ចិនប្រកាសអនុម័តចំពោះការធ្វើតេស្តវ៉ាក់សាំងការពារកូវីដ ១៩ ដំណាក់កាលដំបូងលើមនុស្សជាមួយនឹងការពិសោធន៍ចំនួនពីរទៅលើវ៉ាក់សាំងនេះ នេះបើយោងតាមការការរាយការណ៍ពីប្រព័ន្ធផ្សព្វផ្សាយរដ្ឋចិន Xinhua កាលពីព្រឹកថ្ងៃអង្គារទី ១៤ ខែមេសាឆ្នាំ ២០២០​នេះ។ 

អ្នកវិទ្យាសាស្ត្រចិនបានត្រៀមខ្លួនជាស្រេច ដើម្បីធ្វើការសាកល្បងដំណាក់កាលដំបូងនៃវ៉ាក់សាំងរបស់ខ្លួនទៅលើមនុស្ស ព្រោះពួកគេកំពុងតែស្វែងរកវិធីសាស្ត្រដើម្បីបញ្ឈប់ការរាតត្បាតនៃវីរុសឆ្លងកូរ៉ូណាវីរុសមួយនេះ។ វ៉ាក់សាំងទាំងនេះត្រូវបានដឹកនាំផលិតនិងបង្កើតដោយ Sinovac Research and Development Co.,Ltd ដែលមានមូលដ្ឋាននៅទីក្រុងប៉េកាំង និង Wuhan Institute of Biological Product។ កាលពីខែមីនាកន្លងទៅ ចិនបានផ្ដល់ភ្លើងខៀវសម្រាប់ការសាកល្បងវ៉ាក់សាំងការពារវីរុសកូវីដ ១៩ ដែលផលិតនិងអភិវឌ្ឍដោយ China's Academy of Military Medical Sciences និង HK-listed biotech firm CanSino បន្ទាប់ពីក្រុមហ៊ុន Moderns របស់សហរដ្ឋអាមេរិកបានប្រកាសថាខ្លួនចាប់ផ្ដើមតេស្តវ៉ាក់សាំងរបស់ពួកគេជាលើកដំបូងលើមនុស្ស ដែលមានការចូលរួមពីវិទ្យាស្ថានសុខភាពជាតិសហរដ្ឋអាមេរិក US National institute of health។

អត្ថបទទាក់ទង៖ ស្ថានទូតចិននៅកម្ពុជា ប្រកាសពីការរកឃើញវ៉ាក់សាំង Covid19 ដោយ​ក្រុមអ្នកវិទ្យាសាស្ត្រយោធាចិន​

យោងតាមការចេញផ្សាយរបស់ BizKhmer កាលពីថ្ងៃទី ១៨ ខែមិនា ឆ្នាំ២០២០ ស្ថានទូតសាធារណរដ្ឋប្រជាមានិត្យចិន ប្រចាំនៅកម្ពុជា បានផ្សាយនៅតាមបណ្ដាញសង្គមផ្លូវការរបស់ខ្លួនពី ក្រុមស្រាវជ្រាវវិទ្យាសាស្រ្តយោធារបស់ចិន បានរកឃើញវ៉ាក់សាំង Covid19 យ៉ាងជោគជ័យ។ «បេសកកម្មដែលដឹកនាំដោយលោកស្រី Chen Wei អ្នកជំនាញផ្នែកកិច្ចការស្រាវជ្រាវវេជ្ជសាស្រ្តយោធា នៃវិទ្យាសាស្រ្តយោធា ប្រទេសចិន បានស្រាវជ្រាវរកឃើញវ៉ាក់សាំងនៃជម្ងឺCOVID-19 យ៉ាងជោគជ័យ! វ៉ាក់សាំងប្រភេទនេះទទួលបានការអនុញ្ញាតក្នុងដំណើរការពិសោធន៍ព្យាបាលជម្ងឺ។ តាមស្តង់កំណត់នៃអន្តរជាតិ និងតាមបទបញ្ញត្តិក្នុងប្រទេសចិន វ៉ាក់សាំងនេះត្រូវបានចាត់ជាកិច្ចការរៀបចំបឋមដែលប្រកបដោយសុវត្ថិភាព ប្រសិទ្ធភាព គុណភាពដែលអាចគ្រប់គ្រងបាន និង ការផលិតក្នុងទ្រង់ទ្រាយធំ»។

អត្ថ​បទទាក់ទង៖ ពិតដូចអ្នកជំនាញនិយាយដែរទេថាកូវីដ នឹងអូសបន្លាយដល់បំណាច់ឆ្នាំ ២០២១?​

គួរបញ្ជាក់ផងដែរថា Sinovac Research and Development Co., Ltd ដែលជាក្រុមហ៊ុនបុត្រសម្ព័ន្ធរបស់ Nasdaq-listed Sinovac Biotech Ltd., ហើយក៏ជាក្រុមហ៊ុនមួយដែលបានចូលរួមផលិតវ៉ាក់សាំងដំណាក់កាលដំបូងក្នុងដងពេលមានការផ្ទុះរាលដាលជំងឺ SARS កាលពីឆ្នាំ ២០០៣ ផងដែរ៕

អត្ថ​បទទាក់ទង៖ ប្រទេសថៃត្រូវការការចូលរួមពីពលរដ្ឋ៨០ភាគរយ ទើបអាចទប់ស្កាត់ការឆ្លងកូវីដ១៩ បាន

ដោយ៖ យ៉ាយ៉ា