រដ្ឋាភិបាលឥណ្ឌាកាលពីថ្ងៃទី ១ ខែកញ្ញាបានហាមឃាត់កម្មវិធីទូរស័ព្ទចិនចំនួន ១១៨ បន្ថែមទៀតរួមទាំងហ្គេមដ៏មានប្រជាប្រិយតាមអ៊ិនធឺរណែត PUBGផងដែរ។

ក្រសួងព័ត៌មាននិងវិទ្យុឥណ្ឌា (I&B) បានចេញសេចក្តីជូនដំណឹងមួយទាក់ទងនឹងបញ្ហានេះដោយបញ្ជាក់ថា«កម្មវិធីទាំងនេះរួមបញ្ចូលទាំងសកម្មភាពនានាដែលធ្វើឱ្យប៉ះពាល់ដល់អធិបតេយ្យភាពនិងបូរណភាពទឹកដីរបស់ប្រទេសឥណ្ឌា ក្នុងការការពារសន្តិសុខក្នុងរដ្ឋេបស់ប្រទេសឥណ្ឌា   និងសណ្តាប់ធ្នាប់សាធារណៈ»។ សេចក្តីប្រកាសបានបន្ថែមទៀតថាកម្មវិធីហាមឃាត់ទាំងនោះរួមមាន Baidu, Baidu Express Edition, Tencent Watchlist, FaceU, WeChat Reading និង Tencent Weiyun ក្រៅពី PUBG Mobile និង PUBG Mobile Lite ។

យោងតាមរបាយការណ៍បានអោយដឹងថាមានអ្នកលេង PUBG សកម្មជិត ៣៣លាននាក់នៅក្នុងប្រទេសឥណ្ឌា ដែលធ្វើឱ្យវាក្លាយជាកម្មវិធីមួយដែលពេញនិយមបំផុត។នេះបើតាមរបាយការណ៍របស់ PUBG មានអ្នកប្រើប្រាស់ ១៣ លាននាក់ក្នុងមួយថ្ងៃ។

ក្រសួងអេឡិចត្រូនិចនិងបច្ចេកវិទ្យាព័ត៌មាន បានទទួលពាក្យបណ្តឹងជាច្រើនពីប្រភពផ្សេងៗគ្នារាប់បញ្ចូលទាំងរបាយការណ៍អំពីការប្រើប្រាស់កម្មវិធីទូរស័ព្ទមិនត្រឹមត្រូវមួយចំនួន ដែលមាននៅលើប្រព័ន្ធប្រតិបត្តិការ Android និងប្រព័ន្ធប្រតិបត្តិការ iOS។ពាក្យបណ្តឹងនេះបានចោទប្រកាន់ថា«បានលួចនិងបញ្ជូនទិន្នន័យរបស់អ្នកប្រើប្រាស់ដោយគ្មានការអនុញ្ញាតទៅម៉ាស៊ីនមេ ដែលអាចមានទីតាំងនៅខាងក្រៅប្រទេសឥណ្ឌា»។

សេចក្តីថ្លែងការណ៍នោះបាននិយាយថា“ការចងក្រងទិន្នន័យទាំងនេះ ការធ្វើអាជីវកម្មរ៉ែ និងការជ្រៀតជ្រែកដោយធាតុនានា ធ្វើឱ្យប៉ះពាល់ដល់សន្តិសុខជាតិ និងការពារជាតិរបស់ឥណ្ឌា ដែលទីបំផុតបានធ្វើឱ្យប៉ះពាល់ដល់អធិបតេយ្យភាព និងបូរណភាពរបស់ឥណ្ឌា គឺជាបញ្ហាដែលមានការព្រួយបារម្ភយ៉ាងខ្លាំងនិងត្រូវការវិធានការបន្ទាន់”។

មជ្ឈមណ្ឌលសម្របសម្រួលឧក្រិដ្ឋកម្មអ៊ិនធឺណេតឥណ្ឌា ស្ថិតនៅក្រោមក្រសួងមហាផ្ទៃ ក៏បានផ្ញើអនុសាសន៍សម្រាប់រារាំងកម្មវិធីចម្រូងចម្រាសទាំងនេះ។ នៅក្នុងទីសាធារណៈផង ដែរមានតម្រូវការយ៉ាងខ្លាំងដើម្បីចាត់វិធានការយ៉ាងម៉ឺងម៉ាត់ប្រឆាំងនឹងកម្មវិធីទូរស័ព្ទ ដែលធ្វើឱ្យប៉ះពាល់ដល់អធិបតេយ្យភាពរបស់ឥណ្ឌា ក៏ដូចជាភាពឯកជនរបស់ពលរដ្ឋ។

ការផ្លាស់ប្តូរនេះក៏ការពារផលប្រយោជន៍របស់អ្នកប្រើប្រាស់អ៊ីនធឺណេតចល័តផងដែរ។សេចក្តីថ្លែងការណ៍បាននិយាយថា«ការសម្រេចចិត្តនេះ គឺជាគោលដៅមួយដែលមានគោលបំណងដើម្បីធានាសុវត្ថិភាពសន្តិសុខ និងអធិបតេយ្យភាពនៃលំហរអាកាសតាមអ៊ិនធរណេតរបស់ឥណ្ឌា»។

មជ្ឈមណ្ឌលសម្របសម្រួលឧក្រិដ្ឋកម្មអ៊ិនធឺណេតឥណ្ឌា បានប្រកាសកម្មវិធីចិនចំនួន ៥៩ ដូចជា TikTok, UC Browser និង WeChat ថ្ងៃបន្ទាប់ពីមានជម្លោះដ៏សាហាវរវាងទាហានឥណ្ឌានិងចិននៅជ្រលងភ្នំហ្គាវ៉ាននៅភាគខាងកើត Ladakh តាមបណ្តោយបន្ទាត់នៃការគ្រប់គ្រងជាក់ស្តែង (LAC) កាលពីខែមិថុនាឆ្នាំនេះ។

អត្ថបទ៖ស្រីណា

ប្រភព៖Vietnam Times