លោកនាយករដ្ឋមន្រ្តីលោក ប្រាយុធ ចានអូចា Prayut Chan-o-cha កាលពីថ្ងៃអង្គារបាននិយាយថា លោកគ្មានការជំទាស់នឹងការធ្វើវិសោធនកម្មរដ្ឋធម្មនុញ្ញទេ ដោយនិយាយថាការធ្វើវិសោធនកម្មនេះនៅតែស្ថិតក្នុងបញ្ជីអាទិភាពរបស់រដ្ឋាភិបាលរបស់លោកចាប់តាំងពីបានចូលកាន់តំណែង។

លោកបានបញ្ជាក់ពីចំណុចនេះនៅក្នុងសន្និសីទសារព័ត៌មានមួយ ដែលធ្វើឡើងបន្ទាប់ពីកិច្ចប្រជុំគណៈរដ្ឋមន្រ្តីចល័តនៅ រ៉ាក់យ៉ង។

លោកបានមានប្រសាសន៍ថា «រដ្ឋាភិបាលគាំទ្រផែនការនេះដើម្បីរៀបចំសវនាការសាធារណៈស្តីពីការធ្វើវិសោធនកម្មដែលបានស្នើឡើងដើម្បីទទួលបានគំនិតកាន់តែប្រសើរថា តើផ្នែកណាមួយនៃរដ្ឋធម្មនុញ្ញត្រូវផ្លាស់ប្តូរនិងកំណត់គោលការណ៍ស្នូលដែលនឹងដឹកនាំដំណើរការវិសោធនកម្មកែប្រែឡើងវិញ»។

លោកនាយករដ្ឋមន្ត្រី ប្រាយុទ្ធ បាននិយាយថា ការកែលម្អរបស់រដ្ឋាភិបាលនិងគណបក្សចម្រុះកំពុងធ្វើការលើសំណើធ្វើវិសោធនកម្មផ្ទាល់ខ្លួន។

ទន្ទឹមនឹងនេះ ប្រធានក្រុមគណបក្សប្រឆាំងនិងជាសមាជិកសភានៃគណបក្ស ភឿ ថៃ (Pheu Thai MP) លោកម៉ាហា សារ៉ាម(Maha Sarakham) និង លោក ស៊ូថុន ក្លាងសេង (Sutin Klungsang) បានច្រានចោលសេចក្តីរាយការណ៍របស់ប្រព័ន្ធផ្សព្វផ្សាយថា គណបក្សរបស់លោកមានទំនាស់ជាមួយដៃគូសំខាន់ដែលជាគណបក្សប្រឆាំងគឺគណបក្ស «ឆ្ពោះទៅមុខ» ដោយមានមតិខុសគ្នាលើការធ្វើវិសោធនកម្មរដ្ឋធម្មនុញ្ញនិងបំណងចុងក្រោយដើម្បីរដ្ឋាភិបាលនៅក្នុងសភា។

លោកបានមានប្រសាសន៍ថា បន្ទាប់ពីមានការធ្វើវិសោធនកម្មលើរដ្ឋធម្មនុញ្ញគួរតែត្រូវបានផ្លាស់ប្តូរនៅពេលនេះ ការបង្កើតសេចក្តីព្រាងរដ្ឋធម្មនុញ្ញថ្មី [CDA] គួរតែត្រូវបានបង្កើតឡើង ដែលបន្ទាប់មកនឹងថែរក្សានូវដំណើរការផ្សេងទៀត ស្តីពីធ្វើវិសោធនកម្មធម្មនុញ្ញនេះ។

បន្ទាប់ពីកិច្ចប្រជុំនេះលោក Rangsiman Rome សមាជិកសភា នៃគណបក្ស «ចលនាឆ្ពោះទៅមុខ» បាននិយាយថាគណបក្ស ភឿ ថៃ នៅតែមិនទាន់បានផ្តល់ចម្លើយច្បាស់លាស់ចំពោះសំណួររបស់លោកថា «តើគណបក្សនេះគាំទ្រផែនការរបស់ចលនាទៅមុខដើម្បីធ្វើវិសោធនកម្មមាត្រា ២៧២ នៃធម្មនុញ្ញដែលទាក់ទងនឹងអំណាចរបស់សមាជិកព្រឹទ្ធសភាដែរឬទេដើម្បីបោះឆ្នោតជ្រើសរើសនាយករដ្ឋមន្ត្រី»។

កាលពីថ្ងៃច័ន្ទលោក Rangsiman បាននិយាយចំអកដល់គណបក្ស ភឿ ថៃ អំពីជំហររបស់ខ្លួនស្តីពីការធ្វើវិសោធនកម្មរដ្ឋធម្មនុញ្ញនិងចេតនាឆ្ពោះទៅមុខដើម្បីស្វែងរកការជជែកដេញដោលប្រឆាំងនឹងរដ្ឋាភិបាល។

លោក Pradoemchai Bunchuayluea សមាជិកសភានៃគណបក្ស ភឿ ថៃ ប្រចាំទីក្រុងបាងកកបាននិយាយថាគណបក្ស «ចលនាឆ្ពោះទៅមុខ» គួរតែសួរខ្លួនឯងថា តើវាធ្លាប់បានស្តាប់ការផ្តល់យោបល់របស់ភឿថៃដែរឬទេ។

អត្ថបទ៖ ស្រីណា

ប្រភព៖ BangKok Post

ចេញផ្សាយ៖ថ្ងៃទី២៦ ខែសីហា ឆ្នាំ២០២០