ដឹងអត់ រដ្ឋណាខ្លះរបស់អាមេរិកមានអ្នកជាប់ឈ្មោះធ្វើជាប្រធានាធិបតីច្រើនជាងគេ?
នៅពេលដែលលោកប្រធានាធិបតីDonald Trump ចូលកាន់តំណែង លោកបានក្លាយជាប្រធានាធិបតីទី ៥ របស់អាមេរិកដែលមានដើមកំណើតមកពីរដ្ឋ New York។ រដ្ឋនេះបានជាប់ឈ្មោះជារដ្ឋមួយក្នុងចំណោមរដ្ឋចំនួន ៤ ដែលជាស្រុកកំណើតរបស់ប្រធានាធិបតីស្មើនឹងចំនួនពាក់កណ្ដាលក្នុងចំណោមប្រធានាធិបតីសរុបទាំង ៤៥ នាក់ បន្ទាប់ពីរដ្ឋ Virginia រដ្ឋ Ohio និងរដ្ឋ Massachusetts ។
គិតមកដល់ពេលនេះ មានរដ្ឋចំនួន ២១ ប៉ុណ្ណោះដែលមានពលរដ្ឋរបស់ខ្លួនជាប់ឈ្មោះក្លាយប្រធានាធិបតីអាមេរិក ក្នុងចំណោមរដ្ឋសរុបទាំង ៥០របស់ខ្លួន។ ចំណែកបណ្ដារដ្ឋចំនួន ២៩ ទៀតមិនទាន់មានពលរដ្ឋរបស់ខ្លួនណាម្នាក់ជាប់ឈ្មោះជាប្រធានាធិបតីនៅឡើយទេដែលភាគច្រើនគឺជារដ្ឋស្ថិតនៅតំបន់ភាគខាងលិចប្រទេស។
ខាងក្រោមនេះជារដ្ឋចំនួន ៤ដែលមានពលរដ្ឋជាប់ឈ្មោះជាប្រធានាធិបតីច្រើនជាងគេ
១.រដ្ឋ Virginia មានប្រធានាធិបតីសរុបចំនួន ៨ រូប ដែលក្នុងនោះរួមមាន លោក George Washington លោកThomas Jefferson លោកJames Madison លោកJames Monroe លោកWilliam Henry Harrison លោកJohn Tyler លោក Zachary Taylor និង លោកWoodrow Wilson។
២.រដ្ឋ Ohio មានប្រធានាធិបតីសរុបចំនួន ៧រូប រួមមាន លោកUlysses S. Grant លោក Rutherford B. Hayes លោក James A. Garfield លោកBenjamin Harrison លោក William McKinley លោកWilliam Howard Taft លោក Warren G. Harding។
៣.រដ្ឋ New York មានប្រធានាធិបតីសរុបចំនួន៥រូប រួមមាន លោក Martin Van Buren លោកMillard Fillmore លោកTheodore Roosevelt លោកFranklin D. Roosevelt លោកDonald Trump។
៤.រដ្ឋ Massachusetts មានប្រធានាធិបតីសរុប៤រូប រួមមាន លោក John Adams លោកJohn Quincy Adams លោក John F. Kennedy លោកGeorge H.W. Bush។
ក្រៅពីរដ្ឋចំនួន ៤ខាងលើ នៅមានរដ្ឋផ្សេងទៀតចំនួន ១៧ ដែលមានពលរដ្ឋជាប់ឈ្មោះធ្វើជាប្រធានាធិបតី។ ប៉ុន្តែរដ្ឋទាំងនេះមានពលរដ្ឋជាប់ឈ្មោះធ្វើជាប្រធានាធិបតីត្រឹមតែ២ឬ១នាក់ប៉ុណ្ណោះក្នុងរដ្ឋនីមួយៗដែលក្នុងនោះរួមមាន៖
- រដ្ឋ North Carolina មានប្រធានាធិបតី ២រូប គឺលោក James J. Polk និងលោក Andrew Johnson
- រដ្ឋ Texas មានប្រធានាធិបតី២រូប គឺលោក Dwight D. Eisenhower និងលោក Lyndon B. Johnson
- រដ្ឋ Vermont មានប្រធានាធិបតី២រូប គឺលោកChester A. Arthur និងលោក Calvin Coolidge
- រដ្ឋ South Carolina មានប្រធានាធិបតី១រូប គឺលោក Andrew Jackson
- រដ្ឋ New Hampshire មានប្រធានាធិបតី១រូប គឺលោក Franklin Pierce
- រដ្ឋ Pennsylvania មានប្រធានាធិបតី១រូប គឺលោក James Buchanan
- រដ្ឋ Kentucky មានប្រធានាធិបតី១រូប គឺលោក Abraham Lincoln
- រដ្ឋ New Jersey មានប្រធានាធិបតី១រូប គឺលោក Grover Cleveland
- រដ្ឋ Iowa មានប្រធានាធិបតី១រូប គឺលោក Herbert Hoover
- រដ្ឋ Missouri មានប្រធានាធិបតី១រូប គឺលោក Harry S. Truman
- រដ្ឋ California មានប្រធានាធិបតី១រូប គឺលោក Richard Nixon
- រដ្ឋ Nebraska មានប្រធានាធិបតី១រូប គឺលោក Gerald Ford
- រដ្ឋ Gerald Ford មានប្រធានាធិបតី១រូប គឺលោក Jimmy Carter
- រដ្ឋ Illinois មានប្រធានាធិបតី១រូប គឺលោក Ronald Reagan
- រដ្ឋ Arkansas មានប្រធានាធិបតី១រូប គឺលោក Bill Clinton
- រដ្ឋ Connecticut មានប្រធានាធិបតី១រូប គឺលោក George W. Bush
- រដ្ឋ Hawaii មានប្រធានាធិបតី១រូប គឺលោក Barack Obama៕
អត្ថបទទាក់ទង៖
អតីតប្រធានាធិបតីអាមេរិក Jimmy Carter៖ ខ្ញុំមានអាយុវែងដោយសារខ្ញុំមានភរិយាល្អ
ដោយ៖ ណារិន
ប្រភព៖ Businessinsider
