ជីវិតតស៊ូរបស់លោកម៉ៃឃើល ឌែល៖ ពីក្មេងលាងចាន ក្លាយជាមហាសេដ្ឋីលំដាប់ពិភពលោក
ជីវិតដំបូងរបស់លោកម៉ៃឃើលឌែល (Michael Dell)៖ លោកម៉ៃឃើលឌែល មានការខិតខំប្រឹងប្រែងតាំងតែពីខ្លួននៅក្មេងមកម្ល៉េះ។ ក្នុងវ័យ១២ឆ្នាំគាត់បានធ្វើជាអ្នកនៅចាននៅភោជនីយដ្ឋានមួយក្បែរផ្ទះរបស់គាត់ទើបគាត់អាចបង្កើនការសន្សំប្រាក់របស់គាត់បាន។ ប៉ុន្មានឆ្នាំក្រោយមកលោកឌែលក៏បានវិវឌ្ឍខ្លួនក្លាយជាអ្នកដើរចែកចាយកាសែតឲ្យក្រុមហ៊ុន Houston Post ដែលទីនេះក៏ជាទីកន្លែងចាប់ផ្ដើមគំនិតរកស៊ីរបស់គាត់ដែរ។ ហើយគាត់ជាមនុស្សម្នាក់ដែលចូលចិត្តអង្កេតមើលតម្រូវការមនុស្សជុំវិញដែលផ្ដល់គំនិតឲ្យគាត់រកស៊ីហើយគាត់ក៏បានរកប្រាក់ចំណូលតាមរយៈការធ្វើការងារឲ្យគេរហូតទទួលបាន១ម៉ឺន៨ពាន់ដុល្លារមុននឹងគាត់ចាប់ផ្ដើមរកស៊ីដោយខ្លួនឯង។
កុំព្យូទ័រឌែល (Dell) ៖ នៅពេលដែលលោកឌែលចាប់ផ្ដើមការងារអាជីវកម្មរបស់គាត់ក្នុងការវិវឌ្ឍកុំព្យូទ័រផ្ទាល់ខ្លួន គឺគាត់នៅត្រឹមតែជាសិស្សនៅឡើយទេ។ បន្ទាប់មកគាត់ ក៏ក្លាយជាអ្នកលក់ចុះកុងត្រាម្នាក់ ហើយគាត់ក៏ដឹងដែរថាខ្លួននឹងអាចឈ្នះកិច្ចសន្យាដោយហេតុថាគាត់មិនបានចំណាយលុយក្នុងការបើកជាហាងកុំព្យូទ័រនោះទេ។ នៅដើមឆ្នាំ១៩៨៤លោកឌែលបានបង្កើតចេញជាសកម្មភាពតាមគំនិតដែលខ្លួនមានហើយគាត់ទទួលបានប្រាក់ចំណេញក៏ដូចជាផលប្រយោជន៍ជាច្រើនពីការលក់រាយ ដោយពាក់ព័ន្ធជាមួយនឹងឈ្មួញកណ្ដាលផងដែរ។
លោកឌែលបានធ្វើការចាប់ផ្ដើមទីតាំងអាជីវកម្មដំបូងរបស់គាត់នៅខុនដូ យ៉ាងណាមិញនៅខែមេសាឆ្នាំដដែលនេះ Dellត្រូវបង្ខំឱ្យប្តូរទៅក្នុងបរិវេណមួយធំជាងនេះដែលរួមបញ្ចូលក្រុមហ៊ុនតូចមួយនេះឱ្យក្លាយទៅជាក្រុមហ៊ុនសាជីវកម្ម Dellកុំព្យូទ័រ (Dell Computer Corporation)។ ក្រុមហ៊ុន Dell បានជួលមនុស្សតិចជាងដប់នាក់និងប្រើប្រាស់ដើមទុនដើម្បីបណ្ដាក់ទុនថ្មីត្រឹមតែ១ពាន់ដុល្លារតែប៉ុណ្ណោះ។
ប្រភពរូប៖ Bloomberg
នៅពេលដែលលោកឌែលមានអាយុ២៧ឆ្នាំ លោកបានក្លាយជានាយកប្រតិបត្តិម្នាក់ដ៏ក្មេងបំផុតក្នុងចំណោមសហគ្រិនដ៏ជោគជ័យទាំង៥០០រូបនៅក្នុងទស្សនាវដ្ដីហ្វប (Forbes Magazine) ។ នៅក្នុងឆ្នាំ១៩៩៦បានពង្រីកអាជីវកម្មរបស់គាត់ទៅលើបណ្ដាញអ៊ីនធឺណិតហើយមិនយូរគាត់ក៏ទទួលបានភាពជោគជ័យមួយដោយទទួលបានចំណូលរហូតទៅដល់១លានដុល្លារក្នុងមួយថ្ងៃ។ លោកឌែលក៏ត្រូវបានគេទទួលស្គាល់ថាជាអ្នកបង្កើតកុំព្យូទ័រផ្ទាល់ខ្លួនដ៏ជោគជ័យជាងគេនៅក្នុងពិភពលោក។ គោលដៅវិនិយោគរបស់លោកម៉ៃឃើល ឌែល៖ លោកឌែលតែងតែផ្តល់តម្លៃលើការចែករំលែក ដែលជាលទ្ធផលគាត់បានបង្កើតមូលនិធិ Michael and Susan Dell Foundation ជាមួយភរិយារបស់គាត់ក្នុងគោលបំណងជួយទៅដល់ការផ្គត់ផ្គង់ផ្នែកអប់រំ សេវាកម្មមន្ទីរពេទ្យ ក៏ដូចជាស្ថិរភាពសេដ្ឋកិច្ចគ្រួសារព្រមទាំងរឿងសប្បុរសធម៌ជាច្រើនទៀត។ រហូតមកដល់ចុងឆ្នាំ២០០៩ មូលនិធិបានធ្វើការបរិច្ចាគរហូតទៅដល់៦៥០លានដុល្លារចំពោះការងារសហគមន៍និងបញ្ហាផ្សេងៗរបស់កុមារទាំងនៅសហរដ្ឋអាមេរិកនិងនៅជុំវិញពិភពលោកផងដែរ។
បញ្ហាក៏ដូចជាការប្រឈមមុខថ្មីៗ៖ ក្រុមហ៊ុនឌែលធ្លាប់មានវិបត្តិដ៏ធំមួយដោយសារតែការចំណាយទៅលើការជួសជុលម៉ាស៊ីនរហូតអស់៣០០លានដុល្លារហើយក៏ធ្វើឲ្យមានការបាត់បង់ស្លាកសញ្ញាឌែនេះពីឧស្សាហកម្មកុំព្យូទ័រផងដែរ តែនៅឆ្នាំ២០០៧លោកឌែលក៏បានក្លាយជាប្រធានប្រតិបត្តិក្រុមហ៊ុននេះម្ដងទៀត។ នៅក្នុងរដូវក្ដៅនៃឆ្នាំ២០១០ ក្រុមហ៊ុន Dell បានជួបប្រទះភាពចម្រូងចម្រាសដោយសារតែលោក Michael បានតាំងទីលំនៅច្រើនដែលមានតម្លៃជាង១០០លានដុល្លារទើបធ្វើឲ្យមានការសង្ស័យនិងចោទប្រកាន់ពីបទលួចបន្លំលុយក្រុមហ៊ុន។ គាត់បានបើកក្រុមហ៊ុនមូលធនឯកជនជាមួយនឹង Bill Gates ដែលជានាយកប្រតិបត្តិក្រុមហ៊ុន Microsoft ដើម្បីបើកដំណើរការទិញសម្រាប់ភាពឆ្នើមនិងជោគជ័យរបស់ក្រុមហ៊ុន Dell នេះឡើងវិញដែលនេះបាននាំផ្នែកមួយនៃការទិញដ៏ធំបំផុតហើយចុងក្រោយនេះជាមួយនឹងកិច្ចព្រមព្រៀងដែលមានតម្លៃ ២៤ពាន់លានដុល្លារ។ នេះជាការបំផុសគំនិតដ៏គំរូមួយពីរបៀបដែលលោក Michael Dell បានគ្រប់គ្រងដើម្បីបង្កើតដង្ហើមថ្មីសម្រាប់ក្រុមហ៊ុនរបស់លោកបើទោះបីជានៅមានបញ្ហាប្រឈមជាច្រើនយ៉ាងណាក៏ដោយ។លោក Michael Dellបានរួមបញ្ចូលគ្នាទាំងការបង្កើតថ្មី ចំណង់ចំណូលចិត្ត ការតស៊ូ និងការផ្តោតអារម្មណ៍របស់គាត់ទៅលើដំណោះស្រាយព្រមជាទាំងជាគន្លឹះដែលធ្វើឲ្យគាត់ក្លាយជាសហគ្រិនដ៏ជោគជ័យមួយរូប។ វាបូករួមទាំងការចង់ដឹងចង់ឃើញនិងភាពអត់ធន់របស់គាត់ ដែលបានដុតបញ្ឆេះចូលគ្នាហើយធ្វើឲ្យគាត់បានសម្រេចនៅសុបិនរបស់ខ្លួនផងដែរ។ ស្រង់ចេញពីរឿងពិតរបស់លោកផ្ទាល់បានធ្វើឲ្យយើងដឹងថាគ្មានក្ដីសុបិនណាដែលមិនអាចសម្រេចបាននោះទេ ហើយយើងពិតជាមិនជឿនោះទេទាល់តែយើងបានសាកល្បងធ្វើវាដោយផ្ទាល់៕
សម្រង់សម្ដីសំខាន់ៗរបស់លោក Michael Dell ដែលគួរចងចាំ៖
១) «ប្រសិនបើអ្នក សប្បាយចិត្ត វាគឺជារឿងសំខាន់បំផុត។ គ្រប់គ្នាសុទ្ធតែមាននិយមន័យនៃពាក្យថា ជោគជ័យផ្ទាល់ខ្លួន ប៉ុន្តែសម្រាប់ខ្ញុំ ជោគជ័យគឺនៅពេលជីវិតមានសុភមង្គល»។
២) «យើងសុទ្ធតែសំខាន់សម្រាប់គ្នាទៅវិញទៅមក ហើយភាពរីកចម្រើនរបស់ខ្ញុំក្នុងការក្លាយជាអ្នកដឹកនាំមួយរូបនៅពេលនេះ គឺបង្ហាញយ៉ាងច្បាស់ថា វាកើតឡើងចេញពីទំនាក់ទំនងរបស់ខ្ញុំ»។
៣) «សូមកុំចំណាយពេលយូរពេក ក្នុងការជ្រើសរើសឱកាសដែលល្អឥតខ្ចោះ ព្រោះវាអាចធ្វើឲ្យអ្នកបាត់បង់ឱកាសល្អបាន»។
៤) «ការសហការគ្នា វាស្មើនឹងការបង្កើតអ្វីដែលថ្មី»។
៥) «នៅពេលខ្ញុំមានអាយុ៧ឆ្នាំ ខ្ញុំបានទិញម៉ាស៊ីនគិតលេខដំបូង ហើយវាធ្វើឲ្យខ្ញុំចាប់អារម្មណ៍ខ្លាំងលើ មា ស៊ីនដែលអាចគណនាបាន»។
៦) «ពិតមែនហើយ ជំនួញរបស់យើងផ្ដោតសំខាន់លើបច្ចេកវិទ្យា។ ប៉ុន្តែវាក៏ផ្ដោតសំខាន់លើ ប្រតិបត្តិការ និង ទំនាក់ទំនងអតិថិជនផងដែរ»៕
