ព្រះអង្គម្ចាស់អង់គ្លេស Charles វិជ្ជមាន Covid19 ទំនងដោយសារព្រះរាជសកម្មភាពជាសាធារណៈ
ព្រះអង្គម្ចាស់ Charles បុត្រារបស់ព្រះមហាក្សត្រី Queen Elizabeth II ត្រូវបានធ្វើតេស្តរកឃើញវិជ្ជមានលើ Covid19 ហើយបច្ចុប្បន្ន បាននិងកំពុងធ្វើ ចត្តាឡីស័ក នៅស្តុកឡែន ដោយព្រះអង្គឯង។ នេះបើយោងតាមសេចក្ដីប្រកាសព័ត៌មានរបស់ CNN។
តាមតាមការចុះផ្សាយរបស់ប្រភពព័ត៌មានដដែលបានឱ្យដឹងថា រោគសញ្ញាទ្រង់ស្ថិតនៅក្នុងកម្រិតស្រាល ហើយព្រះរាជសុខភាពនៅល្អរឹងមាំនៅឡើយ។ មិនទាន់មានប្រភពណាមួយវាយតម្លៃឱ្យប្រាកដថា ទ្រង់ដែលមានព្រះជន្ម ៧១ឆ្នាំ ឆ្លងពីណាមកនោះទេ ប៉ុន្តែសេចក្ដីរាយការណ៍ គ្រាន់តែបញ្ជាក់ថា ទ្រង់បានធ្វើព្រះរាជសកម្មភាពជាច្រើនជាសាធារណៈ ប៉ុន្មានសប្ដាហ៍ថ្មីៗនេះ៕
