មេដឹកនាំប្រទេសបេឡារុស្ស បានចាប់ផ្តើមដោះលែងអ្នកជាប់ឃុំរាប់ពាន់នាក់និងបានចេញការសុំទោសជាសាធារណៈដ៏កម្រមួយកាលពីថ្ងៃព្រហស្បតិ៍ ក្នុងគោលបំណងដើម្បីបង្ក្រាបការតវ៉ាតាមដងផ្លូវទូទាំងប្រទេសដែលបង្កជាបញ្ហាប្រឈមធំបំផុតចំពោះការគ្រប់គ្រងរយៈពេល ២៦ ឆ្នាំរបស់លោកប្រធានាធិបតី អេឡិចស៊េឌ័រ លូកាសេនកូ (Alexander Lukashenko) នេះបើយ៉ោងតាមប្រភព រ៉យទ័រ ពីទីក្រុងMINSK។

យ៉ាងហោចណាស់អ្នកតវ៉ាពីរនាក់បានស្លាប់និងប្រហែល ៦.៧០០ នាក់ត្រូវបានឃុំខ្លួនក្នុងសប្តាហ៍នេះនៅក្នុងការបង្ក្រាបមួយបន្ទាប់ពីការបោះឆ្នោតឡើងវិញរបស់លោក Lukashenko ដែលបានជំរុញឱ្យលោកខាងលិចពិចារណាលើការដាក់ទណ្ឌកម្មថ្មីលើទីក្រុង Minsk ។

អ្នកតវ៉ាខ្លះមានស្នាមជាំហើយបានពិពណ៌នាថា ត្រូវបានបញ្ជូនទៅដាក់ឃុំឃាំងក្នុងពន្ធធនាគារ និងបានតវ៉ាដល់ការដាក់ទោស ហើយត្អូញត្អែរពីការធ្វើបាប។ អនុរដ្ឋមន្រ្តីក្រសួងមហាផ្ទៃ អេឡិចស៊េឌ័រ បាស៊ូកូវ(Alexander Barsukov) បានបដិសេធថាអ្នកទោសត្រូវបានគេរំលោភបំពានហើយបាននិយាយថាអ្នកជាប់ឃុំទាំងអស់នឹងត្រូវបានដោះលែងនៅព្រឹក។

ការដោះលែងអ្នកជាប់ឃុំឃាំងនិងសំលេងត្រេកអរដែលត្រូវបានប្រើដោយមន្ត្រីកំពូលៗពីររូប បានគូសបញ្ជាក់ពីភាពងាយរងគ្រោះនៃការកាន់កាប់របស់លុកាហ្សេនកូ ចំពោះប្រទេសជិតខាងរបស់រុស្ស៊ីដោយមើលឃើញថាជាសតិបណ្ដោះអាសន្នប្រឆាំងនឹងណាតូនិងសហភាពអឺរ៉ុប។

រដ្ឋមន្រ្តីក្រសួងកិច្ចការផ្ទៃក្នុងលោក យូរីខារ៉ាយ( Yuri Karayev) បានមានប្រសាសន៍ថា «ខ្ញុំទទួលខុសត្រូវនិងសុំទោសចំពោះការរងរបួសរបស់មនុស្ស ដែលកើតឡើងដោយចៃដន្យក្នុងការប៉ះទង្គិចគ្នានៅពេលតវ៉ា»។

ប៉ុន្តែសម្ព័ន្ធមិត្តប្រធានាធិបតីមួយរូបទៀតគឺប្រធានក្រុមប្រឹក្សារដ្ឋជាតិ លោកណាតាលីយ៉ាកូកូហាវ៉ាវ៉ា បាននិយាយកាលពីថ្ងៃព្រហស្បតិ៍ថាលោកលុកាហ្សេនកូ បានបញ្ជាឱ្យពិនិត្យជាបន្ទាន់នូវការឃុំខ្លួននេះ។

លោកស្រីបាននិយាយថា «យើងមិនប្រយុទ្ធទេយើងមិនត្រូវការសង្គ្រាមទេ» ។

មនុស្សរាប់រយនាក់នៃមិត្តភក្តិនិងសាច់ញាតិអ្នករងគ្រោះដែលភាគច្រើននៃពួកគេបានស្រក់ទឹកភ្នែកបានឈរនៅខាងក្រៅមណ្ឌលឃុំឃាំងមួយក្នុងទីក្រុង Minsk រង់ចាំការផ្តល់អាហារទឹកនិងភួយដល់ប្រជាជនដែលកំពុងជាប់ឃុំ ហើយរងចាំការដោះលែងថ្ងៃសុក្រនេះ។

ខ្សែអាត់បង្ហាញថាពួកគេស្រែកច្រៀង «ការបោះឆ្នោត» និង «ទៅឆ្ងាយ»។ ប្រព័ន្ធផ្សព្វផ្សាយក្នុងស្រុកក៏បានរាយការណ៍អំពីការតវ៉ានៅឯក្រុមហ៊ុនផលិតឧបករណ៍ដឹកទំនិញតាមរទេះភ្លើង និងធ្វើចលនាលើផ្លូវគោករបស់រដ្ឋ បេឡារុស្ស(BelAZ) នៅភាគឥសាននៃទីក្រុង មីន (Minsk) និងនៅរោងចក្រគីមី Grodno Azot ។

ក្រុមអ្នកតវ៉ាបានបង្កើតជាហ្វូងមនុស្សបន្តគ្នា (ជាច្រវ៉ាក់) ហើយបានដើរដង្ហែរក្បួននៅក្នុងរដ្ឋធានីដែលគាំទ្រដោយអ្នកបង្ហាញទូរទស្សន៍យ៉ាងហោចណាស់ ១០ នាក់ និងអ្នកយកព័ត៌មានពីប្រព័ន្ធផ្សព្វផ្សាយរដ្ឋដែលគ្រប់គ្រងយ៉ាងតឹងរ៉ឹងដែលបានលាលែងពីសាមគ្គីភាព៕

ដោយ៖ ស្រីណា