ត្រូវអនុវត្តន៍បែបនេះនៅកន្លែងកាត់សក់ ថែរក្សាសម្ផស្ស និងសេវាពាក់ព័ន្ធ បើចង់គេចពី Covid
ក្រសួងសុខាភិបាលនៃព្រះរាជាណាចក្រកម្ពុជា បានសេចក្ដីណែនាំអំពីវិធានការការពារការចម្លងវីរុសកូវីដ១៩ នៅតាមកន្លែងកាត់សក់ ថែរក្សាសម្ផស្ស និងសេវាកម្មពាក់ព័ន្ធ ក្នុងគោលដៅឱ្យប្រជាពលរដ្ឋគេចឱ្យផុតពីកូវីដ១៩។ វិធានការណ៍សំខាន់ៗទាំងនោះរួមមាន៖
-
កាត់បន្ថយចំនួនដងឱ្យបានច្រើនបំផុតតាមដែលអាចធ្វើទៅបាន
-
ប្រសិនបើចាំបាច់ដោយខានមិនបានត្រូវ៖
-
ម្នាក់ៗ ត្រូវពាក់ម៉ាស់ (ទាំងជាង និងអ្នកកាត់) រហូតដល់ចប់
-
ជាងកាត់សក់ត្រូវលាងដៃនឹងសាប៊ូ ឬអាល់កុល ឬទឹកជែលសម្រាប់លាងដៃឱ្យបានស្អាតមុននឹងចាប់កាត់សក់ជូនភ្ញៀវ
-
ត្រូវរក្សាអនាម័យស្អាតល្អកន្លែងកាត់សក់ ឬកន្លែងរក្សាថែសម្ផស្សដោយជូតសម្អាតរៀងរាល់ពេលដែឡមានភ្ញៀវមកកាត់សក់ ឬមករកសេវាកម្មថែរក្សាសម្ផស្ស នៅកន្លែងរបស់ខ្លួន
-
ពេលកាត់សកល់ ឬពេលធ្វើសក់ ឬកិច្ចការថែរក្សាសម្ផស្សផ្សេងៗ ត្រូវចៀសវាងការនិយាយស្ដីទល់មុខគ្នា (បើចៀសមិនបាន និយាយឱ្យបានតិចជាទីបំផុត ហើយគេចមុខចេញពីគ្នាកុំឱ្យុតទល់មុខគ្នា)។ បុគ្គលម្នាក់ៗ អាចអនុវត្តការកោរមុខរបស់ខ្លួនដោយុខ្លួនឯងបាន
-
សម្ភារៈប្រើប្រាស់សម្រាប់កាត់សក់ ឬថែរក្សាសម្ផស្ស ចាំបាច់ត្រូវតែលាងសម្អាត (បើលាងនឹងសាប៊ូមិនបាន សូមលាង ឬត្រាំនឹងអាល់កុលចំនួន ៤០ ទៅ ៦០វិនាទី ជាចាំបាច់) រៀលរាល់ក្រោយពេលប្រើប្រាស់សម្ភារៈទាំងអស់នោះរួច និងមុនពេលយកមកប្រើប្រាស់លើបុគ្គលម្នាក់ទៀតជាចាំបាច់។
-
ក្រណាត់ ឬកន្សែងដែលប្រើប្រាស់សម្រាប់គ្របមុខ ឬគ្របដងខ្លួនបុគ្គឡដែលត្រូវកាត់សក់ចាំបាវច់ ហាមដាច់ខាតមិនត្រូវប្រើបន្តពីបុគ្គលម្នាក់ទៅបុគ្គលម្នាក់ទៀត ឬត្រូវប្រើតែម្ដងគត់សម្រាប់ម្នាក់ ហើយត្រូវតែបោកគក់សម្អាតនឹងសាប៊ូ ហាលថ្ងៃជាប្រចាំនូវក្រណាត់ ឬកន្សេង ដែលបានប្រើសម្រាប់តែបុគ្គលម្នាក់រួចហើយនោះ។
- ជាងកាត់សក់ ឬថែរក្សាសម្ផស្សត្រូវពាក់ស្រោមដៃថង់ប្លាស្ទិក ឬហ្កង់ (Glove)
- កៅអីកាត់សក់ ឬកៅអីអង្គុយ ត្រូវដាក់ឱ្យមានគម្លាតពីគ្នាលើ់សពី ១ម៉ែត្រកន្លះឡើង
- ក្រោយពីកាត់សក់រួចត្រូវមុជទឹក ដុសសាប៊ូ កក់សក់ សម្អាតខ្លួនប្រាណភ្លាមៗ មុននឹងជួបជាមួយសមាជិកក្រុមគ្រួសាររបស់ខ្លួននៅក្នុងផ្ទះ
- ទាំងអ្នកកាត់សក់ និងអ្នកដែលត្រូវកាត់សក់ ត្រូវចៀសវាងការចាប់ដៃគ្នា និងចៀសវាងការប៉ះពាល់គ្នាដោយផ្ទាល់អតិប្បរមា ក្នុងអំឡុងពេលកាត់សក់ ឬសកម្មភាពថែរក្សាសម្ផស្ស។
- បុគ្គលដែលមានបញ្ហាសុខភាព ឬមិនស្រួលខ្លួន ត្រូវស្វែងរកការពិនិត្យព្យាបាល ដោយហៅទៅលេខ ១១៥ ឬទៅមន្ទីរពេទ្យរដ្ឋ ដោយមិនត្រូវមករកសេវាកាត់សក់ ថែរក្សាសម្ផស្ស និងសេវាពាក់ព័ន្ធឡើយ៕
-
