គ្រាន់តែផ្ទុះកូរ៉ូណាមួយក្ឌាំង មហាសេដ្ឋីពិភពលោកបាត់ទឹកប្រាក់សរុបជាង ២៣៨ ពាន់លានដុល្លារ
ក្រោយពីការធ្លាក់ចុះផ្សារហ៊ុនពិភពលោកដោយសារវីរុសកូរ៉ូណា កាលពីថ្ងៃទី១២ មីនា កន្លងទៅ ដែលគេហៅថាថ្ងៃព្រហស្បតិ៍ពណ៌ខ្មៅ (Black Thursday) បានធ្វើឲ្យមហាសេដ្ឋីពិភពលោកជាច្រើនបាត់បងទឹកប្រាក់មិនស្ទើនោះទេ។ ជាឧទាហរណ៍ លោក Mukesh Ambani បានបាត់បង់តំណែងជាមហាសេដ្ឋីផុតគេនៅអាស៊ី ហើយមហាសេដ្ឋីលំដាប់ពិភពលោកប្រមាណ ៥០០នាក់បាត់បង់ទឹកប្រាក់ស្មើនឹង ២៣៨,៥ ពាន់លានដុល្លារ។
តើមហាសេដ្ឋីពិភពលោកណាខ្លះបាត់បង់ទឹកប្រាក់ច្រើនជាងគេ? ខាងក្រោមនេះគឺជាមហាសេដ្ឋីលំដាប់ពិភពលោកទាំង ៨ រូបដែលបាត់បង់ទឹកប្រាក់រាប់ពាន់លានដុល្លារ បើយោងតាម Bloomberg Billionaires Index៖
ប្រភពរូប៖ www.scmp.com
១) លោក Jeff Bezos មហាសេដ្ឋីលេខ១ និងជានាយកប្រតិបត្តិ Amazon បានបាត់បង់ទ្រព្យសម្បត្តិសរុបប្រមាណ ៧,១៣ភាគរយ ដែលស្មើនឹងទឹកប្រាក់ប្រមាណ ៨ ពាន់លានដុល្លារ ដែលធ្វើឲ្យលោកសល់ទ្រព្យសរុប ១០៤,៤ ពាន់លានដុល្លារ។
ប្រភពរូប៖ www.scmp.com
២) លោក Bill Gate មហាសេដ្ឋីលេខ១របស់អាមេរិក និងសហស្ថាបនិកក្រុមហ៊ុន Microsoft បាត់បង់ទ្រព្យសម្បត្តិ ៥,០៩ភាគរយ ដែលស្មើនឹងប្រមាណ ៥,៣ពាន់លានដុល្លារ ដែលធ្វើឲ្យទ្រព្យសម្បត្តិសរុបរបស់លោកធ្លាក់ចុះសល់ ៩៩,២ អាមេរិក។
ប្រភពរូប៖ www.scmp.com
៣) លោក Bernard Arnault មហាសេដ្ឋីបារាំង និងជាប្រធាននិងជានាយកប្របត្តិ LVMH Moët Hennessy ដែលមានផលិតផលប្រមាណ ៧០ម៉ាកសញ្ញា សល់ទ្រព្យសម្បត្តិសរុប ៨២,៥ ពាន់លានដុល្លារ បន្ទាប់ពីបាត់បង់ទ្រព្យសម្បត្តិ ៨,៥៧ភាគរយ ស្មើនឹង ៧,៧ ពាន់លានដុល្លារ។
ប្រភពរូប៖ www.scmp.com
៤) លោក Warren Buffett នាយកប្រតិបត្តិ Berkshire Hathaway សល់ទ្រព្យសម្បត្តិសរុប ៧១,៥ពាន់លានដុល្លារ បន្ទាប់ពីបាត់បង់ទឹកប្រាក់ប្រមាណ ៦,៨៣ភាគរយ ឬស្មើប្រមាណ ៥,២ពាន់លានដុល្លារ។
ប្រភពរូប៖ www.scmp.com
៥) លោក Amancio Ortega មេធំម៉ាកសម្លៀកបំពាក់ Zara បាត់បង់ទ្រព្យសម្បត្តិ ៨,១៧ភាគរយ ស្មើនឹង ៥,២ពាន់លានដុល្លារអាមេរិក ដែលធ្វើឲ្យលោកមានទ្រព្យសរុប ៥៨,១ ពាន់លានដុល្លារ។
ប្រភពរូប៖ www.scmp.com
៦) លោក Mark Zuckerberg ស្ថាបនិក Facebook បាត់បង់ទ្រព្យសម្បត្តិ ៩,០៥ភាគរយ ដែលធ្វើឲ្យបាត់បង់ទ្រព្យសម្បត្តិសរុប ៥,៧ពាន់លានដុល្លារ ធ្វើឲ្យលោកបានទ្រព្យសម្បត្តិសរុប ៥៧,៤ ពាន់លានដុល្លារ។
ប្រភពរូប៖ www.scmp.com
៧) លោក Mukesh Ambani មហាសេដ្ឋីប្រេងសាំង របស់ឥណ្ឌាបាត់បង់ ៧,៤៧ភាគរយ ស្មើនឹង ៣,៣ ពាន់លានដុល្លារអាមេរិក ដោយនាពេលបច្ចុប្បន្នលោកនៅសល់ទ្រព្យសម្បត្តិសរុប ៤០,៤ ពាន់លានដុល្លារ។
ប្រភពរូប៖ www.scmp.com
៨) លោក Jack Ma សហស្ថាបនិក Alibaba និងជាប្រធានរបស់ South China Morning Post បាត់ទឹកប្រាក់ ១,៧ ពាន់លានដុល្លារ ធ្វើឲ្យលោកនៅសល់ទ្រព្យសម្បត្តិសរុប ៣៩,៤ ពាន់លានដុល្លារ៕
ដោយ៖ លង់ វណ្ណៈ
