មានមនុស្ស ២៨.២៧៧នាក់ ត្រូវបានបញ្ជាក់ថាបានស្លាប់ដោយសារ Covid-១៩ ឬ ៨៦,២ ក្នុងចំណោមប្រជាជន ១០០,០០០ របស់ប្រទេសប៉េរូបានកើនឡើងលើសបែលហ្ស៊ិកដែលជាប្រទេសមានជនរងគ្រោះច្រើនជាងគេបំផុត។ វាបានកើតឡើងមួយសប្តាហ៍បន្ទាប់ពីប្រទេសអាមេរិកខាងត្បូងដែលមានចំនួន ៣៣ លាននាក់ ហើយវាក៏បានចុះផ្សាយពីការធ្លាក់ចុះសេដ្ឋកិច្ចដ៏ខ្លាំងបំផុតរបស់ពិភពលោកនៅត្រីមាសទី២ បន្ទាប់ពីមានការធ្លាក់ចុះយ៉ាងខ្លាំង។

នេះបើយោងតាមការចេញផ្សាយពីគេហទំព័រ Bloomberg កាលពីថ្ងៃទី ២៨ ខែសីហា ឆ្នាំ២០២០។ 

ប្រាំខែជាងបន្ទាប់ពីបានរាយការណ៍ពីករណីដំបូងរបស់ខ្លួន ប្រទេសប៉េរូមានការរីករាលដាលដ៏អាក្រក់បំផុតមួយនៅលើពិភពលោកដោយវិធានការផ្សេងទៀតផងដែរ។ ក្នុងរយៈពេល ៧ថ្ងៃ កន្លងមកនេះមិនមានប្រទេសណាមួយបានចុះផ្សាយករណីបន្ថែមទៀតទេ។ ប៉េរ៉ូ ក៏ស្ថិតក្នុងចំណោមប្រទេសដែលមានអ្នកស្លាប់ច្រើនបំផុតដោយចំនួនប្រជាជនក្នុងសប្តាហ៍កន្លងទៅនេះ។

ការសិក្សារបស់រដ្ឋាភិបាលដែលបានចេញផ្សាយកាលពីខែមុនបានបង្ហាញថា ការផ្ទុះឡើងនូវជំងឺកូវីដ-១៩នេះគឺអាក្រក់ខ្លាំងណាស់ដែលចំនួនប្រជាជនប្រមាណ ១២លាននាក់របស់ក្រុងលីម៉ា ប្រទេសប៉េរ៉ូ ប្រហែលជាមានផ្ទុកវីរុសនេះរួចហើយ។ ក្រុមមន្រ្តីព្រមានថា ចំនួនអ្នកស្លាប់ពិតប្រាកដរបស់ប្រទេសនេះអាចមានចំនួនជិតទ្វេដងនៃតួលេខផ្លូវការ។

ទោះយ៉ាងណា មានសញ្ញាមួយដែលប្រទេសប៉េរូអាចនឹងឆ្លងផុតពីការឆ្លងរាលដាលដ៏អាក្រក់បំផុត ខណៈពេលដែលប្រទេសនេះបានរាយការណ៍ថាមានអ្នកស្លាប់ចំនួន ១៥៣ នាក់កាលពីថ្ងៃព្រហស្បតិ៍ ចំនួនអ្នកជំងឺនៅមន្ទីរពេទ្យបានធ្លាក់ចុះ ៩,២% ពីកម្រិតកំពូលដែលបានឈានដល់ ១០ ថ្ងៃមុន។

ទោះបីជា ប្រទេសនេះបានដាក់វិធានការក្នុងការនៅដាច់ដោយឡែកទូទាំងប្រទេសឱ្យទាន់ពេលវេលានិងខ្លាំងក្លាក៏ដោយក៏រដ្ឋាភិបាលនៅតែបន្តតស៊ូដើម្បីគ្រប់គ្រងនៃការផ្ទុះឡើងនៃជំងឺនេះ។ ករណីនានាបានកើនឡើងបន្ទាប់ពីវិធានការណ៍នៅដាច់ដោយឡែកពីគ្នាំត្រូវបានបន្ធូរបន្ថយនៅក្នុងខែកក្កដា ដែលបានហាមឃាត់ ការជួបជុំសង្គម និងក្រុមគ្រួសារហើយក៏ពន្យារពេលផែនការសម្រាប់ការបើកសេដ្ឋកិច្ចឡើងវិញ។

ដោយ៖ ស្រីណា