នៅយប់ថ្ងៃដដែលនៃការសម្លាប់មេបញ្ជាការជាន់ខ្ពស់អ៉ីរ៉ង់លោក Qasem Soleimani អាមេរិកបរាជ័យនៅក្នុងការសម្លាប់ទៅលើមន្រ្តីយោធាអ៉ីរ៉ង់ជាន់ខ្ពស់ម្នាក់ទៀតនៅក្នុងប្រទេសយេម៉ែន (Yemen)។ នេះបើយោងតាមមន្រ្តីម្នាក់ និងប្រភពមួយទៀត ចុះផ្សាយដោយ CNN។ 

ប្រភពព័ត៌មានទាំងនោះគឺមិនទាន់ត្រូវបានផ្តល់ព័ត៌មានលម្អិតអំពីបេសកកម្ម ឬថាតើសហរដ្ឋអាមេរិកប៉ុនប៉ងគម្រផងធ្វើឃាតនោះដោយរបៀបណានោះទេ។ នៅក្នុងសេចក្តីថ្លែងការណ៍មួយទៅកាន់ទូរទស្សន៍ CNN អ្នកនាំពាក្យមន្ទីរបញ្ចកោណលោកស្រី Rebecca Rebarich បានទទួលស្គាល់ថាបានដឹងអំពីគម្រោងនេះ ប៉ុន្តែលោកបានបដិសេធដោយមិនផ្តល់ព័ត៌មានបន្ថែមទេ។

យោងតាមកាសែត Washington Post បានរាយការណ៍ថាគោលដៅរបស់សហរដ្ឋអាមេរិកទៅលើយោធាម្នាក់ទៀតនោះគឺលោក Abdul Reza Shahlai ដែលជាមន្រ្តីហិរញ្ញវត្ថុ និងជាមេបញ្ជាការសំខាន់នៃកង Islamic Revolutionary Guards Corps-Quds របស់អ៉ីរ៉ង់ដែលជាស្លាបស្ដាំយោធាអ៉ីរ៉ង់ប្រតិបត្តិការនៅតំបន់មជ្ឈិមបូព៌ា។

កាលពីខែធ្នូកន្លងទៅ អ្នកតំណាងពិសេសរបស់នាយកដ្ឋានរដ្ឋរបស់អាមេរិក លោក Brian Hook បានធ្វើការប្រកាសផ្ដល់ជូនទឹករង្វាន់ទឹកប្រាក់ ១៥លានដុល្លារ សម្រាប់អ្នកដែលដឹងព័ត៌មានអំពីសកម្មភាពហិរញ្ញវត្ថុ បណ្ដាញ និងអ្នកពាក់ព័ន្ធជាមួយលោក Abdul Reza Shahlai។

ការសម្លាប់លោក Soleimani គឺជាការឆ្លើយតបទៅនឹងការគំរាមកំហែងអាយុជីវិតរបស់ជនជាតិអាមេរិក ប៉ុន្តែកង្វះភស្តុតាងបានធ្វើឲ្យសមាជិកសភា និងសាធារណជននាំឲ្យមានការសង្ស័យអំពីការសម្លាប់លោក Soleimani និងការលើកឡើងទាំងប៉ុន្មាននេះត្រូវបានគេដឹងថាគ្រាន់តែការពារអះអាងលោក Trump តែប៉ុណ្ណោះ។

សំណួរជាច្រើនត្រូវបានកើនឡើងជាបន្តបន្ទាប់អំពីការពន្យល់ចំពោះការសម្លាប់លោក Soleimani។ តើអ្វីទៅជាហេតុផលនៅពីក្រោយផែនការរបស់រដ្ឋបាលលោក ត្រាំ ក្នុងការសម្លាប់មន្រ្តីអ៉ីរ៉ង់រូបនេះ? តើការប៉ុនប៉ងសម្លាប់នៅ Yemen មានអ្វីដែលត្រូវធ្វើជាមួយការគំរាមកំហែងដែលនឹងកើតមាន?” 

មន្ទីរបញ្ចកោណបានដាក់បន្ទុកថាលោក Soleimani និងកងកម្លាំង Quds Force របស់អ៊ីរ៉ង់ ចំពោះការវាយប្រហារទៅលើមូលដ្ឋានចម្រុះនៅអ៉ីរ៉ាក់របស់អាមេរិកក្នុងប៉ុន្មានខែថ្មីៗនេះរួមទាំងការធ្វើកូដកម្មនៅថ្ងៃទី ២៧ ធ្នូដែលបានសម្លាប់អ្នកម៉ៅការអាមេរិកម្នាក់និងបុគ្គលិកអាមេរិកជាច្រើនរូប។ លោក Soleimani ក៏ត្រូវបានទម្លាក់កំហុចវាយប្រហារទៅលើស្ថានទូតអាមេរិកនៅថ្ងៃទី ៣១ ខែធ្នូនៅទីក្រុងបាកដាដ ហើយយោធាអាមេរិកបាននិយាយថាគាលោកត្រូវតែទទួលខុសត្រូវចំពោះការសម្លាប់មនុស្សរាប់រយនាក់ក្នុងពេលដែលលោកជាមេបញ្ជាការ និងធ្វើឲ្យមនុស្សរាប់ពាន់នាក់ទៀតរងរបួស។

លោក Trump បានអះអាងនៅក្នុងបទសម្ភាសន៍ជាមួយ Fox News កាលពីថ្ងៃសុក្រថា “លោក Soleimani កំពុងតម្រង់គោលដៅលើមន្រ្តីស្ថានទូតចំនួនបួនរូប មុនពេលលោកត្រូវបានសម្លាប់។”

ការអត្ថាធិប្បាយរបស់ប្រធានាធិបតីបានធ្វើឡើងបន្ទាប់ពីសមាជិកសភាគណបក្សសាធារណរដ្ឋនិងអ្នកប្រជាធិបតេយ្យដែលលេចធ្លោរពីររូបកាលពីថ្ងៃពុធបានរិះគន់សេចក្តីសង្ខេបរបស់រដ្ឋបាលស្តីពីហេតុផលនៃការធ្វើកូដកម្មនេះបន្ទាប់ពីការធ្វើបទសម្ភាសន៍ដោយរដ្ឋលេខាធិការ Mike Pompeo និងរដ្ឋមន្រ្តីក្រសួងការពារជាតិ Mark Esper ។ ហើយសមាជិកសភាជាច្រើនបាននិយាយថាពួកគេមិនបានមើលឃើញពីភាពជាក់លាក់ណាមួយដែលចង្អុលបង្ហាញពីការគំរាមកំហែងរបស់លោក Soleimani នោះទេ។

មួយវិញទៀតអាមេរិកបានចោទប្រកាន់អ៉ីរ៉ង់ជាយូរមកហើយពីការផ្គត់ផ្គង់គ្រាប់មីស៊ីល Houthis និងអាវុធទំនើបៗ ជាច្រើនទៀតដែលពួកគេបានប្រើនៅក្នុងការវាយប្រហារទាំងនោះ៕

ដោយ៖ ជា ធារិទ្ធ