គិតត្រឹមយប់ ២៥មីនានេះ៖ ទាំងករណីថ្មីកើនដល់ ៩៦ តែជាសះស្បើយ ១០ករណីហើយ
គិតត្រឹមយប់ម៉ោង ៩និង៣០នាទីយប់ថ្ងៃទី២៥ ខែមីនា នេះ កម្ពុជាមានករណីថ្មីលើអ្នកទេសចរបារាំងនៅព្រះសីហនុចំនួន ២ករណីទៀត និងខ្មែរនៅខេត្តកណ្ដាល សៀមរាប និងភ្នំពេញ ៣ករណីទៀត តែជាសះស្បើយសរុប កើនដល់ ១០ករណីហើយ។
ដោយឡែក សម្រាប់អ្នកនៅភ្នំពេញ គឺអាយុ ២៧ឆ្នាំ ខណៈដៃគូរបស់គាត់ពិនិត្យឃើញអវិជ្ជមាន បច្ចុប្បន្នកំពុងដាក់សម្រាកព្យាបាលនៅចក្រអង្រែក្រោម។ មិនទាន់មានព័ត៌មានលម្អិតយ៉ាងណា ជុំវិញករណីនៅភ្នំពេញដែលកើតលើបុរសអាយុ ២៧ឆ្នាំរូបនេះ។ ១ករណីទៀតនៅខេត្តសៀមរាប បុរសអាយុ ៣៧ឆ្នាំ ជាអ្នកបើកបរឱ្យក្រុមអ្នកទេសចរបារាំងនៅខេត្តព្រះសីហនុ។ ដោយឡែក ១ករណីចុងក្រោយនៅខេត្តកណ្ដាលអាយុ ៥៩ឆ្នាំឆ្លងពីបុរសអាយុ៦០ឆ្នាំដែលធ្វើដំណើរទៅធ្វើកម្មវិធីសាសនានៅម៉ាឡេស៊ី។
