រឿង ៨យ៉ាងដែលអ្នកបើកបរយន្តហោះដឹកអ្នកដំណើរមិនប្រាប់អ្នកជាដាច់ខាត
យោងតាមតាមសំណួរដែលរៀបចំ និងចងក្រងឡើងនៅលើគេហទំព័រ Quora បានទម្លាយរឿង ៨ចំណុចដែលអ្នកបើកយន្តហោះមិនប្រាប់អ្នកដំណើរជាដាច់ខាត។ រឿងទាំង ៨ចំណុចនោះគឺ៖
១) ហាមអ្នកមិនឱ្យផឹកកាហ្វេ៖ មានអ្នកធ្លាប់លើកឡើងថា មានអ្នកបើកបរយន្តហោះម្នាក់នៅក្រុមហ៊ុនអាកាសចរណ៍ធំមួយបានហាមអ្នកដំណើរមិនឱ្យផឹកកាហ្វេ។ នោះគឺជាការពិត ព្រោះថាសារធាតុគីមីដែលដាក់ចូលក្នុងធុងទឹកដើម្បីសម្លាប់បាក់តេរីគឺធ្វើឱ្យកាហ្វេមានរសជាតិមិនល្អ។
២) កៅអីល្អបំផុតសម្រាប់លោកអ្នក៖ កៅអីអង្គុយដែលល្អបំផុតបំផុតគឺនៅក្បែរស្លាប។ កៅអីទៅកន្ទុយយន្តហោះគឺមិនសូវល្អនោះទេ។ នៅពេលនៅលើអាកាស ផ្នែកកណ្ដាលនៃយន្តហោះគឺមិនសូវមានចលនាខ្លាំងនោះទេ។ បើនិយាយពីចរន្តខ្យល់វិញ គឺជាទូទៅធ្វើចលនាពីខាងមុខនៃតួយន្តហោះទៅផ្នែកខាងក្រោយយន្តហោះ។ និយាយដោយខ្លី នៅផ្នែកខាងមុខមានខ្យល់បរិសុទ្ធ ហើយនៅផ្នែកខាងក្រោយគឺខ្យល់ក្ដៅ។
៣) អ្នកបើកយន្តហោះមិនញ៉ាំអាហារនៅលើយន្តហោះនោះទេ៖ អ្នកបើកយន្តហោះគឺមានអាហារផ្ទាល់ខ្លួន ពោលគឺមិនមែនអាហារសម្រាប់អ្នកដំណើរនោះទេ។ អ្នកបើកយន្តហោះទាំងពីរនេះ ក៏មានអាហារផ្សេងគ្នាដែរ។
៤) កុំបារម្ភពីសញ្ញាប្រាប់អ្នកពីកន្លែងរឹតខ្សែកៅអី៖ តាមពិតទៅ មានអ្នកជំនាញធ្លាប់ប្រាប់ថាស សញ្ញាប្រាប់អ្នកឱ្យរឹតខ្សែកៅអីនោះគឺមិនសំខាន់នោះទេដូច្នោះលោកអ្នកមិនត្រូវបារម្ភអ្វីខ្លាំងនោះទេ។ សញ្ញានោះនឹងលោតឡើង ជាពិសេសពេលយន្តហោះឃ្លីងឃ្លោង។
៥) អ្នកបើកបរយន្តហោះខ្លះមានកាំភ្លើង៖ អ្នកបើកយន្តហោះនៅសហរដ្ឋអាមេរិកមានសិទ្ធិប្រើប្រាស់កាំភ្លើង។
៦) ចុះបើយន្តហោះត្រូវចោរប្លន់ អ្នកបើកបរធ្វើយ៉ាងម៉េច មានអ្នកជំនាញប្រាប់ថា នៅពេលយន្តហោះត្រូវចោរប្លន់ អ្នកបើកបរនឹងបង្ហើបស្លាបយន្តហោះ ឱ្យកាន់តែខ្លាំង ដើម្បីបន្ថយល្បឿនយន្តហោះបន្ទាប់ពីវាចុះ។ នេះជាសញ្ញាមួយប្រាប់ទៅកាន់អាកាសយានដ្ឋានថា មានរឿងមិនស្រួលនៅក្នុងយន្តហោះ។
៧) យន្តហោះឃ្លីងឃ្លោង គ្មានអ្វីត្រូវខ្លាច៖ បើគិតជារួម យន្តហោះដែលធ្លាក់ភាគច្រើនគឺនៅពេលហោះឡើង ឬពេលចុះចត។ រឿងយន្តហោះឃ្លីងឃ្លោងជារឿងធម្មតា ប៉ុន្តែអាចធ្វើឱ្យអ្នកជិះភ័យខ្លាំង តែជារឿងធម្មតាសម្រាប់អ្នកបើកបរទៅហើយ។
៨) តាមពិតការប្រើទូរស័ព្ទក៏គ្មានបញ្ហាអ្វីដែរ៖ តាមពិតទៅ ទូរស័ព្ទអាចប្រើបានមិនថានៅពេលហោះឡើង ឬពេលចុះចតនោះទេ។ គ្មានការស្រាវជ្រាវណាបង្ហាញថា ករប្រើប្រាស់ទូរស័ព្ទបង្កបញ្ហាអេឡិចត្រូនិកណាមួយដល់យន្តហោះ ឬប្រព័ន្ធអ្វីមួយនោះទេ។ អ្នកបើកយន្តហោះខ្លះក៏អាចប្រើទូរស័ព្ទរបស់ខ្លួនបានទៀតផង។ រឿងទាំង ៨យ៉ាងខាងលើនេះ គឺអ្នកបើកបរសុទ្ធតែមិនដែលប្រាប់អ្នកនោះទេ៕
ដោយ៖ រតនៈវិភូ
