ការរួមរស់គ្នាជាប្ដីប្រព័ន្ធមិនមែនជារឿងលេងសើច និងងាយស្រួលនោះទេ ដែលបញ្ហាទាំងនេះហើយដែលធ្វើឲ្យមានការលែងលះ បែកបាក់គ្រួសារជាដើម។ ការបែកបាក់គ្រួសារបង្កឡើងដោយមូលហេតុជាច្រើនយ៉ាង ប៉ុន្តែក្នុងចំណោមមូលហេតុទាំងនោះក៏មានមូលហេតុដែលបណ្ដាលមកពីអាជីពការងារផងដែរ។ 

អ្នកស្ថិតិវិទូ Nathan Yau បានធ្វើការសិក្សាអំពី American Community Survey ក្នុងឆ្នាំ២០១៥ ដើម្បីកំណត់នូវអាជីពការងារមួយចំនួនដែលមានអត្រាលែងលះទាបនិងខ្ពស់ជាងគេ។ ការស្រាវជ្រាវរបស់ Yau បានរកឃើញថាអ្នកគ្រប់គ្រងហ្គេមនិងកាស៊ីណូមានអត្រាលែងលះខ្ពស់បំផុតនៅអាមេរិកដែលមានអត្រា ៥២,៩ %។

នេះជាការងារដែលមានអត្រាលែងលះគ្នាខ្ពស់បំផុតទាំង១០៖

១) អ្នកគ្រប់គ្រងបនល្បែង (Gaming managers) មានអត្រា ៥២.៩%

២) អ្នកក្រឡុកស្រា (Bartenders) មានអត្រា ៥២.៧%

៣) អ្នកបម្រើការតាមយន្តហោះ (Flight attendants) មានអត្រា ៥០.៥%

៤) អ្នកធ្វើការបម្រើសេវាកម្មល្បែង (Gaming services workers) មានអត្រា ៥០.៣%

៥) អ្នកគ្រប់គ្រងម៉ាស៊ីននៅក្នុងរោងចក្រ ឬក៏ប្រតិបតិ្តករនិងអ្នកដេញថ្លៃ មានអត្រា ៥០.១%

៦) អ្នកតភ្ជាប់បណ្តាញទូរស័ព្ទ (Switchboard operators) មានអត្រា ៤៩.៧%

៧) អ្នកគ្រប់គ្រងម៉ាស៊ីនពុម្ពក្នុងរោងចក្រផលិតដែក មានអត្រា ៤៩.៦%

៨) អ្នកនិយាយទូរស័ព្ទជាមួយអតិថិជន (Telemarketers) មានអត្រា ៤៩.២%

៩) អ្នកគ្រប់គ្រងឧស្សាហកម្មប៉ាក់ ឬក៏អ្នកគ្រប់គ្រងម៉ាស៊ីនតម្បាញ មានអត្រា ៤៨.៩%

១០) អ្នកបង្កើតអ្វីថ្មី ឬក៏អ្នកគ្រប់គ្រងម៉ាស៊ីន មានអត្រា ៤៨.៨%

ការងារទាំង ១០ ដែលមានអត្រានៃការលែងលះគ្នាទាបបំផុត៖

១) គណនេយ្យ មានអត្រា ១៧%

២) អ្នកវិទ្យាសាស្រ្តរូបវិទ្យា មានអត្រា ១៨.៩%

៣) វេជ្ជសាស្រ្ត មានអត្រា ១៩ .៦%

៤) អ្នកបួស កាតូលិក មានអត្រា ១៩.៨%

៥) អ្នកអភិវឌ្ឍកម្មវិធីសូហ្វែ និងកម្មវិធីទូរស័ព្ទដៃ មានអត្រា ២០.៣%

៦) អ្នកព្យាបាលតាមជំងឺតាមរយៈការធ្វើសរសៃ (Physical Therapist) មានអត្រា ២០.៧%

៧) អ្នកឯកទេសពិនិត្យភ្នែក (Optometrists) មានអត្រា ២០.៨%

៨) វិស្វករគីមី (Chemical engineers) មានអត្រា ២១.១%

៩) នាយកក្នុងកម្មវិធីសាសនានិងការអប់រំ មានអត្រា ២១.៣%

១០) គ្រូពេទ្យវះកាត់ មានអត្រា ២១.៨%

ដោយ៖ ជា ធារឹទ្ធ