ទោះបីជាមិនមានផលប៉ះពាល់​ធ្ងន់ធ្ងរ​​ពី​ការ​ញ៉ាំ​អាហារ​ ឬ​ផ្លែឈើ​ដែល​ផ្ទុក​​វីតាមីន C ក្នុង​បរិមាណ​ច្រើន​ តែ​បើ​តាម​អ្នក​ជំនាញ​ អះអាង​ថា ​​មាន​មនុស្សមួយចំនួន​ ធ្លាប់មានបញ្ហា ឬ​ទទួល​រង​ផលប៉ះពាល់ពីការញ៉ាំជាតិវីតាមីន C ក្នុងកម្រិតច្រើន ដូចជា ប៉ះពាល់ទៅដល់ប្រព័ន្ធរំលាយអាហារ ​មាន​លក្ខណៈ​មិនស្រួលក្នុងខ្លួន តែក៏កម្រនឹងមានបញ្ហាធំ​ឬ​ធ្ងន់ធ្ងរ​​កើតមានឡើងដែរ។

នៅក្នុងអត្ថបទនេះលោកអ្នក នឹងបានស្វែងយល់បន្ថែមពីការញ៉ាំជាតិវីតាមីន C ក្នុងបរិមាណណាមួយដែលល្អសម្រាប់អ្នក ឬរោគសញ្ញាផ្សេងៗ។

បើ​តាម​អ្ន​ក​ជំនាញ​ ​ការញាំអាហារដែលមានជាតិវីតាមីន C ​ច្រើន​លើស​កម្រិត ឬ​ញឹកញាប់ពេក ​មិន​ផ្ដល់​ផលប៉ះពាល់ដល់សុខភាព​ធ្ងន់ធ្ងរ​ពេកនោះទេ ប៉ុន្តែការញាំវីតាមីន ដែលជាប្រភេទថ្នាំ​បំប៉ន ឬអាហារបំប៉ន​​ (supplement) ​អាចធ្វើឲ្យ​ប៉ះពាល់ ​ហើយទំហំនៃ​ផលប៉ះពាល់​អាស្រ័យ​ទៅ​លើ​បរិមាណ​​នៃការញ៉ាំ។

សម្រាប់មនុស្សវ័យកណ្ដាល ឬ​វវ័យ​ជំទង់​ សារធាតុ វីតាមីន C ដែលអាចញ៉ាំបាន​​ប្រចាំ​ថ្ងៃ​ (recommended dietary allowance RDA) ចន្លោះ 90 mg សម្រាប់បុរសនិង 75 mg សម្រាប់ស្ត្រី។ សម្រាប់ការញ៉ាំជាតិវីតាមីន C បរិមាណ 2000mg ក្នុងមួយថ្ងៃ ​ត្រូវ​បាន​ចាត់​ទុក​ថា​ ជា​បរិមាណ​លើស​កម្រិត​ហើយ​ ហើយ​អាចមានផលប៉ះពាល់ ដល់ប្រព័ន្ធរំលាយអាហារ​កម្រិត​ស្រាល​ (mild digestive disturbance) ដែល​​សារពាង្គកាយ​ស្រូប​យក​មិន​អស់​​ រំខាន​ទៅ​ដល់ ​ផ្លូវ​នៃ​លំហូរ​អាហារ​ ( gastrointestinal tract)។ ​

ផលប៉ះពាល់​កម្រិតស្រាល​ នៅពេលដែលអ្នកញ៉ាំជាតិវីតាមីន C ច្រើន​ពេក​ មានដូចជា រាក ឈឺក្បាល ​រមួល​ក្រពះ​ ហើមពោះ វិលមុខ ប៉ុន្តែ​វា​មិន​បណ្ដាល​ឱ្យ​ធ្ងន់ធ្ងរនោះទេ។ 

​​វា​ច្បាស់​ណាស់​ថា​ ប្រសិន​បើ​អ្នក​ជ្រើស​រើស​​​​​​បង្កើន​វីតាមីន​ C ដោយ​ញ៉ាំ​អាហារ​​បំប៉ន​ (supplement) ​ភាគ​ច្រើន​គឺ​សារពាង្គកាយ​មិន​អាច​ស្រូប​យក​វីតាមីន​ C អស់​នោះ​ទេ។ ​ឧទាហរណ៍ បើសិនជាមនុស្សម្នាក់ញ៉ាំជាតិវីតាមីន C ពី 30ទៅ 180 mg ក្នុងមួយថ្ងៃ រាងកាយរបស់អ្នក ស្រូបយកបានជាតិវីតាមីន C ពីចន្លោះ 70 ទៅ 90 ភាគរយ ផ្ទុយទៅវិញបើសិនជាលោកអ្នកញ៉ាំជាតិវីតាមីន C រហូតទៅដល់ចំនួន 1 ក្រាម (1000 ក្រាម) ក្នុងមួយថ្ងៃ រាងកាយរបស់លោកអ្នកស្រូបជាតិវីតាមីន C បានត្រឹមតែ 50 ភាគរយប៉ុណ្ណោះ។ សារធាតុដែលសេសសល់ ត្រូវបានបញ្ចេញចោលតាមទឹកនោម។

វីតាមីន C គឺជាអាហារដែលចាំបាច់បំផុតសម្រាប់ទ្រទ្រង់សារពាង្គកាយ។វាគឺជាសារធាតុប្រឆាំងអុកស៊ីតកម្ម (Antioxydant) នឹងមានសារសំខាន់បំផុតដែលធ្វើឲ្យសម្ពាធឈាមចុះទាប ប្រឆាំងនឹងការរលាក និង បង្កើតជាតិខូលីចិន។

ខាងក្រោម គឺជាតារាងបរិមាណ​សម្រាប់​ការ​ញ៉ាំ​វីតាមីន C ក្នុងមួយថ្ងៃទៅតាមអាយុ៖ 

Age.                       Male.                Female

1-3 years.              15mg.               15mg

4-8 years.              25mg.               25mg

9-13 years.            45mg.               45mg

14-18 years.          75mg.               65mg

18 years.               90mg.               75mg

សម្រាប់អ្នកដែលជក់បារីគួរតែញ៉ាំជាតិវីតាមីន C ច្រើនជាងអ្នកដែលមិនជក់បារីចំនួន 35 mg។ ស្ដាប់ស្ត្រីដែលមានផ្ទៃពោះឬក៏ស្ថិតនៅក្នុងកំឡុងពេលបំបៅដោះអ្នកគួរតែអនុវត្តរឿងញ៉ាំជាតិវីតាមីន C ទៅខាងក្រោម៖ 

​អាយុ            ​                      មានផ្ទៃពោះ-បំប៉ៅដោះកូន

14-18.                                    80mg-115mg

19 ឆ្នាំឡើង                              85mg. 120mg

តម្រូវការជាតិវីតាមីន C សម្រាប់ទារកដែលមានអាយុតិចជាង 1 ឆ្នាំ

Age.                                      Vitamin C

0-6 months                          40mg

7-12months                         50Mg

ដោយ៖ ម៉ាក់វិទូ