មុននឹងអ្នករៀបការ អ្នកគួរតែដឹងអំពីការពិតបែបវិទ្យាសាស្រ្តមួយចំនួនជាមុនសិន ដូចជាអ្វីដែលធ្វើឲ្យទំនាក់ទំនងស្នេហារបស់អ្នករឹងមាំ អ្វីដែលជាមូលហេតុធ្វើឲ្យស្នេហាបែកបាក់ និងអ្វីដែលធ្វើឲ្យអ្នកមានចំណងអាពាហ៍ពិពាហ៍ឲ្យយូរអង្វែង។ ខាងក្រោមនេះជាអង្គហេតុចំនួន ១៧ ទាក់ទងនឹងទំនាក់ទំនងដែលត្រូវពិចារណាមុនពេលអ្នករៀបអាពាហ៍ពិពាហ៍៖

១) ប្រសិនបើអ្នករង់ចាំរហូតដល់អ្នកមានអាយុ ២៣ ឆ្នាំអ្នកនឹងមានអត្រាលែងលះគ្នាទាប
ការសិក្សានៅសាកលវិទ្យាល័យ North Carolina ឆ្នាំ ២០១៤ នៅ Greensboro បានរកឃើញថាស្ត្រីជនជាតិអាមេរិកដែលរួមរស់ជាមួយគូស្នេហ៍របស់ខ្លួនឬរៀបការនៅអាយុ ១៨ ឆ្នាំមានអត្រាលែងលះ ៦០% ប៉ុន្តែស្ត្រីដែលរង់ចាំរហូតដល់អាយុ ២៣ ឆ្នាំមានអត្រាលែងលះគ្នាប្រហែល ៣០% ។

២) ទំនាក់ទំនងស្នេហាផ្អែមល្ហែមជាទូទៅមានរយៈពេលមួយឆ្នាំ
យោងតាមការសិក្សាឆ្នាំ ២០០៥ ដោយសាកលវិទ្យាល័យផាវ៉ា (University of Pavia) នៅប្រទេសអ៊ីតាលី ទំនាក់ទំនងស្នេហាស្នឹតល្មួតជាទូទៅមានភាពខ្លាំងក្លាមុនរយៈពេល១ឆ្នាំ ប៉ុន្តែបន្ទាប់ពីរយៈពេល១ឆ្នាំ កម្រិតនៃសារធាតុគីមីម្យ៉ាងគេហៅថា “Nerve Growth Factor” ដែលត្រូវបានផ្សារភ្ជាប់ជាមួយនឹងអារម្មណ៍មនោសញ្ចេតនាខ្លាំងក្លានឹងចាប់ផ្តើមធ្លាក់ចុះ។

៣) មនុស្សពីរនាក់អាចត្រូវគ្នាឬមិនត្រូវគ្នា
ត្រឡប់ទៅទសវត្សឆ្នាំ ១៩៥០ និង ៦០ វិញអ្នកចិត្តវិទ្យាជនជាតិកាណាដាលោក Eric Berne បានណែនាំគំរូបីសម្រាប់ការស្វែងយល់អំពីអត្តសញ្ញាណរបស់មនុស្ស។ គាត់បានរកឃើញថាយើងម្នាក់ៗមាន “Ego States” ចំនួន ៣ ដែលកំពុងដំណើរការក្នុងពេលតែមួយដូចជាចំពោះ៖

តើអ្នកមានតម្លៃនិងជំនឿស្រដៀងគ្នាអំពីពិភពលោកទេ?

តើអ្នកសប្បាយជាមួយគ្នាទេ? តើអ្នកគិតថាដៃគូរបស់អ្នកយ៉ាងមិចដែរទេ? តើអ្នកចូលចិត្តធ្វើដំណើរជាមួយគ្នាទេ?

តើអ្នកពូកែដោះស្រាយបញ្ហាជាមួយគ្នាទេ?

ជាទូទៅដៃគូស្នេហាមានភាពខុសគ្នាឬស្របគ្នាខ្លះៗដូចជា ម្នាក់ជាមនុស្សស្ងៀមស្ងាត់ និងម្នាក់ទៀតជាមនុស្សចូលចិត្តលេងសើចជាដើម។

៤) អាពាហ៍ពិពាហ៍ដែលមានសុភមង្គលបំផុតគឺផ្តើមចេញពីមិត្តភាព
ការសិក្សាមួយនៅការិយាល័យជាតិស្រាវជ្រាវសេដ្ឋកិច្ចឆ្នាំ ២០១៤ (National Bureau of Economic Research) បានរកឃើញថាអាពាហ៍ពិពាហ៍ដែលមានភាពសុខដុមនឹងគ្នាកើតឡើងពីដៃគូស្នេហាប្ដីប្រពន្ធដែលជាមិត្តជិតស្និទ្ធ។

៥) ដៃគូស្នេហាដែលមានអាយុប្រហែលគ្នាមានអត្រាការលែងលះទាប
Megan Garber របស់អាត្លង់ទិករាយការណ៍ថា៖ ការស្រាវជ្រាវបានរកឃើញថាភាពខុសគ្នាមួយឆ្នាំក្នុងវ័យរបស់ប្តីប្រពន្ធធ្វើឲ្យពួកគេមានអត្រាលែងលះបាន ៣% (បើប្រៀបធៀបនឹងដៃគូដែលមានអាយុដូចគ្នា) ប៉ុន្តែភាពខុសគ្នានៃអាយុចំនួន ៥ ឆ្នាំមានអត្រាមានអត្រាលែងលះ ១៨% ហើយអាយុខុសគ្នា ១០ ឆ្នាំធ្វើឱ្យពួកគេទំនងជាមានចំនួន ៣៩% នៃការលែងលះ។

៦) ប្រសិនបើអ្នករំភើបចំពោះដំណឹងល្អរបស់ដៃគូអ្នក មានទំនាក់ទំនងកាន់តែប្រសើរ
នៅក្នុងការសិក្សាជាច្រើនគូស្វាមីភរិយាដែលបានអបអរសាទរដំណឹងល្អដូចជាការសម្រេចសមិទ្ធផលអ្វីមួយ ឬការប្រាប់អំពីដំណឹងល្អអ្វីមួយ មានអត្រានៃសុខុមាលភាពទំនាក់ទំនងស្នេហាខ្ពស់។ បើយោងតាមចិត្តវិទ្យា នៅ University of California លោក Amie Gordon បានមានប្រសាសន៍ថា ការប្រើប្រាស់ពាក្យពេចន៍វិជ្ជមាន លើកចិត្តចិត្តដល់ដៃគូរបស់ខ្លួន ជួយបង្កើតនចំណងទំនាក់ទំនងគូស្នេហា ជាជាងការប្រើប្រាស់ពាក្យអវិជ្ជមាន បន្ទោសបន្អាប់។

៧) ការអាក់អន់ចិត្តអាចកើតឡើង ចំពោះគូដែលមិនជួយធ្វើកិច្ចការប្រចាំថ្ងៃ
ជាង ៦០% នៃជនជាតិអាមេរិកនៅក្នុងការស្ទង់មតិមួយបាននិយាយថាធ្វើការងារផ្ទះរៀងរាល់ថ្ងៃដើរតួនាទីយ៉ាងសំខាន់ក្នុងការទទួលបានជោគជ័យក្នុងចំណងអាពាហ៍ពិពាហ៍។ ការធ្វើកិច្ចការអ្វីមួយដែលជាទម្លាប់របស់អ្នក ជួយឲ្យអ្នកអាចបំពេញការងារទាំងនោះបាន ជាជាងការហៅអ្នកដទៃឲ្យមកជួយពីព្រោះវាទាមទារពេលវេលាច្រើនជាងអ្នកបំពេញខ្លួនអ្នក។ 

៨) ស្ដង់ដារអាពាហ៍ពិពាហ៍
នៅសហរដ្ឋអាមេរិកមានស្ដង់ដារអាពាហ៍មានចំនួន៣ដំណាក់កាលធំ ទី១) អាពាហ៍ពិពាហ៍តាមរដ្ឋធម្មនុញ្ញ (Institutional marriage) ទី២) អាពាពិពាហ៍ជាដៃគូ (Companionate marriage) និងទី៣) អាពាហពិពាហ៍ដែលស្ដែងចេញពីខ្លួនបុគ្គល (Self-expressive marriage)។  

មុនឆ្នាំ ១៨៥០ មនុស្សរៀបការដើម្បីការរស់នៅដើម្បីម្ហូបអាហារ ជំរករស់នៅ និងការការពារ។ ប៉ុន្តែបន្ទាប់មកជាមួយនឹងបដិវត្តឧស្សាហកម្មប្រជាជនមានពេលទំនេរច្រើន ដូច្នេះយើងចាប់ផ្តើមស្វែងរកភាពជាដៃគូក្នុងជីវិតរបស់យើងបានដោយសេរីដោយខ្លួនឯង។ ចាប់ពីទសវត្សរ៍ឆ្នាំ ៦០ មកមនុស្សចាប់ផ្ដើមបំពេញសេចក្ដីស្រលាញ់ដៃគូរបស់ខ្លួន។ 

៩) ការធ្វើតេស្តដៃគូមានផលអវិជ្ជមាន
ការសិក្សាឆ្នាំ ២០០៩ ដែលដឹកនាំដោយអ្នកស្រាវជ្រាវនៅសាកលវិទ្យាល័យ Denver បានរកឃើញថាគូស្វាមីភរិយាភាគច្រើនដែលមានទំនាក់ទំនងស្នេហាជាការសាកល្បងទំនងមានភាពអវិជ្ជមានច្រើន។ នៅពេលពួកគេគ្រាន់តែមានទំនាក់ទំនងស្នេហាលេងៗ ពួកគេមានអារម្មណ៍អវិជ្ជមានច្រើន ដូចជាបុរសជួបនឹងភាពតានតឹងផ្លូវអារម្មណ៍ ខណៈស្រ្តីមានភាពភ័យខ្លាចនៃការបាត់បង់ខ្ពស់។ ទាំងបុរសនិងស្ត្រីមិនមានភាពក្លាហានក្នុងទំនាក់ទំនងស្នេហាទៀត។

១០) ប្រសិនបើអ្នកពឹងផ្អែកលើសេដ្ឋកិច្ចរបស់ដៃគូអ្នក អ្នកទំនងជាបោកប្រាស់ពួកគេ
ទំនាក់ទំនងរវាងប្រាក់ចំណូលនិងភាពមិនស្មោះត្រង់គឺមិនមានច្រើនជាងនេះទេ។ ការស្រាវជ្រាវពីសាកលវិទ្យាល័យ Connecticut បានបង្ហាញថាមនុស្សម្នាក់ដែលពឹងផ្អែកសេដ្ឋកិច្ចលើប្តីឬប្រពន្ធរបស់ពួកគេទំនងជាមិនស្មោះត្រង់ ហើយនោះជាការពិត ជាពិសេសសម្រាប់បុរសដែលពឹងផ្អែកផ្នែកហិរញ្ញវត្ថុរបស់ស្ត្រី។

១១) យើងគិតថាមនុស្សគ្រប់គ្នាសុទ្ធតែបោកប្រាស់ លើកលែងតែដៃគូរបស់អ្នក
ការសិក្សាស្រាវជ្រាវឆ្នាំ ២០១៥ របស់ University of Calgary បានរកឃើញថាយុវុជនថ្នាក់សកលវិទ្យាល័យគិតថាឱកាស ៤០ភាគរយគិតថាមនុស្សដែលមានភេទផ្ទុយគ្នាមានការបោកប្រាស់ដៃគូរបស់ពួកគេ។ ប៉ុន្តែអ្នកចូលរួមដដែលបាននិយាយថាដៃគូរបស់ពួកគេមានការបោកប្រាស់តែ៥ភាគរយប៉ុណ្ណោះ។

១២) គូស្វាមីភរិយាដែលឱ្យតម្លៃចំពោះគ្នាទៅវិញទៅមកនឹងមានទំនាក់ទំនងជាមួយគ្នាយូរ
នៅសាកលវិទ្យាល័យមួយនៃរដ្ឋ North Carolina នៅឯ Chapel Hill អ្នកស្រាវជ្រាវបានឲ្យអ្នកចូលរួមរក្សាកំណត់ត្រាប្រចាំថ្ងៃផ្ទាល់ខ្លួនដែលពួកគេបានកត់ត្រាទុកនូវអ្វីដែលដៃគូរបស់ពួកគេបានធ្វើសម្រាប់ពួកគេនៅពេលវាប្រែទៅជាគូស្វាមីភរិយាដែលមានការផ្តល់តម្លៃចំពោះគ្នាទៅវិញទៅមកពេលនោះមានអារម្មណ៍ថាទំនាក់ទំនងកាន់តែរឹងមាំ។

១៣) អ្នកគិតថាអ្នកមិនមែនជាមនុស្សឯកា
នៅពេលដែលអ្នកចាប់ផ្តើមរស់នៅជាមួយគ្នាអ្នកអាចដឹងថាអ្នកមានអាទិភាពនិងការអត់ធ្មត់ផ្សេងៗគ្នា ដូចជាអ្វីដែលមិនបង្កើតភាពរញ៉េរញ៉ៃចំពោះគ្នា។ អ្នកចាប់គិតថាដៃគូរបស់អ្នកមិនដូចអ្វីដែលអ្នកគិត។ អ្នកចាប់ផ្ដើមដឹងថាអ្នកមានគំនិតផ្សេងគ្នា អារម្មណ៍មុនដូចគ្នា និងចំណងចំណូលចិត្តមិនដូចគ្នា។

១៤) កត្តាផ្លូវភេទសំខាន់
Jessica Orwig បានរាយការណ៍អំពីការសិក្សា Carnegie Mellon ដែលគួរឱ្យចាប់អារម្មណ៍ស្តីពីការផ្សារភ្ជាប់គ្នារវាងភាពញឹកញាប់នៃការរួមភេទជាមួយដៃគូនិងភាពរីករាយរបស់អ្នក។ នៅពេលដែលអ្នកស្រាវជ្រាវវាស់វែងថាតើក្រុមនីមួយៗមានអារម្មណ៍យ៉ាងណានៅចុងបញ្ចប់នៃការធ្វើពិសោធន៍ក្រុមដែលបានបង្កើនផ្លូវភេទរបស់ពួកគេទ្វេដង តែតាមពិតគឺមិនសូវសប្បាយចិត្តទេ ប៉ុន្តែផ្តោតលើគុណភាពជាជាងបរិមាណ។

១៥) គូស្វាមីភរិយាដែលមានសុភមង្គលបំផុតគឺរៀបការដោយសារតែការស្រលាញ់ ដែលមិនមែនជាសម្ពាធសង្គមឬបំណងប្រាថ្នាសម្រាប់គ្រួសារទាំងសងខាងទេ
គូស្វាមីភរិយាដែលរៀបការភាគច្រើនដោយសារតែការស្រលាញ់គ្នា។ ជាងនេះបើយោងតាមការស្ទង់មតិឆ្នាំ ២០១៩ លើមនុស្ស ២០០០ នាក់ដែលធ្វើឡើងដោយគេហទំព័រផ្គូផ្គង eHarmony ។ អ្នកឆ្លើយសំណួរជាងពាក់កណ្តាលក៏បាននិយាយដែរថាអាពាហ៍ពិពាហ៍ដែលមិនមានការបង្ខិតបង្ខំនឹងធ្វើឱ្យទំនាក់ទំនងរបស់ពួកគេកាន់តែមានសុភមង្គល។

១៦) ត្រៀមខ្លួនដើម្បីសម្របខ្លួនទៅនឹងអាកប្បកិរិយារបស់ដៃគូរបស់អ្នក
នៅពេលដែលដៃគូរបស់អ្នកផ្លាស់ប្តូរតាមរបៀបមួយដែលហាក់ដូចជាផ្ទុយពីរបៀបដែលអ្នករស់នៅក្នុងជីវិតរបស់អ្នក។ ត្រៀមខ្លួននិងមានឆន្ទៈក្នុងការសម្របខ្លួនឬត្រៀមខ្លួនសម្រាប់ដៃគូរបស់អ្នក។ ហើយត្រូវចាំជានិច្ចថាវាស្ទើរតែត្រូវបានធានាថាប្តីប្រពន្ធរបស់អ្នកកំពុងសម្របខ្លួនជាមួយគ្នារៀងរាល់ថ្ងៃទៅនឹងការផ្លាស់ប្តូរដែលពួកគេបានមើលឃើញពីគ្នា។

១៧) អ្នកត្រូវនិយាយអំពីទម្លាប់ប្រើប្រាស់ប្រព័ន្ធផ្សព្វផ្សាយសង្គមរបស់ដៃគូអ្នកមុនពេលរៀបការ
គូស្វាមីភរិយាទាំងនេះមានទំនោរទៅជាតូចចិត្តនឹងពេលវេលាដែលដៃគូចំណាយពេលទៅលើប្រព័ន្ធផ្សព្វផ្សាយសង្គមហួសហេតុពេក។ លោក Sussman បាននិយាយថាពួកគេក៏ខកចិត្តផងដែរប្រសិនបើមនុស្សជាទីស្រឡាញ់រក្សាទំនាក់ទំនងជាមួយអតីតរបស់ពួកគេដោយប្រើ Instagram, Facebook ឬបណ្ដាញទំនាក់ទំនងផ្សេងទៀត?

ដោយ៖ ជា សុធារិទ្ធ
ប្រភព៖ businessinsider