ក្រសួងសុខាភិបាល៖ អ្នកជំងឺកូវីដសល់តែ ៥ នាក់ទៀតទេ
កម្ពុជាជិតអស់អ្នកជំងឺកូវីដ ១៩ សម្រាកព្យាបាលនៅមន្ទីរពេទ្យហើយ ព្រោះតាមការប្រកាសពីក្រសួងសុខាភិបាលនៅថ្ងៃទី ២៥ ខែមេសា ឆ្នាំ ២០២០ នេះ មានអ្នកជាសះស្បើយថែម ៧ នាក់ទៀត នាំឲ្យអ្នកជំងឺដែលកំពុងសម្រាកព្យាបាលក្នុងមន្ទីរពេទ្យនៅសល់តែ ៥ នាក់ទៀតតែប៉ុណ្ណោះ។
អ្នកដែលជាសប្បាយទាំង ៧ នាក់នោះរួមមាន៖
- បុរសជនជាតិម៉ាឡេស៊ីអាយុ ៦៦ឆ្នាំ នៅខេត្តកែបជាអ្នកមកធ្វើការងារសាសនា
- បុរសជនជាតិខ្មែរអាយុ ៣៧ឆ្នាំ នៅខេត្តសៀមរាបជាអ្នកបើកបររថយន្តឲ្យអ្នកទេសចរជនជាតិបារាំង
- ស្ត្រីជនជាតិខ្មែរអាយុ ២០ឆ្នាំជានិស្សិតត្រឡប់មកពីសិក្សានៅប្រទេសអង់គ្លេស
- ស្ត្រីជនជាតិវៀតណាមអាយុ ២៧ឆ្នាំស្នាក់នៅ Apartment Diamond 1 នៅកោះពេជ្រ។
- ស្ត្រីជនជាតិវៀតណាម ២៤ឆ្នាំជាភ្ញៀវទេសចរស្នាក់នៅសង្កាត់បឹងកេងកង
- ស្ត្រីជនជាតិចិនអាយុ ៣០ឆ្នាំជាអ្នកទេសចរណ៍ស្នាក់នៅ Olympia ជាអ្នកប៉ះពាល់ផ្ទាល់ជាមួយបុរសជនជាតិចិនរកឃើញទេវិជ្ជមាននៅចិន
- ស្ត្រីជនជាតិចិនអាយុ ៣១ឆ្នាំស្នាក់នៅផ្លូវលេខ ៣៥២ សង្កាត់បឹងកេងកង១។
សរុបមកទល់ថ្ងៃទី ២៥ ខែមេសា ឆ្នាំ ២០២០នេះ អ្នកជាសះស្បើយសរុបមានចំនួន ១១៧នាក់ ក្នុងចំណោមអ្នកឆ្លងសរុបទូទាំងប្រទេស ១២២នាក់៕
