គោលដៅផ្ទាល់ខ្លួនមាននៅក្នុងគ្រប់វិស័យនៃជីវិតមិនថាវាជារឿងផ្ទាល់ខ្លួនទាក់ទងនឹងសុខភាព ហិរញ្ញវត្ថុ ឬវិធីក្លាយជាមនុស្សដែលប្រសើរនៅក្នុងសង្គមនោះទេ។ ការផ្តល់អាទិភាពដល់ការគេង ការរក្សាមិត្តភក្តិដែលបានបាត់បង់ជាយូរមកហើយគ្រាន់តែជាគោលដៅមួយចំនួនដែលអ្នកត្រូវអនុវត្តដើម្បីឈានទៅរកជីវិតរីករាយនិងជោគជ័យ។ ស្រមៃមើលប្រសិនបើអ្នកមានគោលដៅដ៏អស្ចារ្យដែលអ្នកអាចចាប់ផ្តើមនៅថ្ងៃនេះហើយបន្តបន្តរហូតដល់ថ្ងៃចុងក្រោយរបស់អ្នក។ តើវានឹងធ្វើឲ្យអ្នកមានអារម្មណ៍យ៉ាងណា?

អត្ថបទនេះត្រូវបានបង្កើតឡើងដើម្បីជួយអ្នកឲ្យទទួលបានជោគជ័យ។ វាបង្ហាញពីគោលដៅផ្សេងៗគ្នានៅក្នុងជីវិតនៅក្នុងវិស័យផ្សេងៗគ្នាដូចជាសុខភាព ហិរញ្ញវត្ថុ និងការច្នៃប្រឌិតដែលនឹងជួយដឹកនាំអ្នកឆ្ពោះទៅរកការបំពេញសក្តានុពលផ្ទាល់ខ្លួន។

ខាងក្រោមនេះជាគោលដៅចំនួន ១៣ ផ្សេងៗគ្នាវាមានគោលបំណងឲ្យអ្នកយកអ្វីដែលអ្នកពេញចិត្ត និងដំណើរការជាមួយពួកគេ៖

១) ស្វែងរ​កភាពស្ងប់ស្ងាត់ក្នុងខ្លួនអ្នក
ខណៈពេលដែលមនុស្សជាច្រើនស្វែងរកសុភមង្គល ទ្រព្យសម្បត្តិ និងសុខភាពនោះ អ្នកមិនបានដឹងទេថាភាពស្ងប់ស្ងាត់ផ្លូវចិត្តក៏ជារឿងសំខាន់ផងដែរសម្រាប់ចូលរួមដំណើរការផែនការក្នុងជីវិត។ ភាពស្ងប់ស្ងាត់ផ្លូវចិត្តត្រូវបានគេកំណត់ថាជាភាពមិនក្តៅក្រហាយនៅពេលមានស្ថានភាពលំបាក។ ប្រសិនបើអ្នកអាចរកឃើញវាក្នុងស្ថានភាពលំបាកបំផុតនោះ អ្នកនឹងអាចឆ្លងកាត់អារម្ម​ណ៍តានតឹងខ្លាំង។

វិធីល្អបំផុតដើម្បីសម្រេចបាននូវរឿង​នេះគឺត្រូវហាត់ដាក់ខ្លួនឯងក្នុងស្ថានភាពលំបាកម្តងហើយម្តងទៀត។ ដូចគ្នានឹងការរៀនបើកបរឡានបន្តិចម្តងៗ អ្វីដែលធ្លាប់ធ្វើឲ្យអ្នកភ័យខ្លាចក្លាយជាទម្លាប់។

២) ធ្វើដំណើរឲ្យបានញឹកញាប់តាមដែលអ្នកអាចធ្វើបាន
ការធ្វើដំណើរមិនចាំបាច់ទាល់តែហោះហើរទៅផ្នែកម្ខាងទៀតនៃពិភពលោកនោះទេ។ អត្ថប្រយោជន៍នៃការធ្វើដំណើរអាចមកពីអ្វីដែលសាមញ្ញដូចជាការធ្វើដំណើរចុងសប្តាហ៍ទៅតំបន់ជនបទ ឬតំបន់ផ្សេងៗទៀតតាមតែអ្នកអាចធ្វើបាន។

ការធ្វើដំណើរមិនត្រឹមតែធ្វើឲ្យអ្នកបានជួបមនុស្សថ្មី វប្បធម៌ថ្មី និងបទពិសោធន៍ថ្មីៗប៉ុណ្ណោះទេវាថែមទាំងជួយអ្នកឲ្យរីកចម្រើនក្នុងនាមជាមនុស្សម្នាក់ដោយរំលឹកអ្នកថាមានជីវិតជាច្រើនកំពុងកើតឡើងនៅខាងក្រៅខ្លួនរបស់អ្នក។

៣)​ អនុវត្តការចងចាំ
អ្វីដែលទទួលបានបន្ទុកនៃការផ្ចង់អារម្មណ៍ខ្លាំងកម្រនឹងបំពេញតាមការរំពឹងទុករបស់ពួកគេនោះគឺការចងចាំ។ ការចងចាំមានប្រសិទ្ធិភាពបំផុតនៅពេលដែលវាត្រូវបានអនុវត្តជារៀងរាល់ថ្ងៃសូម្បីតែរយៈពេលដប់នាទីក៏ដោយ។ អង្គុយប្រកបដោយផាសុកភាពហើយគ្រាន់តែយកចិត្តទុកដាក់ចំពោះបរិយាកាសជុំវិញ និងគំនិតរបស់អ្នក។ ស្តាប់មើលទៅហាក់ដូចជាសាមញ្ញប៉ុន្តែមានប្រសិទ្ធភាពមិនគួរឲ្យជឿ។

៤) រស់ក្នុងបច្ចុប្បន្នភាព
ការរស់នៅក្នុងអតីតកាល ឬអនាគតកាលជាកន្លែងដែលមនុស្សភាគច្រើនរងទុក្ខវេទនា។ ជារឿយៗវាមានការសោកស្តាយចំពោះអ្វីដែលអ្នកគួរធ្វើ ឬព្រួយបារម្ភអំពីអ្វីដែលអ្នកត្រូវធ្វើដែលនាំឲ្យមានអារម្មណ៍អវិជ្ជមានដែលមិនចាំបាច់។

វាងាយស្រួលក្នុងការភ្លេចថាអ្នកគ្រាន់តែរស់នៅក្នុងពេលបច្ចុប្បន្នប៉ុណ្ណោះ។ រាល់ការគិតនិងបទពិសោធន៍ដែលអ្នកធ្លាប់មានគឺត្រូវធ្វើនៅក្នុងពេលបច្ចុប្បន្ននេះ។

៥) បរិភោគដើម្បីសុខភាព ៨០%, រីករាយ ២០%
អ្ន​កឯកទេសខាងចំណីអាហារបានបញ្ជាក់ពីរបបអារហាថា ៨០% គួរតែពិសារអាហារណាដែលជួយដល់សុខភាព ឬអ្នកមិនចូលចិត្ត ហើយ ២០% នោះគឺអាហាររីករាយ។ នេះគឺជាគោលដៅជីវិត និងរបបអាហារដ៏អស្ចារ្យមួយដែលត្រូវមាន និងរស់នៅ។

៦) ពិសារទឹកឲ្យបានច្រើនជាងអ្វីផ្សេងទៀត
ទោះបីជាអ្នកពិសារការហ្វេ ប្រូតេអ៊ីន តែរុក្ខជាតិ ជាតិនីកូទីន ដើម្បីធ្វើឲ្យអ្នកមានផលិតភាពច្រើនក្នុងរាងកាយ ប៉ុន្តែវាចាំបាច់ណាស់ក្នុងការពិសារទឹក។ ពាក់កណ្តាលនៃរាងកាយរបស់អ្នកដែលបង្កើតឡើងដោយទឹកយ៉ាងហោចណាស់ទទួលទានឲ្យបានពីរបីកែវក្នុងមួយថ្ងៃគឺចាំបាច់សម្រាប់សុខុមាលភាពទូទៅរបស់អ្នក។ ជាពិសេសនៅពេលដែលរាងកាយរបស់អ្នកប្រើប្រាស់ទឹកនៅក្នុងកោសិកាសរីរាង្គ និងជាលិកាទាំងអស់របស់វានិងតួនាទីដែលវាដើរតួក្នុងដំណើរការសំខាន់ៗជាច្រើនទៀត។

៧) ផ្តល់អាទិភាពដល់ការគេង
ការគេងត្រូវបានបង្ហាញថាធ្វើឲ្យប្រសើរឡើងនូវការរៀនសូត្រ កាត់បន្ថយហានិភ័យនៃជំងឺធ្លាក់ទឹកចិត្ត និងមានផលិតភាពកាន់តែច្រើន ហើយសូម្បីតែការគេងក៏ត្រូវបានបង្ហាញថាជាមធ្យោបាយដ៏ល្អមួយដើម្បីប្រឆាំងនឹងផលប៉ះពាល់មួយចំនួននៃការគេងមិនល្អ។ ទាំងនេះគ្រាន់តែជាអត្ថប្រយោជន៍មួយចំនួននៃការគេង។

៨)​ សរសេរជារៀងរាល់ថ្ងៃ
នេះជាគោលដៅមួយក្នុងចំណាមគោលដៅក្នុងជីវិតដែលវាហាក់ដូចជាធម្មតាមិនមានអ្វីស្មុកស្មាញឡើយ។ សកម្មភាពក៏ដូចជាទង្វើនៃការសរសេរនេះជួយអ្នកឲ្យទាំងបញ្ជាក់ និងរៀបចំគំនិតរបស់អ្នក។ អ្នកគ្រាន់តែរក្សាក្រដាសតូចមួយ និងប៊ិចនៅជាមួយអ្នកគ្រប់ទីកន្លែងដែលអ្នកទៅ។ អង្គុយហើយសរសេររឿងរបស់អ្នក ឬសរសេរគំនិតខ្លះៗអំពីការបណ្តាក់ទុកអាជីវកម្ម។ ទោះបីជាអ្នកគ្រាន់តែព្យាយាមគោលដៅនេះក្នុងរយៈពេលខ្លីក៏ដោយអ្នកនឹងរៀនបានច្រើនអំពីរបៀបដែលអ្នកអាចច្នៃប្រឌិតបាន។

៩) សរសេរគំនិតឲ្យបាន ១០ ក្នុងមួយថ្ងៃលើប្រធានបទណាមួយ
គំនិតនេះគឺសាមញ្ញដោយសរសេរចុះនូវគំនិតចំនួន ១០ ជាប្រចាំថ្ងៃតែអ្នកអាចផ្លាស់ប្តូរភាពច្នៃប្រឌិតរបស់អ្នកបានកាន់តែច្រើន ហើយរឿងទាំងអស់នេះវាកម្រនឹងត្រូវបានគេបង្ខំឲ្យធ្វើណាស់។ ប្រធានបទសម្រាប់ថ្ងៃនេះអាចជាគំនិតសម្រាប់សរសេរសៀវភៅ ឬគំនិតសម្រាប់ផលិតភាពកាន់តែច្រើន ឬសូម្បីតែអ្វីដែលឆ្កួតៗ ដូចជាគំនិតអំពីអ្វីដែលអ្នកនឹងចំណាយប្រាក់ ១ លានដុល្លារ។ ប្រធានបទមិនសំខាន់ទេ អ្វីដែលសំខាន់នោះគំនិតដែលអ្នកបានសរសេរ ដំបូងប្រហែលបានតែ ៥ ៦ គំ​និតប៉ុណ្ណោះ ប៉ុន្តែកុំបោះបង់ព្រោះនេះជាគោលដៅដែលក្លាយជាមានតម្លៃបំផុត។

១០) រៀននិយាយពាក្យសុំទោស
ទន្ទឹមនឹងពាក្យថា “ខ្ញុំស្រលាញ់អ្នក” ការនិយាយពាក្យសុំទោសគឺជាឃ្លាមួយដែលពិបាកនិយាយបំផុតនៅក្នុងស្ថានមួយដែលយើងគិតខ្មាស់អៀន។ មានមនុស្សជាច្រើនមានអារម្មណ៍ថាខ្មាស់អៀនខ្លាំងណាស់នៅពេលពាក្យសុំទោសត្រូវបាចលេចចេញពីមាត់ពួកគេ។ វាហាក់ដូចជាគោលដៅតូចតាចដែលមាននៅក្នុងជីវិតត្រូវមាន​អត់ពុំបាន ព្រោះគ្មានពេលណាមួយអ្នកមិនត្រូវបានប្រព្រឹត្តិខុសនោះទេ ហើយបើប្រព្រឹត្តិខុស គ្រាន់តែសុំទោសវាអាចមិនខាតអ្វីនោះទេ។ ហ្វឹកហាត់វាឲ្យក្លាយជាសិល្បៈមួយផ្នែកក្នុងជីវិតរបស់អ្នក។

១១) ចាប់ផ្តើមហៅទូរស័ព្ទ ឬផ្ញើសារទៅនរណាម្នាក់ដែលអ្នកខានបានទាក់ទងទៅមួយខែ
ទាក់ទងទៅពួកគេទាំងនោះមិនថាគ្រួសារ​ បងប្អូន មិត្តភក្ភិ ឬមនុស្សដែលអ្នកធ្លាប់បានស្គាល់ ចាប់ផ្តើមដោយការផ្ញើសារជាសំឡេង ហៅទូរស័ព្ទ ឬក៏ប្រើប្រាស់បច្ចេកវិទ្យាទំនើបៗដែលអាចមើលក្នុងគ្នាឃើញជាដើម។ ជីវិតយើងមិនដឹងថាអាចរស់នៅដល់ពេលណាទេ ដូច្នេះគួរតែចំណាយពេលខ្លះជាមួយពួកគេទោះបីជាមួយខែបានត្រឹមតែ ២ ទៅ៣ ដងក៏ដោយ។ គោលដៅមួយនេះនឹ​ងធ្វើឲ្យអ្នកអាចរក្សាទំនាក់ទំនងបានកាន់តែគង់វង្សយូរអង្វែ​ង។

១២) រក្សាឲ្យបាននូវតុល្យភាពនៃជីវិតការងារ
ឈប់យល់ច្រឡំទៀតទៅការងារ និងជីវិតវាមិនដូចគ្នាទេ។ ការងារគ្រាន់តែជាផ្នែកមួយនៃជីវិតតែប៉ុណ្ណោះ ជាធម្មតាសកម្មភាពដែលបានធ្វើគ្រាន់តែដើម្បីរកលុយ។ ទោះជាយ៉ាងណាក៏ដោយវាមានច្រើនណាស់សម្រាប់ជីវិតក្រៅពីការងារ។ ទំនាក់ទំនង មិត្តភាព ចំណូលចិត្ត សុខភាព និងទិដ្ឋភាពជាច្រើនទៀតគឺសំខាន់ណាស់ជារឿយៗត្រូវបានគេធ្វេសប្រហែសនៅពេលប្រឈមមុខនឹងការងារ។ វាគឺជាគោលដៅមួយទៀតដ៏ថ្លៃថ្នូនៅក្នុងជីវិតដើម្បីកំណត់ការងាររបស់អ្នកហើយឆ្លៀតពេលសម្រាប់គ្រប់ផ្នែកចាំបាច់ទាំងអស់នៃជីវិតផងដែរ។

១៣) ផ្សព្វផ្សាយគំនិតរបស់អ្នកជាមួយពិភពលោក
ទោះបីជាអ្នកដឹងឬមិនទាន់ដឹងក៏ដោយក៏ពិភពលោកត្រូវការអ្នក។ វាត្រូវការគំនិតភាពរីករាយនិងទស្សនៈពិសេសរបស់អ្នកលើបទពិសោធន៍របស់មនុស្ស។ ខណៈពេលដែលមនុស្សជាច្រើនគិតថាពួកគេធ្វើបានល្អដោយរក្សាគំនិតខ្លួនឯង ពួកគេពិតជាធ្វើអ្វីដែលមិនពេញចិត្តចំពោះមនុស្សគ្រប់គ្នាដែលនឹងទទួលបានអត្ថប្រយោជន៍ពីសំឡេងរបស់ពួកគេ។

គោលដៅនៃការប្រាស្រ័យទាក់ទងរបស់អ្នកមិនចាំបាច់បង្ហាញនៅលើវេទិកាក៏បាន គ្រាន់តែបង្ហាញគំនិតទៅមិត្តរបស់អ្នកក៏ជាការចាប់ផ្តើមដ៏អស្ចារ្យមួយដែរ។ គោលដៅដ៏អស្ចារ្យមួយគឺគ្រាន់តែបង្ហាញឲ្យឃើញកាន់តែច្បាស់អំពីគំនិត និងយោបល់របស់អ្នកដើម្បីទទួលយកគំនិតបន្ថែមពីអ្នកដទៃ។ ដូច្នេះការចាប់ផ្តើមប្លក់ឬវីដេអូផ្ទាល់ខ្លួនគឺជាវិធីល្អបំផុតមួយក្នុងការធ្វើ។

ដោយ៖ Anthony Arthur