Covid 19៖ រោងចក្រនៅវៀតណាមជាង ៨០០ផ្អាកដំណើរការ និងបន្ថយការផលិត ប៉ះពាល់កម្មករជិត ១ម៉ឺននាក់
ក្រសួងការងារ និងសង្គមកិច្ចវៀតណាម បានប្រកាសថា ក្រុមហ៊ុន និងអាជីវកម្មនៅវៀតណាមជាង ៨០០បានប្រកាសផ្អាកដំណើរការ និងបន្ថយទំហំប្រតិបត្តិការ ដែលធ្វើឱ្យប៉ះពាល់ដល់កម្មករជាង ៨៧០០នាក់ដោយសារតែបញ្ហាវីរុសកូរ៉ូណាថ្មី Covid-19។ នេះបើយោងតាមសារព័ត៌មានវៀតណាម Custom News។
- ក្រសួងបានអះអាងថា ខ្លួនបានធ្វើការស្ទង់មតិនៅខេត្ត និងក្រុងចំនួន ៣០ បង្ហាញថា សហគ្រាស ៣២២ ក្នុងចំណោម ១៨១ ៥៩៧បានផ្អាកដំណើរការ
- ប្រភពដដែលឱ្យដឹងដែរថា សហគ្រាស ៥៥៣ទៀតបន្ថយទំហំប្រតិបត្តិការ
- ២២ខេត្ត និងក្រុង មានកម្មករ ៨៧៧៣ទទួលរងផលប៉ះពាល់លើការងារពីការផ្អាក និងបន្ថយប្រតិបត្តិការ និងមាន ១០២៧នាក់អត់ការងារធ្វើ
- នៅទីតាំង ៦៣ទូទាំងវៀតណាម មានកម្មករចិនធ្វើការ ៣៣ ៧៧៥នាក់ (អ្នកមានច្បាប់) ដែល ២៦ ៣៨៨នាក់បានធ្វើដំណើរទៅចិនដើម្បីប្រារព្ធកម្មវិធីចូលឆ្នាំចិន ហើយមិនបានត្រលប់មកវៀតណាមវិញដោយសារតែវីរុស៕
