​កាល​ពី​ពេល​កន្លង​ទៅ​ថ្មីៗ​នេះ​ លោកវេជ្ជបណ្ឌិត David Agus នៅសហរដ្ឋ​អាមេរិច បានផ្តល់បទសម្ភាសន៏ទៅកាន់ស្ថានីយន៍ ទូរទស្សន៏អាមេរិច ​CBS NEWS ស្តីអំពីថ្នាំ ២ប្រភេទ ដែលមានលទ្ធភាពអាចព្យាបាលអ្នកជំងឺ​ Covid-19បានគឺ  Hydroxychloroquine និង remdesivir។ បច្ចុប្បន្នភាព​ចុង​ក្រោយ​នេះ​ បើ​តាម​ការ​ចុះ​ផ្សាយ​របស់​ Channel News Asia បាន​រាយការណ៍​ថា​ សហរដ្ឋ​អាមេរិក​ប្រកាស​​ឱ្យ​ប្រើ​ថ្នាំ Hydroxychloroquine ​និង  Chloroquine សម្រាប់​ព្យាបាលកូវីដ១៩ជា​ផ្លូវការ​ តែមិនបញ្ជាក់អំពី​ Remdesivir ទេ។ ​

លោកវេជ្ជបណ្ឌិត David Agus ធ្លាប់​​បាន​លើក​ឡើង​ថា៖ «Hydroxychloroquine ជាថ្នាំប្រើសម្រាប់ព្យាបាលអ្នកជំងឺ គ្រុនចាញ់ និង​ អ្នកឈឺសន្លាក់ ដែលមានមុខងារចំបងពីរគឺ កាត់ប​ន្ថយការឈឺចាប់ និង ទប់ស្កាត់ការរីករាលដាលនៃពពួកមេរោគ​ ដែលវាក៏មានប្រសិទ្ធភាពចំពោះអ្នកជំងឺ Covid-19ដូចគ្នា»។

លោកបានបន្តថា “Hydroxychloroquine ជាប្រភេទថ្នាំគ្រាប់ ខណៈឯ remdesivir ជាប្រភេទថ្នាំចាក់ ដែលប្រើដើម្បីទប់ស្កាត់ការរីករាលដាលនៃវីរុស។  មេរោគដែលចូលទៅក្នុងកោសិការាងកាយរបស់យើង នឹងបំបែងខ្លួនជាបន្តបន្ទាប់ ហើយថ្នាំនេះនឹង ផ្តល់ផលដល់អ្នកជំងឺ តាមរយៈការទប់ស្កាត់ការរីករាលដាលនេះ”។

លោកបានបន្ថែមថា៖ «ខ្ញុំចង់​ឱ្យ​ អ្នកជំងឺ Covid-19ទាំងឡាយ ប្រឹក្សាជាមួយក្រុមគ្រូពេទ្យរបស់ពួកគេ ក្នុងពេលនេះ ដើម្បីប្រើប្រាស់ថ្នាំនេះ។ វាជាប្រភេទថ្នាំ ដែលបានអនុម័តដោយ FDA (ស្ថាប័នចំណី អាហារ និង ឱសថរបស់សហរដ្ឋ​អាមេរិក)ចំពោះការប្រើប្រាស់ទៅមុខជំងឺច្រើនប្រភេទ។ មិនមែនអ្នកជំងឺ Covid-19ទាំងអស់ សុទ្ធតែត្រូវប្រើថ្នាំនេះទេ តែពួកគេទាំងឡាយលគួរតែពិភាក្សាជាមួយក្រុមគ្រូពេទ្យរបស់គេអំពីរឿងនេះ វានៅមានសង្ឃឹម»។​

ការប្រកាសរបស់​អ្នកជំនាញសហរដ្ឋ​អាមេរិក​នា​ពេល​នេះ​ ហាក់​មិន​ខុស​ប៉ុន្មានពីការ​ប្រកាស​របស់ចិន​នា​ពេល​កន្លង​មក។ ​បើ​តាម​ការ​ផ្សាយ​ពីស្ថានទូតចិន​ប្រចាំនៅកម្ពុជា​ បាន​ឱ្យ​ដឹង​ថា​ លោកស្រី Sun Yanrong អនុប្រធានមជ្ឈមណ្ឌលជីវសាស្រ្តនៃក្រសួងវិទ្យាសាស្រ្ត និងបច្ចេកវិទ្យាចិនមានប្រសាសន៍ថា ផ្អែកលើការស្រាវជ្រាវព្យាបាលជាក់ស្តែងដែលត្រូវបានរៀបចំឡើងដោយស្ថាប័នព្យាបាលដំណាក់កាលដំបូង លទ្ធផលបានបញ្ជាក់ឲ្យឃើញថា សារធាតុ Chloroquine Phosphate ដែលព្យាបាលជំងឺគ្រុនចាញ់ អាចព្យាបាលជម្ងឺរលាកផ្លូវដង្ហើមដោយវីរុសកូរ៉ូណាប្រភេទថ្មីបានយ៉ាងមានប្រសិទ្ធភាព។ ​​ ចុច​អានលម្អិតនៅ​ទីនេះ... ស្ថានទូតចិន៖ សារធាតុ Chloroquine Phosphate ថ្នាំជំងឺគ្រុនចាញ់ អាចព្យាបាល Covid-19 បាន​

 អត្ថបទទាក់ទង៖ អ្នកវិទ្យាសាស្រ្តចិនសម្រេចប្រើថ្នាំផ្តាសាយ Avigan របស់ជប៉ុន ព្យាបាល វីរុសកូវីដ១៩​
អត្ថបទទាក់ទង៖ មន្ត្រីជាន់ខ្ពស់ចិន៖ ថ្នាំផ្ដាសាយ Favipiravir ប្រសិទ្ធភាពខ្ពស់​ព្យាបាល Covid19!​

ដោយ៖ ជា ឧត្តម្ភ