អាមេរិកបញ្ចេញ២ទ្រីលានជួយសេដ្ឋកិច្ច តែកំពុងស្រែកសុំជំនួយសម្ព័ន្ធមិត្តទប់កូវីដ១៩
រឿងដែលតែល្បី និងត្រូវបានប្រជាជនសហរដ្ឋអាមេរិក ក៏ដូចជា ប្រជាជននៅជុំវិញពិភពលោកមានការសាទរនោះ គឺការបញ្ចេញទឹកប្រាក់ដ៏ច្រើនលើសលប់ដើម្បីជួយសេដ្ឋកិច្ចរបស់ខ្លួនមានទំហំរហូតដល់ ២ទ្រីលានដុល្លារ។
យ៉ាងណាអ្វីដែលគួរឱ្យភ្ញាក់ផ្អើលនោះគឺថា ក្រសួងការបរទេសសហរដ្ឋអាមេរិកកំពុងស្នើសុំទិញសម្ភារៈដែលសម្ព័ន្ធមានលើសពីតម្រូវការសម្រាប់ទប់ស្កាត់កូវីដ១៩ បើទោះបីលោក Trump ប្រកាសក្ដែងៗថា ខ្លួនបំពាក់សុទ្ធតែឧបករណ៍ទំនើបក៏ដោយ។ នេះបើយោងតាមសារព័ត៌មាន MSN រាយការណ៍ពីថ្ងៃអង្គារ ដើមសប្ដាហ៍នេះ។
ការថ្លែងនេះ គឺធ្វើឡើងដោយមន្ត្រីជាន់ខ្ពស់មួយរូបនៃក្រសួងការបរទេស ទៅកាន់បណ្ដាអ្នកសារព័ត៌មាន ដោយអំពាវនាវជាចំពោះដល់បណ្ដាប្រទេសសម្ព័ន្ធមិត្តខ្លួនទាំងអស់ ដែលមានសម្ភារៈបរិក្ខារលើសពីតម្រូវការ ឬមានសមត្ថភាពលើសខ្លួនក្នុងការផលិតសម្ភារៈសំខាន់ៗ និងចាំបាច់បំផុត ដើម្បីត្រៀមទប់ទល់នឹងការរីករាលដាលវីរុសកូរ៉ូណាថ្មីនេះ សូមលក់ និងផលិតលក់ឱ្យខ្លួន។
គួរកត់សម្គាល់ នាពេលថ្មីៗនេះ គឺថា លោកប្រធានាធិបតី ត្រាំ បានទូរស័ព្ទទៅកាន់ដៃគូកូរ៉េខាងត្បូង ដោយមានការសង្ស័យថា លោកបានស្នើសុំដល់សម្ព័ន្ធមិត្តខ្លួនមួយនេះឱ្យជួយបញ្ជូនសម្ភារៈចាំបាច់សំខាន់ៗ ដើម្បីទប់ស្កាត់ Covid19៕
ដោយ៖ រតនៈវិភូ
