នៅទូទាំងពិភពលោក រដ្ឋាភិបាលសង្ឃឹមថានឹងមានប្រកាសវ៉ាក់សាំង Covid-19 ឱ្យបានឆាប់តាមដែលអាចធ្វើទៅបាន បន្ទាប់ពីមនុស្សជិត ៨៧០.០០០ នាក់បានស្លាប់។

អង្គការសុខភាពពិភពលោកបាននិយាយថាខ្លួនស្វាគមន៍ចំពោះ ចំនួនដ៏ច្រើនសន្ធឹកសន្ធាប់នៃបេក្ខជនវ៉ាក់សាំង ដែលបានឈានដល់ដំណាក់កាលចុងក្រោយនៃការសាកល្បងដំណាក់កាលទី ៣។

អង្គការសុខភាពពិភពលោកបាននិយាយនៅថ្ងៃសុក្រនេះថា «ខ្លួនមិនរំពឹងថានឹងមានការចាក់វ៉ាក់សាំងការប្រឆាំងនឹងមេរោគកូវីដ-១៩ថ្មីនេះរហូតដល់ពាក់កណ្តាលឆ្នាំ២០២១ ទោះបីជាមានការរំពឹងទុកអំពីការកើនឡើងនៅសហរដ្ឋអាមេរិក និងលើសពីនេះវ៉ាក់សាំងមួយអាចត្រូវបានបញ្ចេញក្នុងរយៈពេលប៉ុន្មានសប្តាហ៍ក៏ដោយ។

នៅទូទាំងពិភពលោក រដ្ឋាភិបាលសង្ឃឹមថានឹងមានការប្រកាសអំពីវ៉ាក់សាំងឱ្យបានឆាប់តាមដែលអាចធ្វើទៅបាននិងចាប់ផ្តើមព្យាបាលជំងឺ Covid-19 ដែលបានសម្លាប់មនុស្សជិត ៨៧០.០០០នាក់ និងបានចម្លងដល់ជាង ២៦ លាននាក់។

ទីភ្នាក់ងារសុខាភិបាល UN បាននិយាយថា«បេក្ខជនចាក់វ៉ាក់សាំងមានចំនួនច្រើនបានឈានដល់ដំណាក់កាលចុងក្រោយនៃការសាកល្បងដំណាក់កាលទី ៣ ដែលមានការចូលរួមសាកល្បងពីមនុស្សរាប់ម៉ឺននាក់»។

អ្នកនាំពាក្យរបស់អង្គការសុខភាពពិភពលោកលោកស្រី Margaret Harris បានប្រាប់អ្នកយកព័ត៌មាននៅទីក្រុងហ្សឺណែវ ថា“ យើងដឹងថាយ៉ាងហោចណាស់ពី ៦ទៅ៩ ដែលបានដកខ្លួនពីការស្រាវជ្រាវនេះ” ។

ទោះយ៉ាងណា លោកស្រីបានសង្កត់ធ្ងន់ថា“ បើនិយាយអំពីពេលវេលាកំណត់ជាក់ស្តែង យើងពិតជាមិនអាចរំពឹងថានឹងមានវ៉ាក់សាំងការពារជំងឺកូវីដ-១៩រហូតដល់ពាក់កណ្តាលឆ្នាំក្រោយទេ” ។

តាមនីតិវិធីធម្មតា អ្នកធ្វើតេស្ត៍តេស្តត្រូវរង់ចាំរាប់ខែឬច្រើនឆ្នាំ ដើម្បីបញ្ជាក់ថាបេក្ខជនចាក់វ៉ាក់សាំងមានសុវត្ថិភាពនិងប្រសិទ្ធភាព។

ប៉ុន្តែនៅពេលដែលជំងឺកូវីដ-១៩នៅតែបន្តកើតមានយ៉ាងគំហុក វាធ្វើអោយមានសម្ពាធយ៉ាងខ្លាំងក្នុងការស្វែងរកវ៉ាក់សាំងឱ្យបានឆាប់រហ័ស។

វាត្រូវបានគេបង្ហាញឱ្យដឹងនៅសប្តាហ៍នេះថាទីក្រុងវ៉ាស៊ីនតោន បានជំរុញឱ្យរដ្ឋអាមេរិកត្រៀមខ្លួនសម្រាប់វ៉ាក់សាំងការពារមេរោគដែលអាចនឹងកើតមាននៅថ្ងៃទី ១ ខែវិច្ឆិកា ឆ្នាំ២០២០ ដែលបង្កឱ្យមានការព្រួយបារម្ភថារដ្ឋបាលរបស់ប្រធានាធិបតី ដូណាល់ ត្រាំ កំពុងប្រញាប់ប្រញាល់ចាប់ផ្តើមចែកចាយវ៉ាក់សាំងមុនការបោះឆ្នោតថ្ងៃទី ៣ ខែវិច្ឆិកា ។

រដ្ឋបាលចំណីអាហារនិងឪសថអាមេរិកក៏បានលើកឡើងពីលទ្ធភាពដែលថា«វ៉ាក់សាំងអាចត្រូវបានផ្តល់ការអនុញ្ញាតជាបន្តបន្ទាន់មុនពេលបញ្ចប់ការសាកល្បង»។

រដ្ឋបាលចំណីអាហារនិងឪសថបានប្រឈមនឹងការចោទប្រកាន់ពីសហគមន៍វេជ្ជសាស្រ្តដែលខ្លួនបានបដិសេធថា ខ្លួនកំពុងឱនក្បាលទៅនឹងសម្ពាធនយោបាយពីលោក Trump ដែលកំពុងដេញតាមគូប្រជែងប្រជាធិបតេយ្យលោក ចូប ប៊ីដិន(Joe Biden)នៅក្នុងការបោះឆ្នោត។

អ្វីដែលគួរឱ្យព្រួយបារម្ភនោះគឺថា សម្រាប់ការអនុម័តការប្រើជាបន្ទាន់សម្រាប់ការចាក់ថ្នាំបង្ការមានសុវត្ថិភាពនិងប្រសិទ្ធភាព គឺទាបជាងការសាកល្បងពេញលេញធម្មតា។

នាយកប្រតិបត្តិនៃក្រុមហ៊ុនឱសថជាច្រើនបានសង្កត់ធ្ងន់កាលពីថ្ងៃព្រហស្បតិ៍ ពីសារៈសំខាន់នៃការប្រកាន់ខ្ជាប់នូវបទដ្ឋាននៃការធ្វើតេស្ត៍ខ្ពស់ ដោយប្តេជ្ញាមិនកាត់បន្ថយសុវត្ថិភាព និងប្រសិទ្ធភាពឡើយទោះបីជាពួកគេប្រណាំងនាំវ៉ាក់សាំងការពារមេរោគនិងការព្យាបាលទៅរកទីផ្សារក៏ដោយ។

លោក Harris បានមានប្រសាសន៍ថា“ ដំណឹងល្អគឺក្រុមហ៊ុនផលិតបានដាក់ប្រៀបធៀបរួចហើយថាតើវ៉ាក់សាំងមួយណាដែលមានប្រសិទ្ធភាពជាងចាក់វ៉ាក់សាំងមួយណា”។

លោកស្រីបាននិយាយថា“ មនុស្សជាច្រើនកំពុងតែរិះរកវិធី ដែលពួកគេអាចបង្កើនផលិតកម្មវ៉ាក់សាំងនៅពេលដែលយើងដឹងថា តើវ៉ាក់សាំងមួយណាដែលយើងនឹងចាប់ផ្តើម” ។ 

យោងទៅតាមអង្គការសុខភាពពិភពលោកបេក្ខជនវ៉ាក់សាំងចំនួន ៣៤ នៅទូទាំងពិភពលោកបច្ចុប្បន្នកំពុងស្ថិតក្នុងដំណាក់កាលផ្សេងៗគ្នានៃការសាកល្បងលើមនុស្ស ខណៈដែល ១៤២នាក់ទៀតកំពុងស្ថិតក្នុងការវាយតម្លៃមុនព្យាបាល។

អត្ថបទ៖ស្រីណា

ប្រភព៖​ THE COROVIRUS PANDEMI