគ្នាទាំងអស់។ ពេលខ្លះអ្នកក៏សឹងតែមិនជឿថា តើជាតិមុនអ្នកទាំងពីរមានអ្វីទាក់ទងគ្នាឬអត់ទើបជាតិនេះអ្នកមានអ្វីដូចគ្នាទាំងអស់បែបនេះ។
៣) មនុស្សផ្ទុយពីអ្នក៖ មនុស្សបែបនេះនឹងផ្ដល់មេរៀនឲ្យអ្នកច្រើន គេចូលមកដើម្បីឲ្យអ្នកអភិវឌ្ឍខ្លួន ឲ្យទៅមនុស្សថ្មី រួមទាំងបង្រៀនមេរៀនលំបាកៗខ្លាំងសម្រាប់អ្នក។ ពួកគេអាចប្រើប្រាស់សម្ដីអាក្រក់ តែដោយសារតែគេមិនអាចធ្វើជាមនុស្សលួងលោម ឬប្រើពាក្យផ្អែមល្ហែមបានពេលឃើញអ្នកខុសនោះ៕
ដោយ៖ ព្រំ សុវណ្ណកណ្ណិកា
