មន្រ្តី​ក្រសួងសុខាភិបាលអង់គ្លេសលោក Matt hankook បានថ្លែងនៅក្នុងសន្និសីទសារព័ត៌មានមួយថា អង់គ្លេសកំពុងឈានដល់ដំណាក់កាលនៃការធ្វើតេស្ត វ៉ាក់សាំងប្រឆាំងកូវីដ ១៩ សាកល្បងលើមនុស្ស ហើយតេស្តសាកល្បងនឹងធ្វើនៅថ្ងៃព្រហស្បតិ៍ទី ២២ ខែមេសា នេះបើយោងតាមការចេញផ្សាយពីគេហទំព័រ bloomberg នាព្រឹកព្រហាមថ្ងៃទី ២២ នេះតែម្ដង។

លោក Matt hankook បានមានប្រសាសន៍ថា វាត្រូវការប្រើពេលវេលាច្រើននៅក្នុងការផលិតវ៉ាក់សាំង ប៉ុន្តែវាគឺជាវិធីសាស្រ្តដ៏ល្អបំផុតហើយមានតែមួយគត់នៅក្នុងការប្រយុទ្ធប្រឆាំងជាមួយនឹងកូវីដ ១៩ បាន។ លោកបានបន្តទៀតថា អង់គ្លេសបានចំណាយប្រាក់ជាច្រើនអាចនឹងច្រើនជាងប្រទេសដទៃទៀតលើពិភពលោកក្នុងការស្វែងរកនិងផលិតវ៉ាក់សាំង ហើយសម្រាប់កិច្ចខិតខំប្រឹងប្រែងនេះការអភិវឌ្ឍនិងផលិតវ៉ាក់សាំងគឺកំពុងកើតមាននិងអភិវឌ្ឍនៅទីនេះ (អង់គ្លេស)។

អត្ថបទទាក់​ទង៖ ប្រយ័ត្ន! អាស៊ានអាចជាទីតាំងរងការវាយប្រហារពីកូវីដ១៩បន្ទាប់​

ការស្រាវជ្រាវ និងអភិវឌ្ឍវ៉ាក់សាំងសម្រាប់ធ្វើតេស្តលើមនុស្សប្រឆាំងទៅនឹងវីរុសកូវីដ ១៩ បានធ្វើឡើងនៅសាកលវិទ្យាល័យ Oxford ហើយរដ្ឋាភិបាលអង់គ្លេសបាន​ចំណាយប្រាក់ប្រមាណជា ២០ លានផោន ស្មើប្រមាណ ២៥ លានដុល្លារអាមេរិក នេះបើយោងតាមការឱ្យដឹងពីលោក hankook។ តម្លៃប្រាក់ចំនួន ២០,៥​លាន​ផោនផ្សេងទៀត នឹងត្រូវដាក់ចូលទៅក្នុងគម្រោងដាច់ដោយឡែកមួយទៀតនៃមហាវិទ្យាល័យ London imperial college។

អត្ថ​បទទាក់​ទង៖ តំណាង​WHOបក​ស្រាយ​​ពីហេតុផល​ដែលស្ថានភាព​កូវីដ​១៩​នៅ​​ប្រទេស​អ្នក​​​មាន​ធ្ងន់ធ្ងរ​ខ្លាំង​យើងមានតិច​

ប្រទេសអង់គ្លេសបានព្យាយាមបង្ហាញ​​នូវវឌ្ឍនភាពរបស់ខ្លួននៅពេលដែលរដ្ឋាភិបាលប្រទេសនេះកំពុងរងការប្រឈមខ្លាំងទៅនឹងការរិះគន់ ជុំវិញបញ្ហាខ្វះខាតឧបករណ៍បរិក្ខារពេទ្យដែលឈានដល់​ដំណាក់កាលមួយធ្វើឲ្យប្រទេសរបស់ខ្លួនមានអ្នកឆ្លងរាលដាល នឹងស្លាប់យ៉ាងច្រើនដោយសារកូវីដ ១៩នេះ។ លោក hankook ដដែលក៏បានព្យាយាមធ្វើការការពារចំពោះរដ្ឋាភិបាលពាក់ព័ន្ធនឹងការរិះគន់យ៉ាងខ្លាំងខាងលើនេះសម្រាប់ក្រុមគ្រូពេទ្យជួរមុខ។ លោកក៏បានបន្ថែមថានៅក្នុងពេលបច្ចុប្បន្នរដ្ឋាភិបាលអង់គ្លេសកំពុង​ធ្វើការជាមួយនឹងក្រុមហ៊ុនក្រៅប្រទេសជាពិសេសប្រទេសចិន ក្នុងការពិភាក្សាលើការទិញសម្ភារៈបរិក្ខារវេជ្ជសាស្ត្របន្ថែមទៀតដើម្បីជាជំនួយដល់ក្រុមគ្រូពេទ្យ​ជួរមុខ នេះបើយោងតាមការចេញផ្សាយពីសារពត៌មាន bbc news។ 

អត្ថ​បទទាក់​ទង៖ ចិន​ផ្អាក​ការ​ធ្វើ​តេស្ត​វ៉ាក់សាំង​លើ​មនុស្ស ​​​ដោយ​​សារ​​កូវីដ​១៩​គ្រប់គ្រង​បាន​​

គួរបញ្ជាក់ផងដែរថាប្រទេសអង់គ្លេសជាប់ចំណាត់ថ្នាក់លេខ ៦ជាប្រទេសដែលមានអ្នកឆ្លងកូវីដ ១៩ ច្រើនជាងគេបំផុតលើពិភពលោក ហឺគិតមកត្រឹមថ្ងៃទី ២២ ខែមេសា ឆ្នាំ២០២០ អង់គ្លេសមានអ្នកបាត់បង់ជីវិតដោយសារកូវីដ ១៩ ចំនួន ១៧,៣៣៧នាកើ៕

អត្ថ​បទទាក់​ទង៖ វ៉ាក់សាំង​សម្រាប់​ COVID-19 ​របស់​ចិន WHO បញ្ជាក់ថា​ មានតែ ១គត់ឈានដល់​ពិសោធន៍ព្យាបាលលើកទី២​

ដោយ៖ យ៉ាយ៉ា